قازاقستاننىڭ بەلگىلى عالىمى, تەحنيكا عىلىمدارىنىڭ دوكتورى, عىلىمعا ەڭبەگى سىڭگەن قايراتكەر, پروفەسسور, ۇلتتىق ينجەنەريا عىلىمدارى اكادەمياسىنىڭ اكادەميگى سكاندەربەك جولداسبەكوۆ 61 جاسىندا كەنەتتەن قايتىس بولدى.
مارقۇم ءومىرىنىڭ سوڭىنا دەيىن قازاقستان ءبىلىم جانە عىلىم مينيسترلىگىنە قاراستى ءو.ا.جولداسبەكوۆ اتىنداعى مەحانيكا جانە ماشيناتانۋ ينستيتۋتىنىڭ باس ديرەكتورى بولىپ قىزمەت اتقارعان.
«عىلىم ورداسى» (عالىمدار ءۇيى) رەسپۋبليكالىق مەملەكەتتىك كاسىپورنىنىڭ حابارلاۋىنشا, اكادەميكپەن قوشتاسۋ 2 شىلدە كۇنى ساعات 10-دا وسى كاسىپورىننىڭ الماتى قالاسى, قۇرمانعازى كوشەسى, 29-ۇيدە ورنالاسقان عيماراتىندا وتكىزىلەدى.
سكاندەربەك جولداسبەكوۆ – قازاق عىلىم مەن ءبىلىم بەرۋ سالاسىندا ايرىقشا ورنى بار تۇلعا ومىربەك ارىسلان ۇلى جولداسبەكوۆتىڭ ۇلى.
جولداسبەكوۆ سكاندەربەك ومىربەك ۇلى — قوزعالمالى كوپ ساتىلى جوعارى كلاستى كەڭىستىكتى تەتىك مەحانيزمى سالاسىنداعى بەلگىلى عالىم. امەريكا ينجەنەر-مەحانيكتەر قوعامىنىڭ, حالىقارالىق ينجەنەرلەر اكادەمياسىنىڭ, حالىقارالىق «ەكولوگيالىق رەكونسترۋكتسيا» اكادەمياسىنىڭ, قازاقستان رەسپۋبليكاسى ۇلتتىق ينجەنەريا اكادەمياسىنىڭ تولىق مۇشەسى, قازاقستاننىڭ تەوريالىق جانە قولدانبالى مەحانيكا ۇلتتىق كوميتەتىنىڭ مۇشەسى. ول جوعارى كلاستى مەحانيكا تەورياسىن دامىتۋعا قوسقان زور ۇلەسى ءۇشىن ۆ.گ.شۋحوۆ اتىنداعى التىن مەدالگە يە بولعان. عالىم 140-تان استام عىلىمي جۇمىستار مەن جاڭالىقتاردىڭ, 5 وقۋ جانە تاسىلدەمە قۇرالدارىنىڭ, 4 مونوگرافيانىڭ اۆتورى.
تالعات رايىمبەك.