سىبايلاس جەمقورلىققا قارسى ءىس-قيمىل بيۋروسىنىڭ وبلىستىق دەپارتامەنتى بيىل 8 مەملەكەتتىك قىزمەتكەردىڭ پارامەن ۇستالعانى جونىندە اقپارات تاراتتى.
ولاردىڭ اراسىندا وبلىستىق كارانتيندى زەرتحانا باسشىسى تالاسباەۆ, مەملەكەتتىك ينسپەكتسيا كوميتەتى پەتروپاۆل اۋماقتىق ينسپەكتسياسىنىڭ جەتەكشىسى سادۋاقاسوۆ, وسىمدىكتەر كارانتينى بويىنشا مەملەكەتتىك ينسپەكتور ۋساتەنكو بار.
سىبايلاس جەمقورلىققا قاتىسى بار دەگەن كۇدىكتىلەر فيتوسانيتارلىق قورىتىندى بەرگەنى جانە گوللاند گۇلدەرى مەن تەز بۇزىلاتىن اۋىل شارۋاشىلىعى ونىمدەرىن يمپورتقا شىعارۋ, كاسىپكەرلىك قىزمەتكە زاڭسىز قولداۋ كورسەتكەندەرى ءۇشىن سەرىكتەستىكتىڭ ديرەكتورىنان ۇلكەن كولەمدە پارا العان. ەندى ولاردىڭ كىنالارى دالەلدەنسە, 6 جىلدان 12 جىلعا دەيىن باس بوستاندىقتارىنان ايىرىلۋى مۇمكىن. سونداي-اق, ءومىر بويى مەملەكەتتىك قىزمەتتەن شەتتەتىلەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى