دۋبايدا تاعى ءبىر ءزاۋلىم عيمارات سالىنىپ جاتىر

[caption id="attachment_54229" align="aligncenter" width="560"] فوتو: naked-science.ru[/caption] ZAS Architects فيرماسى ازىرلەگەن ءزاۋلىم عيماراتتار جوباسىنىڭ قۇنى 550 ميلليون دوللارعا باعالانعان. naked-science.ru اقپارى بويىنشا, ءزاۋلىم ەكى عيماراتتان تۇراتىن بيىك مۇنارالاردىڭ جالپى اۋماعى 186 مىڭ شارشى مەتر بولادى. ەكەۋى دە 53 قاباتتان تۇرادى. ولاردىڭ بىرىندە ءبىرىنشى ساناتتاعى 448 بولمەلىك قوناقۇي بولسا, ەكىنشىسىندە 280 پاتەر بار. عيمارات ءىشىنىڭ كىرە بەرىسى كەلۋشىلەردى ۇلكەن تروپيكالىق ورماندا جۇرگەندەي سەزىمدە قالدىراتىن ارنايى 3D جوبالارمەن جابدىقتالعان. سونداي-اق, قوسىمشا اۋديوۆيزۋالدى, روبوتوتەحنولوگيالىق جانە 3D تەحنولوگيالار ونىڭ اسەرىن كۇشەيتەتىن بولادى. [caption id="attachment_54230" align="aligncenter" width="560"] فوتو: naked-science.ru[/caption] جاڭا عيماراتتاردىڭ باستى ەرەكشەلىگى – ىشىندە اۋماعى 7000 شارشى مەتردى قۇرايتىن تروپيكالىق ورمان ورنالاسقان. بۇل جەردە قوعامدىق اتتراكتسيوندار, تروپيكالىق وسىمدىكتەر جانە تروپيكالىق ىلعالدى اۋا جۇيەسى بار. ارحيتەكتورلاردىڭ ايتۋىنشا, تروپيكالىق ىلعالدى اۋا جۇيەسى تۇمان مەن جاڭبىردى شىنايى سەزىنۋگە مۇمكىندىك بەرەدى. كەلۋشىلەرگە ارنالعان بىرنەشە دەمالىس ورنى, باسسەين, جاعاجاي, ءتۇرلى ءدامحانالار, سارقىرامالار بولادى. جوبانى ازىرلەۋشىلەر بۇدان بولەك, عيماراتتىڭ الدىڭعى قاتارلى تەحنولوگيالارمەن جابدىقتالعانىن مالىمدەدى. جۇكتى جىلدام قوزعالاتىن ليفتىلەرمەن بولمەگە جەتكىزەتىن روبوتتالعان جۇيە ورناتىلعان. عيماراتتىڭ قۇرىلىسىن 2018 جىلى اياقتاۋ جوسپارلانعان. ايان ءابدۋالي