فۋتبولدان ۋكراينا قۇراماسىنىڭ جاڭا باس جاتتىقتىرۋشىسى بولىپ اندرەي شەۆچەنكو تاعايىندالدى. ول فرانتسيادا وتكەن ەۋروپا چەمپيوناتى كەزىندە باس جاتتىقتىرۋشىنىڭ اسسيستەنتى بولىپ جۇمىس ىستەدى.
ۋكراينا فۋتبول فەدەراتسياسىنىڭ حابارلاۋىنشا, بۇرىنعى بەلگىلى فۋتبولشى شەۆچەنكونى بۇل ورىنعا تاعايىنداۋ جونىندەگى شەشىم ءبىر اۋىزدان قابىلدانعان.
بۇرىن اندرەي شەۆچەنكو كيەۆتىڭ «ديناموسىندا». «ميلان» مەن «چەلسيدە» وينادى. ول سونداي-اق ۋكراينا قۇراماسى ساپىندا 111 رەت الاڭعا شىعىپ, 48 گول سوققان. 2004 جىلى ول الەمدەگى ەڭ ۇزدىك فۋتبولشىعا بەرىلەتىن «التىن دوپ» كۋبوگىن جەڭىپ الدى.
ول فۋتبولشىلىق مانسابىن 2012 جىلى اياقتادى.
شەۆچەنكو ۋەفا-نىڭ ەڭ جوعارى دارەجەلى «PRO» كاتەگوريالى جاتتىقتىرۋشىلىق ليتسەنزياسىن 2015 جىلى الدى. وسىدان كەيىن ول كلۋبتىڭ نەمەسە قۇرامانىڭ باس جاتتىقتىرۋشىسىسى بولا الاتىن ەدى.
ايتا كەتۋ كەرەك, ەۋرو-2016-دا ۋكراينا قۇراماسى توپتا قاتارىنان ءۇش رەت ۇتىلىپ, جارىس جولىنان شىعىپ قالعان ەدى. مۇنىڭ اقىرى باس جاتتىقتىرۋشى ميحايل فومەنكونىڭ وتستاۆكاعا كەتۋىنە سەبەپ بولدى.
دامير قوجامقۇل