قازاقستان رەسپۋبليكاسى
باس پروكۋراتۋراسىنىڭ
2016 جىلعى 20 ناۋرىز №51 قازاقستان رەسپۋبليكاسى
قارجى مينيسترلىگىنىڭ
2016 جىلعى 19 اقپان №76
قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ
سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ
(سىبايلاس جەمقورلىققا قارسى قىزمەت)
2016 جىلعى 26 اقپان №20
رەسپۋبليكالىق بيۋدجەتتىڭ
اتقارىلۋىن باقىلاۋ جونىندەگى
ەسەپ كوميتەتىنىڭ
2016 جىلعى 31 ناۋرىز №6-نق
بىرلەسكەن نورماتيۆتىك قاۋلىسى جانە بۇيرىعى
سىرتقى مەملەكەتتىك ءاۋديتتى جانە قارجىلىق باقىلاۋدى جۇرگىزۋ كەزىندە
انىقتالعان قۇقىق بۇزۋشىلىقتار بويىنشا مەملەكەتتىك اۋديت
ماتەريالدارىن بەرۋ قاعيدالارىن بەكىتۋ تۋرالى
قازاقستان رەسپۋبليكاسى پرەزيدەنتىنىڭ 2002 جىلعى 5 تامىزداعى № 917 جارلىعىمەن بەكىتىلگەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى (بۇدان ءارى – ەسەپ كوميتەتى) تۋرالى ەرەجەنىڭ 15-تارماعىنىڭ 6) تارماقشاسىنا سايكەس, ەسەپ كوميتەتى قاۋلى ەتەدى جانە قازاقستان رەسپۋبليكاسىنىڭ باس پروكۋراتۋراسى, قازاقستان رەسپۋبليكاسىنىڭ قارجى مينيسترلىگى جانە قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى (سىبايلاس جەمقورلىققا قارسى قىزمەت) بۇيىرادى:
1. قوسا بەرىلىپ وتىرعان سىرتقى مەملەكەتتىك ءاۋديتتى جانە قارجىلىق باقىلاۋدى جۇرگىزۋ كەزىندە انىقتالعان قۇقىق بۇزۋشىلىقتار بويىنشا مەملەكەتتىك اۋديت ماتەريالدارىن بەرۋ قاعيدالارى بەكىتىلسىن.
2. وسى بىرلەسكەن نورماتيۆتىك قاۋلىنىڭ جانە بۇيرىقتىڭ شەڭبەرىندە قابىلدانعان شارالار تۋرالى ماتەريالدار مەن اقپاراتتى الماسۋدى ۋاقتىلى قامتاماسىز ەتۋ ماقساتىندا, سىرتقى مەملەكەتتىك ءاۋديتتى جانە قارجىلىق باقىلاۋدى جۇرگىزۋ كەزىندە انىقتالعان قۇقىق بۇزۋشىلىقتار بويىنشا مەملەكەتتىك اۋديت ماتەريالدارىن بەرۋ قاعيدالارىنىڭ ەرەجەلەرىن ۋاقتىلى ورىنداۋ بويىنشا جاۋاپتى ادامدار بەلگىلەنسىن.
ەسەپ كوميتەتىنىڭ زاڭ ءبولىمى زاڭنامادا بەلگىلەنگەن تارتىپپەن:
1) وسى بىرلەسكەن نورماتيۆتىك قاۋلىنىڭ جانە بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بىرلەسكەن نورماتيۆتىك قاۋلى جانە بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن;
3) وسى بىرلەسكەن نورماتيۆتىك قاۋلى جانە بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرىلۋىن;
4) وسى بىرلەسكەن نورماتيۆتىك قاۋلىنىڭ جانە بۇيرىقتىڭ ەسەپ كوميتەتىنىڭ ينتەرنەت-رەسۋرسىنا ورنالاستىرىلۋىن قامتاماسىز ەتسىن.
4. وسى بىرلەسكەن نورماتيۆتىك قاۋلىنىڭ جانە بۇيرىقتىڭ ورىندالۋىن باقىلاۋ ەسەپ كوميتەتىنىڭ قۇقىق قورعاۋ جانە ارناۋلى ورگاندارمەن ءوزارا ءىس-قيمىلىن قامتاماسىز ەتەتىن مۇشەسىنە, قازاقستان رەسپۋبليكاسى باس پروكۋرورىنىڭ ورىنباسارىنا, قازاقستان رەسپۋبليكاسىنىڭ قارجى ۆيتسە-مينيسترىنە جانە قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى (سىبايلاس جەمقورلىققا قارسى قىزمەت) توراعاسىنىڭ ورىنباسارىنا جۇكتەلسىن.
