[caption id="attachment_51694" align="aligncenter" width="560"] فوتو: kazakhstanlive.ru[/caption]
برازيليانىڭ ريو-دە-جانەيرو قالاسىندا وتەتىن جازعى وليمپيا ويىندارى جاقىنداپ كەلەدى. وسى كۇنگە دەيىن قازاقستان ءدۇبىرلى دوداعا سپورتتىڭ 26 تۇرىنەن 104 ليتسەنزيا الدى. 102 سپورتشىدا ليتسەنزيا بار. ەكى سپورتشىنىڭ ليتسەنزياسى حالىقارالىق جەڭىل اتلەتيكا فەدەراتسياسىنىڭ وتىرىسىندا شەشىلەدى. ءبىر ايتا كەتەتىن نارسە, ەلىمىزدە كوماندالىق سپورت تۇرىنەن ليتسەنزيالار جوق.
2012 جىلى لوندون قالاسىندا وتكەن وليمپياداعا ەلىمىزدەن سپورتتىڭ 20 تۇرىنەن 115 سپورتشى قاتىسسا, 2008 جىلى بەيجىڭ وليمپياداسىندا جارىستىڭ 22 تۇرىنەن 132 سپورتشى باق سىناستى. 2004 جىلى افينادا وتكەن ويىندارعا سپورتتىڭ 17 تۇرىنەن 119 وتانداسىمىز قاتىسسا, 2000 جىلى سيدنەيدە 130 سپورتشى, 1996 جىلى اتلانتا وليمپياداسىندا 96 سپورتشى كۇش سىناستى.
داستان كەنجالين