كەشە ۇكىمەت ۇيىندە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ پرەمەر-ءمينيستردىڭ ورىنباسارى ولەگ پانكراتوۆ باستاعان قىرعىز رەسپۋبليكاسى دەلەگاتسياسىمەن كەلىسسوزدەر جۇرگىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋ بارىسىندا ەكىجاقتى قارىم-قاتىناستاردىڭ دا, سونداي-اق, ەۋرازيالىق ەكونوميكالىق وداق فورماتىنداعى دا ءتۇرلى ءماسەلەلەر قارالدى.
تاراپتار ساۋدا-ەكونوميكالىق ىقپالداستىقتىڭ ءتۇرلى اسپەكتىلەرىن, ەكى ەلدىڭ ەنەرگيا جۇيەلەرىنىڭ تۇراقتى جۇمىسىن قامتاماسىز ەتۋ ماسەلەلەرىن تالقىلادى. كولىك سالاسىندا دەلەگاتسيالار اۆتوموبيل جانە تەمىرجول قاتىناستارىن دامىتۋ ءۇشىن كۇش-جىگەر جۇمساۋعا كەلىستى.
ونىڭ سىرتىندا باقىتجان ساعىنتاەۆ پەن ولەگ پانكراتوۆ فيتوسانيتارلىق تالاپتاردى ساقتاي وتىرىپ, ءوزارا اۋىلشارۋاشىلىق تاۋارلارىن جەتكىزۋدى ۇلعايتۋ مۇمكىندىكتەرىن, سۋ جەتكىزۋ, كوشى-قون, اۋىل شارۋاشىلىعى جانە قورشاعان ورتانى قورعاۋ ماسەلەلەرىن قاراستىردى.
كەلىسسوزدەر بارىسىندا تاراپتار مەملەكەتتەردىڭ تاۋارلار مەن قىزمەتتەردى ساۋدالاۋ, كولىك, ەنەرگەتيكا, تۋريزم سياقتى باسىم سالالارداعى ءوزارا ءىس-قيمىلداردى ودان ءارى جالعاستىرۋعا نيەت ءبىلدىردى.