كورەيا دارىگەرلەرىنىڭ كومەگى

تاياۋدا زايسان اۋدانى تۇرعىندارىنا تەگىن دارىگەرلىك كومەك كورسەتۋ ءۇشىن وڭتۇستىك كورەيانىڭ كانگنام سەۆەرانس يونسە ۋنيۆەرسيتەتىنىڭ بىلىكتى دە ءبىلىمدى پروفەسسورلارى, دارىگەرلەرى كەلدى. كەلگەن قوناقتار شىلىكتى قورىمىندا ارحەولوگتارمەن كەزدەسىپ, اەليتا ابىشەۆانىڭ اڭشىلىق-تۋريستىك كلاستەرىمەن تانىستى. بەلگىلى كاسىپكەر ا.ابىشەۆا قوناقتاردىڭ جول شىعىنىن كوتەرىپ السا, اۋداننىڭ باسقا ءىس­كەر جاندارى ولاردى قوناقۇيگە ور­نالاستىرۋ, ءتورت مەزگىل تاعامىن بەرۋ سياقتى شارالارعا بەلسەنە اتسالىستى. كورەيادان كەلگەن بىلىكتى دە ءبىلىمدى دارىگەرلەر بەس كۇن بويى اۋدان تۇرعىندارىن تەكسەرىس­تەن وتكىزىپ, ولارعا ەم قولداندى, پايدالى كەڭەس بەردى. سول كۇنى اۋدان اكىمى ت.قاسىمجانوۆ پەن كورەيا­دان كەلگەن گوسپيتالدىڭ باس دارىگەرى, پروفەسسور كيم حەن چجۋنگ مەديتسينا سالاسى بويىنشا ەكىجاقتى دارىگەرلىك قىزمەت كور­سەتۋ جونىندەگى بىرلەسكەن مە­مو­ران­دۋمعا قول قويدى. كەيىن كورەيادان كەلگەن 6 پروفەسسور مەن بىلىكتى دارىگەرلەر پاتسيەنتتەرگە قابىلداۋ جۇرگىزدى. ءاربىر ناۋقاسپەن ءتىلماش ارقى­لى تىلدەسكەن بىلىكتى تەراپەۆت, نەۆروپاتولوگ, پۋلمونولوگ, باسقا ماماندىق يەلەرى ولارعا قان­­­داي ەم قابىلداۋ كەرەكتىگىن مۇقيات ءتۇسىندىردى. ال ناۋقاسى اۋىر ەكى ادامعا حيرۋرگيالىق وپەرا­تسيا­نى جاساۋ ءۇشىن كورەياعا شا­قىر­عان كەزدە جول شىعىنىن ءوز مويىندارىنا الاتىنىن جەتكىزدى. وسىندا «ساپا» مەديتسينا­لىق ورتالىعىنىڭ زايسانداعى اۋدان­دىق بولىمشەسىنىڭ سالتانات­تى اشىلۋى بولدى. بۇل دارىگەرلىك ورتا­لىقتى وبلىستىق ءماسليحات­تىڭ دەپۋتاتى, «زايسان» قۇرىلىس كوم­­­پا­نياسىنىڭ باسشىسى بولات نۇراسىل ءوز قارجىسىنا سالعان. ورتالىقتىڭ سالتاناتتى اشىل­ۋىنا اۋدان اكىمى ت.قاسىمجانوۆ, كورەيادان كەلگەن پروفەسسور كيم حەن چجۋنگ, ارداگەر دارىگەرلەر مەن قالا تۇرعىندارى قاتىستى. مەديتسينالىق ورتالىققا جوعارى ساناتتى دارىگەر, انەستەزيولوگ بەكزات ايتباەۆ جەتەكشى­لىك ەتەدى. مۇندا ىشكى اعزانى تەك­سەرەتىن جوعارى ساپالى اپ­پاراتتار, وڭالتۋ ورتالىعى, شەتەلدىك قوندىر­عى­لارمەن جاب­دىقتالعان 6 كابينەت بار. كورەيادان كەلگەن پروفەسسور كيم حەن چجۋنگ شالعايداعى اۋداندا زاماناۋي تالاپتارعا ساي مەديتسينالىق ورتالىق­تىڭ اشىلۋى اۋدان تۇرعىندارى­نىڭ دەنساۋلىعىن جاقسارتۋعا ۇلەس قوساتىنىن, قايىرىمدىلىق سا­پا­رىنىڭ شىعىس قازاقستان مەن كورەيا اراسىنداعى دوستىق پەن ىنتىماقتاستىق تۋرالى مەمو­راندۋمنىڭ جەمىسى ەكەنىن تىلگە تيەك ەتتى. وڭداسىن ەلۋباي, جۋرناليست شىعىس قازاقستان وبلىسى, زايسان اۋدانى