5. وسى بىرلەسكەن نورماتيۆتىك قاۋلى جانە بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ باس پروكۋرورى ا.داۋىلباەۆ
رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى ق.جاڭبىرشين
قازاقستان رەسپۋبليكاسىنىڭ قارجى ءمينيسترى ب.سۇلتانوۆ
قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى (سىبايلاس جەمقورلىققا قارسى قىزمەت) توراعاسى ق.قوجامجاروۆ
رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى
ەسەپ كوميتەتىنىڭ 2016 جىلعى 31 ناۋرىزداعى № 6-نق نورماتيۆتىك قاۋلىسىمەن
قازاقستان رەسپۋبليكاسى باس پروكۋرورىنىڭ 2016 جىلعى 30 ناۋرىزداعى № 51 بۇيرىعىمەن
قازاقستان رەسپۋبليكاسى قارجى ءمينيسترىنىڭ 2016 جىلعى 19 اقپانداعى № 76 بۇيرىعىمەن
قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى
ءىس-قيمىل ۇلتتىق بيۋروسى (سىبايلاس جەمقورلىققا قارسى قىزمەت) توراعاسىنىڭ
2016 جىلعى 26 اقپانداعى № 20 بۇيرىعىمەن بىرلەسىپ بەكىتىلگەن
سىرتقى مەملەكەتتىك ءاۋديتتى جانە قارجىلىق باقىلاۋدى جۇرگىزۋ كەزىندە انىقتالعان قۇقىق بۇزۋشىلىقتار بويىنشا مەملەكەتتىك اۋديت ماتەريالدارىن بەرۋ قاعيدالارى
1. جالپى ەرەجەلەر
1. وسى سىرتقى مەملەكەتتىك ءاۋديتتى جانە قارجىلىق باقىلاۋدى جۇرگىزۋ كەزىندە انىقتالعان قۇقىق بۇزۋشىلىقتار بويىنشا مەملەكەتتىك اۋديت ماتەريالدارىن بەرۋ قاعيدالارى (بۇدان ءارى – قاعيدالار) سىرتقى مەملەكەتتىك ءاۋديتتى جانە قارجىلىق باقىلاۋدى جۇرگىزۋ كەزىندە انىقتالعان قۇقىق بۇزۋشىلىقتار بويىنشا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ (بۇدان ءارى – ەسەپ كوميتەتى) مەملەكەتتىك اۋديت ماتەريالدارىن (بۇدان ءارى – مەملەكەتتىك اۋديت ماتەريالدارى) قازاقستان رەسپۋبليكاسىنىڭ باس پروكۋراتۋراسىن (بۇدان ءارى – باس پروكۋراتۋرا) ءبىر مەزگىلدە حاباردار ەتە وتىرىپ, قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسىنا (سىبايلاس جەمقورلىققا قارسى قىزمەت) (بۇدان ءارى – سىبايلاس جەمقورلىققا قارسى ءىس-قيمىل جونىندەگى ۋاكىلەتتى ورگان) جانە قازاقستان رەسپۋبليكاسىنىڭ قارجى مينيسترلىگىنە (بۇدان ءارى – ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگان) بەرۋ كەزىندە ەسەپ كوميتەتىنىڭ, باس پروكۋراتۋرانىڭ, سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگانداردىڭ ءوزارا ءىس-قيمىل راسىمدەرىن رەگلامەنتتەيدى.
2. وسى قاعيدالاردىڭ ماقساتى ازاماتتاردىڭ قۇقىقتارىن, بوستاندىعى مەن زاڭدى مۇددەلەرىن, ۇيىمداردىڭ مەنشىگىن, قۇقىقتارى مەن زاڭدى مۇددەلەرىن, قوعام مەن مەملەكەتتىڭ زاڭمەن قورعالاتىن مۇددەلەرىن قورعاۋ, كىنالى ادامداردى جاۋاپتىلىققا تارتۋ جونىندە قاجەتتى شارالاردى قامتاماسىز ەتۋ بولىپ تابىلادى.
3. قاعيدالار جىبەرىلەتىن مەملەكەتتىك اۋديت ماتەريالدارىنىڭ جانە ولار بويىنشا قابىلدانعان پروتسەستىك شەشىمدەردىڭ انىقتىعى مەن زاڭدىلىعى قاعيداتتارىنا نەگىزدەلەدى.
