[caption id="attachment_49280" align="aligncenter" width="560"] فوتو: ru.tsn.ua[/caption]
بۇگىنگە كۇنگى الەمدەگى ەڭ ۇلكەن الماز تاس ۇلىبريتانيانىڭ لوندون قالاسىنداعى «سوتبيس» اۋكتسيونىنا شىعارىلدى. ru.tsn.ua سايتىنىڭ اقپاراتتارىنا سايكەس, كولەمى تەننيس دوبىنداي بولاتىن اسىل تاس 50 ميلليون فۋنتقا, ياعني 74 ملن. دوللاردان استام سوماعا باعالانىپ وتىر.
Lesedi la Rona (تسۆانا تىلىنەن اۋدارعاندا – «ءبىزدىڭ الەم») دەگەن اتاۋعا يە بولعان الماز وتكەن جىلى بوتسۆانا مەملەكەتىنەن تابىلعان. بولجام بويىنشا, ونىڭ 3 ميلليارد جىلدىق تاريحى بار. سالماعى 1109 كاراتتى قۇرايتىن باعالى زات وسىعان دەيىن تابىلعانداردىڭ اراسىندا كولەمى جاعىنان ەكىنشى ورىندا تۇر.
ال دۇنيە جۇزىندە بۇگىنگە دەيىنگى المازداردىڭ ىشىندە ەڭ ءىرىسى – كۋلينان دەپ اتالادى. ول 1905 جىلى وڭتۇستىك-افريكا رەسپۋبليكاسىنان تابىلعان. سالماعى 3106 كارات بولاتىن ونىڭ باعاسى 2 ميلليارد دوللاردى قۇرايدى. قۇندى گاۋھار ۇلىبريتانيا كورولى ەدۋارد VII-گە سىيعا تارتىلعان. كەيىننەن ول 9 ءىرى, 96 ۇساق بولىككە بولىنگەن. ىرىلەرى بريتانيالىق كورولدىڭ تاجىنە قويىلدى.
ايان ءابدۋالي.