گەرمانيانىڭ پوليتسيا قىزمەتكەرلەرى «يسلام مەملەكەتى» لاڭكەستىك توبى جەتەكشىلەرىنىڭ ءبىرىن قولعا ءتۇسىردى, دەپ حابارلادى lenta.ru.
رەينلاند-پفالتس فەدەرالدى جەرىنىڭ بيلىگى ۇستالعان ادامنىڭ گەرمانيا اۋماعىندا سودىرلارعا جاۋاپتى ەكەنىن مالىمدەدى. جەرگىلىكتى جول پوليتسياسى قىزمەتكەرلەرى ونى قۇجات تەكسەرۋ كەزىندە قولعا تۇسىرگەن.
تەرگەۋشىلەردىڭ ايتۋىنشا, راديكالدار ءوز شابۋىلدارىن فۋتبولدان بۋندەسليگا چەمپيوناتى باستالعان كەزدە ۇيىمداستىرۋدى جوسپارلاعان بولۋى مۇمكىن.
ەسكە سالا كەتەيىك, شىلدە ايىندا ەكسترەميستەر گەرمانيا اۋماعىندا بىرنەشە رەت لاڭكەستىك ارەكەت جاساعان. 19 شىلدە كۇنى بالتامەن قارۋلانعان راديكال باۆاريادا پويىز جولاۋشىلارىنا شابۋىلدادى, ال سودان التى كۇن وتكەن سوڭ انسباح قالاسىندا بومبا جارىلعان.
ايدار ورىسباەۆ