4. ەسەپ كوميتەتىنىڭ مەملەكەتتىك اۋديت ماتەريالدارىن باس پروكۋراتۋرانى ءبىر مەزگىلدە حاباردار ەتە وتىرىپ, سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندارعا بەرۋىنە:
1) مەملەكەتتىك ءاۋديتتىڭ قورىتىندىسى بويىنشا قىلمىستىق قۇقىق بۇزۋشىلىق بەلگىلەرىن قامتيتىن بۇزۋشىلىقتاردى (بۇدان ءارى – بۇزۋشىلىقتار) ەسەپ كوميتەتىنىڭ انىقتاۋى;
2) سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندارىنىڭ جانە باس پروكۋراتۋرانىڭ سۇراۋ سالۋى نەگىز بولىپ تابىلادى.
5. ەسەپ كوميتەتىنە جىبەرىلەتىن مەملەكەتتىك اۋديت ماتەريالدارىن ۇسىنۋعا سۇراۋ سالۋلار وسىنداي سۇراۋ سالۋدىڭ نەگىزىن قامتۋى ءتيىس.
جەكە كاسىپكەرلىك سۋبەكتىلەرى تۋرالى اقپاراتتى قامتيتىن, سۇراتىلاتىن مەملەكەتتىك اۋديت ماتەريالدارى پروكۋروردىڭ سانكتسيالانعان سۇراۋ سالۋى, نە سوتقا دەيىنگى ءىس جۇرگىزۋ شەڭبەرىندە تەرگەۋ ورگاندارىنىڭ قاۋلىسى نەگىزىندە بەرىلەدى.
6. سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگانداردىڭ جانە پروكۋراتۋرانىڭ اۋماقتىق ورگاندارىنىڭ سۇراۋ سالۋلارى ەسەپ كوميتەتىنە سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندارىنىڭ جانە باس پروكۋراتۋرانىڭ ورتالىق اپپاراتتارى ارقىلى جىبەرىلەدى.
2. مەملەكەتتىك اۋديت ماتەريالدارىن بەرۋ ءتارتىبى
7. ەسەپ كوميتەتى مەملەكەتتىك ءاۋديتتىڭ قورىتىندىسى بويىنشا بۇزۋشىلىقتاردى انىقتاعان كەزدە مەملەكەتتىك اۋديت ماتەريالدارى ەسەپ كوميتەتىنىڭ قاۋلىسى قابىلدانعاننان كەيىن ون جۇمىس كۇنى ىشىندە قازاقستان رەسپۋبليكاسى قىلمىستىق-پروتسەستىك كودەكسiنىڭ (بۇدان ءارى – قپك) 181-بابى 3-تارماعىنىڭ تالاپتارى ساقتالا وتىرىپ, مالىمەت جانە قاداعالاۋ ءۇشىن باس پروكۋراتۋرانى ءبىر مەزگىلدە حاباردار ەتە وتىرىپ, قاراۋ جانە شەشىم قابىلداۋ ءۇشىن سىبايلاس جەمقورلىققا قارسى ءىس-قيمىل جونىندەگى ۋاكىلەتتى ورگانعا نەمەسە ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگانعا جىبەرىلەدى.
8. مەملەكەتتىك اۋديت ماتەريالدارىن بەرۋ ەلەكتروندى قۇجات اينالىمىنىڭ بىرىڭعاي جۇيەسىمەن (بۇدان ءارى – ەقابج) جانە قاعاز كوشىرمەلەرىن پوشتا بايلانىسىمەن جىبەرۋ ارقىلى جۇزەگە اسىرىلادى. مەملەكەتتىك قۇپيالاردى قۇرايتىن مالىمەتتەرى بار مەملەكەتتىك اۋديت ماتەريالدارى قازاقستان رەسپۋبليكاسىنىڭ مەملەكەتتىك قۇپيالار تۋرالى زاڭناماسىنىڭ تالاپتارى ساقتالا وتىرىپ جىبەرىلەدى. مەملەكەتتىك اۋديت ماتەريالدارىنىڭ كولەمى ۇلكەن بولعان جاعدايدا, ىلەسپە حاتقا قوسىمشالاردى تەك قاعاز جەتكىزگىشتەردە جىبەرۋگە رۇقسات ەتىلەدى.
