اق جول

اباي مۋزەيىنەن باستالادى ءومىردىڭ قاي «ماۋسىمىنىڭ» بول­­سىن ءوز قىزىعى مەن قۋانىشى جە­­تەرلىك. دەگەنمەن... تابيعات تا­مىل­جي ءبۇر جارىپ, تىرشىلىك يەسى جاھانعا «مەن كەلدىم» دەپ جار سالاتىن كوكتەمگە تەڭ كەلەر نە بار؟! ەرجەتكەن ەكى جۇرەكتىڭ قۋانا تابىسىپ, ەكى جاستىڭ ءومىر جولىنا قول ۇستاسىپ, بىرگە اتتاناتىن شاعى قانداي عاجايىپ! جاس جۇبايلاردىڭ تىلەكشىسى, البەتتە, ارقاشان كوپ. ال سول ەكى جاس تۋعان وتباسىندا العان ونەگە جو­­­لىمەن ۇلگى كورسەتىپ, كيەلى ورىن­دارعا تاعزىم ەتىپ جات­سا, ءتىپتى, نۇر ۇستىنە نۇر ەمەس پە؟! اباي مۋزەيىنىڭ شىراقشىلارى سونداي ءبىر تاعىلىمدى ونەگەنىڭ كۋاسى بولدى. تاعدىرلارىن قوc­قان ەكى جاس ەرنار زۇپپار ۇلى سما­عۇ­­لوۆ پەن مارجان ەرمانقىزى مۇ­قانوۆا نەكەلەرىن قيا سالىسىمەن سەمەيدەگى اباي مۋزەيىنە اسىق­قان. ەرنار بولاشاق زاڭ­گەر, قازاق يننوۆاتسيالىق گۋما­ني­تارلىق زاڭ ۋنيۆەرسيتەتىنىڭ ستۋدەنتى, ال مارجان تەحنولوگ ما­مان­دىعىن شاكارىم اتىنداعى زاڭ ۋنيۆەرسيتەتىندە مەڭگەرۋدە. جاس جۇبايلار اباي شا­­­­­ڭى­­راعىن­دا ەستەلىك ءۇشىن سۋرەتكە ءتۇستى, ولار­عا مۋ­زەي اكىمشىلىگى اتى­نان ەسكەرتكىش سىي­لىقتار تاپسىرىلدى. اباي مۋزەيىنىڭ ۇجىمى ەرنار مەن مارجاننىڭ وسى ءبىر تاماشا باستامالارىنىڭ ودان ءارى جالعاسىن تاۋىپ, العاشقى قادامدارىن كيە­لى اباي شاڭىراعىنان باستايتىن جاس وتاۋ يەلەرىنىڭ قاتارى كوبەيە تۇسەرىنەن ءۇمىتتى. ولاردى مۋزەي ۇجىمى قاشاندا قۋانا قارسى الىپ, تەگىن قىزمەت كورسەتۋدى بورىش سا­ناي­دى. اباي ارمانى – تاۋەل­سىزدىگىمىزدىڭ باياندى بولۋى دا ۇلى اقىن ايتاتىن «كەۋدەسى ساۋلەلى» جاستاردىڭ ارقاسى, ەل بولاشاعى دا سولارعا تاۋەلدى. مەملەكەتتىك اباي مۋزەيىنىڭ ۇجىمى ءوز ءومىر جولدارىن اباي اتالارىنىڭ شاڭىراعىنا كەلىپ, ۇلى دالا ەلىنىڭ ۇلى اقىنىنا تاعزىم جاساۋدان باستاعان ەرنار مەن مارجانعا «قادامدارىڭ قۇتتى بولسىن, وتاۋلارىڭ باقىتقا تولسىن!» دەگەن تىلەك ايتتى. «ەگەمەن-اقپارات»