ەۋروپا فۋتبولىندا 2020 جىلعا قاراي جاڭا چەمپيوندار ليگاسى ىسكە قوسىلۋى ابدەن ىقتيمال. Life پورتالىنىڭ حابارلاۋىنشا, رەسەي فۋتبول وداعى اتقارۋ كوميتەتىنىڭ مۇشەسى اناتولي ۆوروبەۆ يسپاننىڭ جانە يتالياننىڭ جەتەكشى كلۋبتارى وسىنداي ۇسىنىس جاساپ جاتقانىن مالىمدەگەن.
ا.ۆوروبەۆتىڭ پىكىرىنشە, ەندى تەك ەۋروپا فۋتبول اسسوتسياتسيالارى وداعى مەن ۇلتتىق فۋتبول فەدەراتسيالارىنىڭ جاڭا ءپىشىم جونىندە كەلىسىمگە كەلۋلەرىنىڭ وزىنە بىرنەشە جىل ۋاقىت كەتىپ قالادى.
«كەلەشەكتە جاڭا فۋتبول ليگاسىن قۇرۋ جونىندەگى يدەيا جۇزەگە اساتىن بولادى. بىراق الداعى ەكى-ءۇش جىلدىڭ ىشىندە ەمەس, ول 2020 جىلعا قاراي جۇزەگە اسادى. ۋەفا ازىرگە جارىستى قازىرگى پىشىمىندە وتكىزە بەرەدى. ال الدا كۇنتىزبە جونىندە ۇلتتىق فۋتبول فەدەراتسيالارىمەن جانە ليگالارمەن كەلىسىپ الۋ قاجەت», - دەپ ەسەپتەيدى ۆوروبەۆ.
بۇدان بۇرىن يسپانيا مەن يتاليانىڭ ءىرى فۋتبول كلۋبتارىنىڭ ءتۋرنيردىڭ كوممەرتسيالىق تابىسى جاعىن كوبەيتە ءتۇسۋ ماقمساتىندا جاڭا چەمپيوندار ليگاسىن قۇرۋ جونىندە ۇسىنىس ءبىلدىرىپ جاتقاندارى حابارلانعان بولاتىن. سونىڭ ىشىندە چەمپيوندار ليگاسىنداعى كوماندالار سانىن 16-عا دەيىن قىسقارتۋ جونىندە تارماق بولعان.
دامير قوجامقۇل