9. مەملەكەتتىك ءاۋديتتىڭ ءاربىر ماتەريالى بۇزۋشىلىقتىڭ قىسقاشا سيپاتتاماسى كورسەتىلگەن جەكە ىلەسپە حاتپەن جىبەرىلەدى.
10. جۇيەلەنگەن, تىگىلگەن جانە نومىرلەنگەن مەملەكەتتىك اۋديت ماتەريالدارىن بەرۋ تىزىمدەمە بويىنشا جۇزەگە اسىرىلادى.
11. مەملەكەتتىك اۋديت ماتەريالدارى ەسەپ كوميتەتى كۋالاندىرعان:
1) ەسەپ كوميتەتى قاۋلىسىنىڭ (نۇسقاماسىنىڭ) كوشىرمەسىن;
2) ەسەپ كوميتەتى مۇشەسىنىڭ اۋديتورلىق قورىتىندىسىنان بۇزۋشىلىقتار فاكتىسىنە قاتىستى ءۇزىندىنى;
3) اۋديتورلىق ەسەپتىڭ اجىراماس بولىگى بولىپ تابىلاتىن, وندا تىركەلگەن بۇزۋشىلىق فاكتىلەرىن راستايتىن قۇجاتتار قوسا بەرىلە وتىرىپ, اۋديتورلىق ەسەپتىڭ ءۇزىندىسىن نە كوشىرمەسىن;
4) مەملەكەتتىك اۋديت وبەكتىسى قارسىلىقتارىنىڭ, تۇسىندىرمەلەرىنىڭ جانە ولارعا ەسەپ كوميتەتى جاۋابىنىڭ (ولار بولعان جاعدايدا) كوشىرمەلەرىن قامتيدى.
12. انىقتالعان فاكتىگە قاتىستى قۇجاتتاردىڭ اۋديتورلىق ەسەپكە قوسا تىركەلمەۋى ورىن العان جاعدايدا, ولاردىڭ ەسەپ كوميتەتى كۋالاندىرعان كوشىرمەلەرى بەرىلەتىن مەملەكەتتىك اۋديت ماتەريالدارىنا قوسا تىركەلەدى.
13. ەسەپ كوميتەتى سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگانداردىڭ جانە باس پروكۋراتۋرانىڭ سۇراتقان مەملەكەتتىك اۋديت ماتەريالدارىن قپك-ءنىڭ 34-بابىنىڭ تالاپتارىنا سايكەس جازباشا سۇراۋ سالۋ كەلىپ تۇسكەن جانە ونىڭ ەقابج-دا تىركەلگەن كەزىنەن باستاپ ءۇش كۇن مەرزىمدە جىبەرەدى.
14. الىنعان مەملەكەتتىك اۋديت ماتەريالدارىندا قىلمىستىق قۇقىق بۇزۋشىلىق بەلگىلەرى بولعان جاعدايدا, ولاردى جيىرما ءتورت ساعات ىشىندە سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە (بۇدان ءارى – سدتبت) تىركەۋ جونىندە شارالار قابىلدانا وتىرىپ, ولار اقپاراتتى ەسەپكە الۋ كىتابىنا (بۇدان ءارى – اەك) قازاقستان رەسپۋبليكاسى باس پروكۋرورىنىڭ 2014 جىلعى 19 قىركۇيەكتەگى № 89 بۇيرىعىمەن (قۇقىقتىق مەملەكەتتىك نورماتيۆتىك اكتىلەردىڭ تىزىلىمىندە № 9744 تىركەلدى) بەكىتىلگەن قىلمىستىق قۇقىق بۇزۋشىلىقتار تۋرالى ارىزدار مەن حابارلاردى قابىلداۋ جانە تىركەۋ, سونىمەن قاتار سوتقا دەيىنگى تەرگەپ-تەكسەرۋلەردىڭ بىرىڭعاي ءتىزىلىمىن جۇرگىزۋ قاعيدالارىنا 1-قوسىمشاعا ساي «اەك-تە ەسەپكە الۋ» ك-1 نىسانى بويىنشا تىركەلەدى.
15. جيىرما ءتورت ساعات ىشىندە وسى قاعيدالاردىڭ 11-تارماعىنىڭ تالاپتارىن ەسەپ كوميتەتىنىڭ ساقتاۋى تەكسەرىلەدى.
ەسەپ كوميتەتى وسى تالاپتاردى ساقتاماعان جاعدايدا سۇراۋ سالۋدى العاننان كەيىن ءۇش كۇنتىزبەلىك كۇن ىشىندە ولاردى تولتىرۋ جونىندە شارالار قابىلدايدى.
