[caption id="attachment_53519" align="aligncenter" width="560"] فوتو: exclusive.kz[/caption]
ەلىمىزدە وتكەن جىلدان بەرى جەڭىلدەتىلگەن اۆتونەسيە مەملەكەتتىك باعدارلاماسى ارقىلى 6757 ادام كولىك ساتىپ العان. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ينۆەستيتسيالار جانە دامۋ مينيسترلiگiنiڭ رەسمي وكiلi قايسار جۇماباي ۇلى مالىمدەدى.
2016 جىلدىڭ العاشقى التى ايىندا ەلىمىزدە 3772 كولىك قۇراستىرىلدى. ولاردىڭ قاتارىندا جۇك كولىكتەرى, جەڭىل كولىكتەر جانە اۆتوبۋستار بار.
«ەگەر 2013-2014 جىلدارمەن سالىستىرار بولساق, اۆتوكولىك ءوندىرىسى ازداپ قۇلدىرادى. بۇعان الەمدە بولىپ جاتقان جاعدايلار, دەۆالۆاتسيا اسەر ەتىپ وتىر. قازىرگى تاڭدا مۇنداي جاعدايعا تەك قازاقستان عانا ەمەس, بىزدەن بولەك تاعى 17 مەملەكەت تاپ بولدى. دەگەنمەن, ەلىمىزدىڭ جالپى ىشكى ءونىمى قۇرىلىمىندا وتاندىق ءاۆتووندىرىس كاسىپورىندارىنىڭ ۇلەسى ايتارلىقتاي. ونىڭ كولەمى جارتىجىلدىق قورىتىندىسى بويىنشا 36,6 ميلليارد تەڭگە بولدى», – دەدى ينۆەستيتسيالار جانە دامۋ مينيسترلiگiنiڭ رەسمي وكiلi.
بۇل وڭدەۋشi ونەركاسiپتiڭ بiرقاتار نەگiزگi سالالارىنداعى كورسەتكiشتەن كوبiرەك. مىسالى, اۆتوونەركاسiپتiڭ جالپى iشكi ونiمگە قوسقان ۇلەسi جەڭiل ونەركاسiپتەن (34,7 ملرد. تەڭگە), قاعاز ونەركاسiبiنەن (20,3 ملرد. تەڭگە), فارماتسەۆتيكادان (18,7 ملرد تەڭگە), توقىما ونەركاسiبiنەن (18,3 ملرد.تەڭگە), ەلەكترونيكادان (17,2 ملرد. تەڭگە), جيھاز وندiرiسiنەن (12,2 ملرد. تەڭگە), اعاش وڭدەۋ وندىرىسىنەن (10,6 ملرد. تەڭگە) الدەقايدا جوعارى.
ايان ءابدۋالي