[caption id="attachment_49494" align="aligncenter" width="560"] فوتو: ru.sputniknewslv.com[/caption]
سومالي استاناسى موگاديشو قالاسىنا تاياۋ جەردە لاڭكەستەردىڭ ۇيىمداستىرعان شابۋىلىنان 18 ادام قازا تاپتى. 24.kz-ءتىڭ حابارلاۋىنشا, جولاۋشىلار مىنگەن اۆتوبۋستىڭ ك ۇلى كوككە ۇشقان. پوليتسيا قىزمەتكەرلەرى ولاردىڭ اراسىنان ەشكىمنىڭ امان قالماعانىن ايتتى.
مالىمەتتەرگە سايكەس, كولىك ىشىندە بەيبىت تۇرعىندار بولعان. ال جارىلىستى كىمنىڭ ۇيىمداستىرعانى ازىرگە بەلگىسىز.
بۇل كۇنى كامەرۋننىڭ سولتۇستىگىندە تاعى ءبىر وقىس وقيعا ورىن الدى. جانكەشتى كوپشىلىك جينالعان جەردە ءوزىن-ءوزى جارىپ جىبەرگەن. سالدارىنان 9 ادام قازا تاپتى. مەملەكەتتىڭ ىشكى ىستەر ءمينيسترى «بوكو حارام» سودىرلارى جاسادى دەگەن بولجام جاسادى
ايتا كەتەيىك, اتالعان لاڭكەستىك ۇيىم 2009 جىلدان بەرى ەكسترەميستىك شابۋىلدارىن جاساپ كەلەدى. بۇگىنگە دەيىن ولاردىڭ قاندى ارەكەتتەرىنەن 20 مىڭعا جۋىق بەيبىت تۇرعىن قازا تاۋىپ, ونداعان مىڭى زارداپ شەككەن. «بوكو حارام» نەگىزىنەن نيگەريانىڭ سولتۇستىگىندە, كامەرۋن جانە چاد ەلدەرىندە تەررورلىق ىستەرىن جۇزەگە اسىرادى.
ايان ءابدۋالي.