16. ەسەپ كوميتەتىنىڭ مەملەكەتتىك اۋديت ماتەريالدارى سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگانداردىڭ, سونداي-اق قاداعالاۋدى جۇزەگە اسىرۋ ءۇشىن باس پروكۋراتۋرانىڭ باقىلاۋعا قويۋىنا جاتادى.
17. ەسەپ كوميتەتى مەملەكەتتىك ءاۋديتىنىڭ تىركەلگەن ماتەريالدارى بويىنشا پروتسەستىك شەشىمدى سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندار نە ولاردىڭ اۋماقتىق بولىمشەلەرى قابىلدايدى.
3. بەرىلگەن مەملەكەتتىك اۋديت ماتەريالدارى بويىنشا پروتسەستىك شەشىمدەر
قابىلداۋ تۋرالى اقپارات الماسۋ
18. سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندار ەسەپ كوميتەتىنىڭ مەملەكەتتىك اۋديت ماتەريالدارىن اەك-دە, ال ودان ءارى سدتبت-دا تىركەگەننەن كەيىن قپك-ءنىڭ 179 جانە 180-باپتارىنا سايكەس سوتقا دەيىنگى تەرگەپ-تەكسەرۋگە كىرىسەدى.
19. تيىستى قاۋلىنىڭ كوشىرمەسى قوسا بەرىلە وتىرىپ, ءۇش جۇمىس كۇنىنەن كەشىكتىرمەي, ەسەپ كوميتەتى قابىلدانعان پروتسەستىك شەشىم تۋرالى حاباردار ەتىلەدى.
20. باس پروكۋراتۋرا, سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندار ءوز باستاماسى تارتىبىمەن سۇراتىلاتىن ەسەپ كوميتەتىنىڭ مەملەكەتتىك اۋديت ماتەريالدارى بويىنشا تىركەلگەن قىلمىستىق قۇقىق بۇزۋشىلىق ماتەريالدارى تۋرالى ەسەپ كوميتەتىنە حابارلايدى.
21. وسى قاعيدالاردىڭ 19-تارماعىنا سايكەس:
قىلمىستىق قۇقىق بۇزۋشىلىق بەلگىلەرى بار فاكتىلەردى دەربەس تىركەۋ جانە سوتقا دەيىنگى تەرگەپ-تەكسەرۋدى جۇرگىزۋ ءۇشىن مەملەكەتتىك اۋديت ماتەريالدارىنان ءبولىپ الۋ جاعدايلارى;
سوتقا دەيىنگى تەرگەپ-تەكسەرۋ بارىسىندا انىقتالعان وزگە دە فاكتىلەر بويىنشا شەشىمدەر قابىلداۋ;
ەسەپ كوميتەتىنىڭ مەملەكەتتىك اۋديت ماتەريالدارىن سوتقا دەيىنگى ءىس جۇرگىزۋدىڭ باسقا دا ماتەريالدارىنا قوسۋ حاباردار ەتىلۋگە جاتادى.
22. قىلمىستىق قۇقىق بۇزۋشىلىق بەلگىلەرىن كورسەتەتىن جەتكىلىكتى دەرەكتەر بولماعان جاعدايدا, قپك-ءنىڭ 35-بابىنا سايكەس سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندار, سونداي-اق باس پروكۋراتۋرا (سونىڭ ىشىندە ءوز باستاماسى تارتىبىمەن سۇراتىلاتىن ماتەريالدار) قابىلدانعان شەشىمدەرمەن كەيىننەن ەسەپ كوميتەتىن حاباردار ەتۋ تۋرالى تالاپ قويا وتىرىپ, مەملەكەتتىك ءاۋديتتىڭ قاجەتتى ماتەريالدارىن ۋاكىلەتتى مەملەكەتتىك ورگاندارعا بەرەدى. مەملەكەتتىك اۋديت ماتەريالدارىن بەرۋدىڭ ءاربىر فاكتىسى تۋرالى ەسەپ كوميتەتىنە جازباشا نىساندا حابارلانادى.
23. سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندار, سونىڭ ىشىندە ولاردىڭ اۋماقتىق بولىمشەلەرى ءبىر مەزگىلدە ەسەپ كوميتەتىن حاباردار ەتە وتىرىپ, وتەلگەن زالال (بيۋدجەتكە وتەلگەن, جۇمىستاردى ورىنداۋ, قىزمەت كورسەتۋ, تاۋارلاردى جەتكىزۋ جولىمەن قالپىنا كەلتىرىلگەن جانە (نەمەسە) ەسەپكە الۋ بويىنشا كورسەتىلگەن كەزدە) تۋرالى مالىمەتتى وسى فاكتىنى راستايتىن قۇجاتتارىمەن قوسا پروكۋراتۋرا ورگاندارىنا جىبەرەدى.
24. پروكۋراتۋرا ورگاندارى سوتقا دەيىنگى تەرگەپ-تەكسەرۋدىڭ توقتاتىلۋىمەن كەلىسكەن جاعدايدا, ءتيىستى نەگىزدەر بولعان كەزدە كەلتىرىلگەن زالالدى وتەۋگە (قالپىنا كەلتىرۋگە) دەن قويۋ شارالارى قابىلدانادى.
25. باس پروكۋراتۋرا سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگانداردىڭ پروتسەستىك شەشىمىن قاداعالاۋ تارتىبىمەن جويعان جاعدايدا, وسىنداي شەشىم قابىلدانعان كۇننەن باستاپ ءۇش جۇمىس كۇنىنەن كەشىكتىرمەي ەسەپ كوميتەتىنە ءتيىستى اقپارات جىبەرەدى.
26. ەسەپ كوميتەتى باس پروكۋراتۋرامەن, سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندارمەن بىرلەسىپ, جارتىجىلدىقتا ءبىر رەت ەسەپتى ايدان كەيىنگى ايدىڭ 30-نان كەشىكتىرمەي, وسى قاعيدالارعا قوسىمشاعا ساي نىسان بويىنشا سالىستىرىپ تەكسەرۋ اكتىسىنە مىندەتتى تۇردە قول قويا وتىرىپ, بەرىلگەن مەملەكەتتىك اۋديت ماتەريالدارىنا قاتىستى قابىلدانعان پروتسەستىك شەشىمدەر بويىنشا سالىستىرىپ تەكسەرۋدى جۇزەگە اسىرادى.
27. سالىستىرىپ تەكسەرۋ اكتىسى ەسەپ كوميتەتىنىڭ سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندارعا بەرگەن مەملەكەتتىك اۋديت ماتەريالدارى بويىنشا, باس پروكۋراتۋرانىڭ, سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگانداردىڭ ءوز باستاماسى تارتىبىمەن سۇراتاتىن ماتەريالدار بويىنشا جاسالادى.
28. سالىستىرىپ تەكسەرۋ اكتىسىنىڭ جوباسىن ولاردى اەك-دە جانە سدتبت-دا تىركەۋ جانە قابىلدانعان پروتسەستىك شەشىمدەر تۋرالى باس پروكۋراتۋرانىڭ, سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگانداردىڭ بارلىق قولدا بار حابارلامالارىن كورسەتە وتىرىپ ەسەپ كوميتەتى قالىپتاستىرادى جانە ەسەپتى ايدان كەيىنگى ايدىڭ 5-نەن كەشىكتىرمەي, سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندارعا ءبىر مەزگىلدە جىبەرەدى.
29. سالىستىرىپ تەكسەرۋ اكتىسىنىڭ جوباسىنا الدىڭعى سالىستىرىپ تەكسەرۋ اكتىلەرىن جاساۋ كەزىندە وتكەن جىلداردىڭ تۇپكىلىكتى پروتسەستىك شەشىم قابىلدانباعان نە مۇندايدى قاداعالاۋشى پروكۋرور جويعان ماتەريالدارى ەنگىزىلەدى.
30. سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندار كەلىپ تۇسكەن سالىستىرىپ تەكسەرۋ اكتىسىنىڭ جوباسىن سالىستىرىپ تەكسەرۋ اكتىسىنىڭ جوباسى تولتىرىلعان كۇنگى جاعداي بويىنشا ماتەريالداردى تىركەۋ جانە ولاردىڭ قوزعالىسى, قابىلدانعان شەشىمدەر, سونىڭ ىشىندە پروتسەستىك شەشىمدەر تۋرالى مالىمەتتەرمەن تولىقتىرادى.
31. سالىستىرىپ تەكسەرۋ اكتىسىنىڭ جوباسىندا وسى قاعيدالاردىڭ 21, 22-تارماقتارىنا سايكەس قابىلدانعان شارالار تۋرالى دەرەكتەر كورسەتىلەدى.
32. سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگاندار سالىستىرىپ تەكسەرۋ اكتىسىنىڭ جوباسىن قاجەتتى مالىمەتتەرمەن تولىقتىرعاننان كەيىن ەسەپتى ايدان كەيىنگى ايدىڭ 15 كۇنىنەن كەشىكتىرمەي باس پروكۋراتۋراعا جىبەرەدى.
33. باس پروكۋراتۋرا سالىستىرىپ تەكسەرۋ اكتىسىنىڭ جوباسى كەلىپ تۇسكەن كەزدەن باستاپ بەس كۇنتىزبەلىك كۇن ىشىندە ونىڭ تولىقتىعى مەن انىقتىعىنا, سونىڭ ىشىندە سدتبت-نىڭ دەرەكقورىن پايدالانا وتىرىپ تەكسەرۋ جۇرگىزەدى, سونداي-اق ونى پروتسەستىك شەشىمدەردىڭ زاڭدىلىعىن تەكسەرۋ ناتيجەلەرى تۋرالى مالىمەتتەرمەن تولىقتىرادى.
34. باس پروكۋراتۋرا سالىستىرىپ تەكسەرۋ اكتىسىنىڭ پىسىقتالعان جوباسىن ەسەپتى ايدان كەيىنگى ايدىڭ 20-نان كەشىكتىرمەي قول قويۋ ءۇشىن ەسەپ كوميتەتىنە جىبەرەدى.
35. سالىستىرىپ تەكسەرۋ اكتىلەرىنە ەسەپ كوميتەتىنىڭ مۇشەسى, ءتيىستى مەملەكەتتىك ورگاننىڭ ءبىرىنشى باسشىسىنىڭ شەشىمىمەن ەسەپ كوميتەتىمەن ءوزارا ءىس-قيمىل جاساۋعا جاۋاپتى بولىپ بەلگىلەنگەن باس پروكۋراتۋرانىڭ, سىبايلاس جەمقورلىققا قارسى ءىس-قيمىل, ەكونوميكالىق جانە قارجىلىق قىلمىستاردى تەرگەۋ جونىندەگى ۋاكىلەتتى ورگانداردىڭ ءبىرىنشى باسشىلارىنىڭ ورىنباسارلارى قول قويادى.
36. وسى قاعيدالاردىڭ 35-تارماعىندا كورسەتىلگەن لاۋازىمدى ادامداردىڭ اۋىستىرىلعانى تۋرالى ەسەپ كوميتەتى الدىن الا حاباردار ەتىلەدى.
37. سالىستىرىپ تەكسەرۋ اكتىسىندە كورسەتىلۋى ءتيىس مالىمەتتەردىڭ تولىقتىعى قامتاماسىز ەتىلمەگەن جاعدايدا, جوبا ءۇش جۇمىس كۇنى ىشىندە كەمشىلىككە جول بەرگەن ءتيىستى ورگان تاراپىنان پىسىقتاۋعا جاتادى.
38. قايتا كەلىسۋ كورسەتىلگەن كەمشىلىكتەر جويىلعان كۇننەن باستاپ ءۇش جۇمىس كۇنى ىشىندە جۇزەگە اسىرىلادى.
رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2016 جىلعى 31 ناۋرىزداعى № 6-نق نورماتيۆتىك قاۋلىسىمەن جانە قازاقستان رەسپۋبليكاسى باس پروكۋرورىنىڭ 2016 جىلعى 30 ناۋرىزداعى № 51, قازاقستان رەسپۋبليكاسى قارجى ءمينيسترىنىڭ 2016 جىلعى 19 اقپانداعى № 76, قازاقستان رەسپۋبليكاسى مەملەكەتتىك قىزمەت ىستەرى مينيسترلىگى سىبايلاس جەمقورلىققا قارسى ءىس-قيمىل ۇلتتىق بيۋروسى (سىبايلاس جەمقورلىققا قارسى قىزمەت) توراعاسىنىڭ 2016 جىلعى 26 اقپانداعى № 20 بۇيرىقتارىمەن بىرلەسىپ بەكىتىلگەن سىرتقى مەملەكەتتىك ءاۋديتتى جانە قارجىلىق باقىلاۋدى جۇرگىزۋ كەزىندە انىقتالعان قۇقىق بۇزۋشىلىقتار بويىنشا مەملەكەتتىك اۋديت ماتەريالدارىن بەرۋ قاعيدالارىنا قوسىمشا
نىسان
