بىلتىر جانە ۇستىمىزدەگى جىلدىڭ وتكەن مەرزىمىندە تيميريازەۆ اۋداندىق اۋىل شارۋاشىلىعى جانە ۆەتەريناريا بولىمىنە 409 ميلليون تەڭگە دەمەۋقارجى بولىنگەن بولاتىن. وكىنىشتىسى سول, بىرقاتار جىلپوستار قوماقتى قاراجاتتى جانار-جاعارماي, مينەرالدىق تىڭايتقىشتار, تۇقىم, گەربيتسيدتەر ساتىپ الۋ, اسىل تۇقىمدى مال شارۋاشىلىعىن دامىتۋ ماقساتىنا باعىتتاۋدىڭ ورنىنا زاڭسىز جولمەن جۇمساپ كەلگەن. اۋداندىق پروكۋراتۋرا دەمەۋقارجى بويىنشا تەكسەرۋ جۇرگىزىپ, «گەران» فەرمەرلىك شارۋاشىلىعىنىڭ جەتەكشىسى ا.پەرۆىشيننىڭ الاياقتىعىن اشكەرەلەدى. ول ەكى جىلدا 1 ميلليون 720 مىڭ تەڭگە قارجى الا تۇرا 25 ءىرى قارا مالىن كەم جازدىرتقان. ءسويتىپ, 450 مىڭ تەڭگەنى قالتاسىنا باسقان. پىسىقاي كاسىپكەردىڭ 2014 جىلى دا وسىنداي قادامعا بارعانى بەلگىلى بولدى. ويتكەنى, جەرگىلىكتى ۆەتەرينارلىق ستانسا مەكەمەسىنىڭ جۇمىسىن تەكسەرۋ بارىسىندا دەمەۋقارجى كومەگىمەن ساتىپ الىندى دەگەن ونداعان باس ءىرى قارا جوق بولىپ شىققان.
گۇلمايرا كەنجەبولاتوۆا,
وبلىستىق پروكۋراتۋرانىڭ باس مامانى
سولتۇستىك قازاقستان وبلىسى