[caption id="attachment_49283" align="aligncenter" width="560"] فوتو: informburo.kz[/caption]
قاراعاندى وبلىسىندا ورنالاسقان گۇلشات اۋىلىندا ءبىر لاڭكەس ءوزىن-ءوزى جارىپ جىبەردى. بۇل تۋراسىندا ۇلتتىق قاۋىپسىزدىك كوميتەتىنىڭ (ۇقك) ءباسپاسوز قىزمەتى بىلاي دەپ حابارلادى: «26 ماۋسىم كۇنى بالقاش قالاسى مەن گۇلشات ەلدى مەكەنىندە جارىلعىش زاتتاردىڭ كومەگىمەن لاڭكەستىك ارەكەتتەر جاساماق بولعان راديكالدى توپتىڭ جولى كەسىلدى».
informburo.kz-ءتىڭ حابارلاۋىنشا, ۇقك قىزمەتىنىڭ ارنايى جاساعى ۇستاۋ شاراسىن ىسكە اسىرماق بولعاندا لاڭكەستەردىڭ ءبىرى بەلىنە بايلانعان جارىلعىش زاتتى جارىپ جىبەرىپ, ءوزى وپات بولعان. باسقا زارداپ شەككەندەر جوق.
قازىرگى تاڭدا راديكالدى توپتىڭ بارلىق مۇشەسى قولعا ءتۇستى. ولاردان جارىلعىش زاتتاردىڭ بولشەكتەرى, وق اتاتىن قارۋلار جانە باسقا دا ايعاق زاتتار الىنعان. وسى وقيعا بويىنشا سوتقا دەيىنگى تەرگەۋ-تەكسەرۋ امالدارى جۇرگىزىلۋدە.
قايرات ءابىلدينوۆ.