نيترات قۇرامى ءۇش ەسە كوپ

ىشكى اعزالاردىڭ, سونىڭ ىشىندە باۋىر مەن بۇيرەكتىڭ جۇمىسىن جاقسارتۋدا قاربىزدىڭ پايداسى مول ەكەنىن مەديك-عالىمدار باياعىدا پايىمداپ قويعان. الايدا, ابايلاماسا بولمايدى ەكەن. ورال قالالىق تۇتىنۋشىلار قۇقىعىن قورعاۋ باسقارماسى ارنايى اكتسيا شەڭبەرىندە تەكسەرۋ جۇرگىزگەن كەزدە جابايى تۇردە ساتىلىپ جاتقان قار­بىز­دىڭ قۇرامىنداعى نيترات قا­لىپتى مولشەردەن 3-4 ەسەگە ارتىق ەكەنى انىقتالدى. بۇل اع­زاعا وتە زيان­دى ەكەنى بەل­گىلى. تۇتاستاي العاندا وبلىس ورتا­لى­عىندا قاۋىن-قاربىز ساتاتىن 34 ارنايى ورىن بەلگىلەنگەن. ءبىر وكىنىشتىسى, بۇلارعا كوكونىس قۇرامىنا بايلانىستى تەكسەرۋلەر جۇرگىزىلمەي تۇر. مۇنداعى باستى سەبەپ – زەرتحانانىڭ جەتىس­پەۋى. مۇنداي تۇراقتى زەرتحانا ورتالىق «ميرلان» بازارىندا عانا بار ەكەن. الايدا بۇل قۇرى­لىم تەك وزدەرىندە ساتىلاتىن ءونىم­دەردى عانا تەكسەرۋدەن وتكىزەدى. ورال قالالىق جەرگىلىكتى پوليتسيا قىزمەتىنىڭ باسشىسى ءمۇسىلىم جاردەموۆتىڭ مالىمدەۋىنشە ارنايى بەلگىلەنبەگەن ورىن­دارداعى قاۋىن-قاربىز ساۋداسىنا بايلانىستى 360 حاتتاما تولتىرىلىپ, جارتى ميلليون تەڭگە ايىپپۇل سالىنعان. ايتسە دە مۇنداي ورىن­ارداعى كوكونىس ساۋداسى تىيى­لاتىن ءتۇرى بايقالمايدى. ەندەشە بۇل ماسەلەنى رەتتەۋدىڭ وزگە جولدارىن قاراستىرۋ كۇن تارتىبىندە تۇر دەمەكپىز. تەمىر قۇسايىن, «ەگەمەن قازاقستان» ورال