بۇل لاڭكەستىك وقيعا قاتىگەزدىكتىڭ شەگى بولمايتىنىن كورسەتتى
تۇرىك جۇرتىن تاعى ءبىر وقيعا دۇربەلەڭگە ءتۇسىردى. كەشە تۇندە ىستانبۇل əۋەجايىندا بولعان جارىلىستار رامازان ايىن ۇلىقتاپ, الاڭسىز ورازاسىن ۇستاپ جاتقان بەيبىت حالىقتىڭ دەگبىرىن قاشىردى. بىراق تۇرىكتەر قاشانعى əدەتىنشە سابىرلىلىق تانىتتى. جەدەل قيمىلداپ, جارالانعانداردى ەمدەۋ ورىندارىنا جەتكىزىپ, ب ۇلىنگەن جەرلەردى قالپىنا كەلتىرە باستادى. اتاتۇرىك əۋەجايى از عانا ۋاقىت توقتاپ قالعان جۇمىسىن قايتا جالعاستىردى. قازىرگى احۋال قالىپتى. ەل-جۇرتتىڭ ەپتەپ كوڭىلى الاڭداۋلى بولعانمەن, ابىرجىعانى بايقالمايدى.
جارىلىس بولعان سوڭ از عانا ۋاقىت وتكەندە تۇرىكتىڭ ءبىراز تەلەارناسى تىكەلەي ەفيردى ىسكە قوستى. انادولى حالقى ءتۇن ورتاسىنا دەيىن بىرەر ساعات تەلەديدارعا تەلمىرىپ, جاڭالىق كۇتتى. العاشىندا ون ادام قازا بولدى دەپ حابارلانعان-دى. سəت سايىن دەرەكتەر جاڭارىپ, قازىرگى ۋاقىتتا قۇربان بولعانداردىڭ سانى 41-گە, جارالانعانداردىڭ سانى 239 دەلىنىپ وتىر. جارىلىستى جاساعانداردىڭ جاي-جاپسارى جان-جاقتى زەرتتەلۋدە.
قاسيەتتى رامازان ايى كەزىندە جانتۇرشىگەرلىك قىلمىس جاساعان قاسكۇنەمدەردىڭ əرەكەتى اقىلعا سىيمايدى.
قازا بولعان 41 ادامنىڭ 37-ءسىنىڭ كىم ەكەنى انىقتالدى. ولاردىڭ 10-ى شەتەلدىك. ەكەۋىنىڭ قوس ازاماتتىعى بار ەكەن. 19 ادامنىڭ مۇردەسى جاقىندارىنا بەرىلدى. جارالانعان 239 ادامنىڭ 109-ى اۋرۋحانادان شىعارىلدى. 130 ادام ءəلى دە ەم قابىلداپ جاتىر. قازا بولعانداردىڭ 13-ءى əۋەجاي كۇزەتىنىڭ قىزمەتكەرلەرى, 3-ەۋى تاكسيست.
قىزىل جارتى اي ۇيىمىنىڭ باستاماسىمەن ىستانبۇلدىڭ بىرقاتار ايماقتارىندا جارالىلارعا ارناپ ەرىكتى تۇردە قان تاپسىرۋ ۇدەرىسى بەلسەندى تۇردە قولعا الىندى.
تۇركيا پرەزيدەنتى رەجەپ ەردوعان شۇعىل جيىن وتكىزىپ, رامازان ايىندا لاڭكەستىك جاساعانداردى قاتاڭ ايىپتادى. تەرروريزمگە قارسى əلەم بولىپ كۇرەسۋگە شاقىردى.
تۇركيا بيلىگى قاۋىپسىزدىك شارالارىن جان-جاقتى ويلاستىرۋدا. ەلدىڭ پرەمەر-ءمينيسترى بينالي يىلدىرىم ءتۇن ىشىندە اتاتۇرىك əۋەجايىنا كەلىپ, مəن-جايدى ءوز كوزىمەن كوردى. كەيبىر بۇقارالىق اقپارات قۇرالدارى تەراكت بولعان سəتتە əۋەجايعا البانيا پرەمەر-ءمينيسترى مىنگەن ۇشاق كەلىپ قونعانىن ايتۋدا. بۇگىن ەلدە ازا تۇتۋ كۇنى جاريالاندى.
تۇركيانىڭ əر ايماعىندا دەمالىپ جاتقان قازاقستاندىق تانىستارىمىزبەن حابارلاستىق. Əزىرگە ەشقايسىسىنىڭ ابىرجىعانىن بايقامادىق. ءبəرى دە دەمالىسىن سوڭىنا دەيىن جەتكىزۋگە بەكىنگەنىن ايتادى. مۇنداي جايسىز وقيعالار ەكى ەلدىڭ اراسىنداعى قارىم-قاتىناس پەن ارالاس-قۇرالاستىقتى بəسەڭدەتە المايدى. تۇرىك جەرىندەگى جارىلىستاردىڭ زاردابىن ءوز قايعىسىنداي قابىلدايتىن قازاقستاندىقتار وسى ويعا بەكىنگەن.
تۇرىكتىڭ بۇقارالىق اقپارات قۇرالدارى اتاتۇرىك əۋەجايىنداعى جارىلىستىڭ جايىن حالىققا بايانداۋدى باستى نازاردا ۇستاپ وتىر.
البينا ءƏشىم,
«ەگەمەن قازاقستان» –
ىستانبۇلدان
تۇرىك رەسپۋبليكاسى