اقتاۋدا كادۋىلگى تۇرعىن ۇيىندە ەسىرتكىنى جايقالتا وسىرگەن ايەل ادام انىقتالدى. ءۇي يەسى ماريحۋانانى بولمە گۇلدەرىمەن قوسا قۇمىرادا باپتاپ وسىرگەن. ەسىرتكىنىڭ ءار تۇبىنە, ءار تالىنا باپپەن قاراعان ول ءشوپ ءتۇبىنىڭ توپىراعىن كەپتىرمەي, ءتىپتى ۇيدەگى اۋا تەمپەراتۋراسىن دا ءبىرقالىپتا ۇستاي بىلگەن. پاتەرگە اياق استىنان كىرىپ كەلگەن ءتارتىپ ساقشىلارى 32 ءتۇپ قاراسورانى تاپتى. سونداي-اق, قىلمىستىق جولمەن وڭاي ولجا تابۋدى كاسىپ ەتكەن كەلىنشەك جەزوكشەلىكپەن اينالىسقاندىعى دا انىقتالدى. ءۇي يەسى ماريحۋانانى ءوزى شەگەتىندىكتەن, ءوز قاجەتىنە جاراتۋ ءۇشىن عانا ۇيىندە وسىرگەنىن ايتىپ اقتالدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى