پورتۋگاليا قۇراماسىنىڭ شابۋىلشىسى ءارى كاپيتانى كريشتيانۋ رونالدۋ فۋتبولدان ەۋروپا چەمپيونى اتانعانى ءۇشىن العان اقشالاي سىيلىعىن قايىرىمدىلىق قورىنا بەردى. spletnik.ru پورتالىنىڭ جازۋىنشا, ول چەمپيون اتانعانى ءۇشىن العان 275 مىڭ ەۋرونى تۇگەلىمەن راكپەن اۋىراتىن بالالارعا اۋدارىپ جىبەرگەن.
ەسكە سالا كەتەيىك, كريشتيانۋ ءوز كومانداسىنىڭ چەمپيوندار ليگاسىندا جەڭىسكە جەتكەنى ءۇشىن العان قارجىلاي بونۋسىن دا وسىلاي جۇمساپ, 456 مىڭ ەۋرو اقشاسىن تۇتاسىمەن ۇكىمەتتىك ەمەس ۇيىمدارعا اۋدارىپ جىبەرگەن بولاتىن.
پورتۋگاليا قۇراماسىنىڭ ليدەرى ەۋرو-2016-نىڭ فرانتسيا كومانداسىمەن وتكەن فينالدىق كەزدەسۋىنىڭ ءبىرىنشى تايمىندا سول تىزەسىنىڭ ىشكى قاپتالداعى ءسىڭىرى سوزىلىپ كەتكەندىكتەن, ويىندى ودان ءارى جالعاستىرا الماي, الاڭنان كەتۋگە ءماجبۇر بولىپ ەدى. الايدا, كوماندانىڭ قالعان ويىنشىلارى وسىدان كەيىن تاس-ءتۇيىن بولىپ ويناپ, اقىر سوڭىندا الاڭ يەلەرىنىڭ قاقپاسىنا ەكسترا تايمنىڭ 109-مينۋتىندا ەدەردىڭ گول سوعۋىمەن جەڭىسكە جەتىپ ەدى.
دامير قوجامقۇل