ەسەپ كوميتەتى _______ بەرگەن مەملەكەتتىك اۋديت ماتەريالدارى بويىنشا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ, قازاقستان رەسپۋبليكاسى باس پروكۋراتۋراسىنىڭ, قازاقستان رەسپۋبليكاسى قارجى مينيسترلىگىنىڭ جانە قازاقستان رەسپۋبليكاسى مەملەكەتتىك قىزمەت ىستەرى مينيسترلىگى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ (سىبايلاس جەمقورلىققا قارسى قىزمەت) قابىلداعان شارالارى تۋرالى
سالىستىرىپ تەكسەرۋ اكتىسى
ەك تولتىرادى بپ, قارجىمينى جانە ۇلتتىق بيۋرو تولتىرادى
ر/س № ەسەپ كوميتەتىنىڭ قاۋلىسى (نۇسقاماسى) (قابىلدانعان كۇنى, ءنومىرى, تولىق اتاۋى) تەكسەرىلگەن مەملەكەتتىك اۋديت وبەكتىسىنىڭ اتاۋى ماتەريالداردى جىبەرۋگە باستاماشى (ەك, بپ, مينيسترلىك جانە ۇلتتىق بيۋرو) بۇزۋشىلىق فاكتىسىنىڭ سيپاتتاماسى بەرىلەتىن بۇزۋشىلىق فاكتىسى بويىنشا سوما (ملن. تەڭگە) بەرىلەتىن بۇزۋشىلىق فاكتىسى سوماسىنان اۋديت بارىسىندا وتەلگەنى (ملن. تەڭگە) ماتەريالداردى بەرۋدىڭ شىعىس № مەن كۇنى ماتەريالداردى الۋدىڭ كىرىس № جانە كۇنى اەك № جانە كۇنى سدتبت № جانە كۇنى ماتەريالداردى بەرۋ قاعيدالارىنىڭ 14-ت. سايكەس قابىلدانعان وزگە دە شەشىمدەر سوتقا دەيىنگى ءىس جۇرگىزۋ تىركەلگەن ادامداردىڭ اتقاراتىن لاۋازىمى, ءاات (بولعان جاعدايدا) قر قك ب. سوتقا دەيىنگى ءىس جۇرگىزۋدىڭ سوتقا جىبەرىلگەن كۇنى سوتقا دەيىنگى ءىس جۇرگىزۋدىڭ اقتالمايتىن نەگىزدەر بويىنشا توقتاتىلعان كۇنى سوتقا دەيىنگى ءىس جۇرگىزۋدىڭ اقتالاتىن نەگىزدەر بويىنشا توقتاتىلعان كۇنى ءىس جۇرگىزىلۋدە (يا/جوق) قر قپك 45-ب. تارماقتارىنىڭ تارتىبىمەن سوتقا دەيىنگى ءىس جۇرگىزۋدى تەرگەپ-تەكسەرۋ مەرزىمدەرىنىڭ توقتاتىلعان كۇنى جانە نەگىزى انىقتالعان نۇقساننىڭ سوماسى (ملن. تەڭگە) وتەلگەن نۇقساننىڭ سوماسى (ملن. تەڭگە) قاداعالاۋشى پروكۋروردىڭ قابىلداعان شەشىمى كىنالىلەردى وزگە دە جاۋاپتىلىققا تارتۋ ءۇشىن مەملەكەتتىك اۋديت ماتەريالدارىن ۋاكىلەتتى ورگاندارعا بەرۋ (حات دەرەكتەمەلەرى جانە كىمگە جىبەرىلدى)
11-باعاننان ونىڭ ىشىندە
قر قپك 45-بابى 7-بولىگىنىڭ 1) تارماقشاسى بويىنشا قر قپك 45-بابى 7-بولىگىنىڭ 2) تارماقشاسى بويىنشا قر قپك 45-بابى 7-بولىگىنىڭ 5) تارماقشاسى بويىنشا قر قپك 45-بابى 7-بولىگىنىڭ 7) تارماقشاسى بويىنشا وزگە دە نەگىزدەر بويىنشا اكىمشىلىك جاۋاپتىلىققا تارتىپتىك جاۋاپتىلىققا
___________جىلى جىبەرىلگەن ماتەريالدار
قر باس پروكۋرورىنىڭ ورىنباسارى _________________
ەسەپ كوميتەتىنىڭ مۇشەسى _________________
قارجى ۆيتسە-ءمينيسترى _________________
سىبايلاس جەمقورلىققا قارسى ءىس-قيمىل ۇلتتىق
بيۋروسى توراعاسىنىڭ ورىنباسارى __________________
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 4 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13679 بولىپ ەنگىزىلدى.