2015 جىلعى 29 جەلتوقسان, استانا قالاسى
قازاقستان رەسپۋبليكاسى ىشكى ىستەر ورگاندارىنىڭ بولىمشەلەرىندەگى مورالدىق-پسيحولوگيالىق احۋالدىڭ جاي-كۇيىنە جىل سايىنعى سوتسيولوگيالىق مونيتورينگ جۇرگىزۋدىڭ قاعيدالارى مەن ادىستەمەسىن بەكىتۋ تۋرالى
«قۇقىق قورعاۋ قىزمەتى تۋرالى» قازاقستان رەسپۋبليكاسى زاڭىنىڭ 54-1-بابىنىڭ 1-تارماعىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسى ىشكى ىستەر ورگاندارىنىڭ بولىمشەلەرىندەگى مورالدىق-پسيحولوگيالىق احۋالدىڭ جاي-كۇيىنە جىل سايىنعى سوتسيولوگيالىق مونيتورينگ جۇرگىزۋدىڭ قاعيدالارى مەن ادىستەمەسى (بۇدان ءارى - قاعيدالار) بەكىتىلسىن.
2. قازاقستان رەسپۋبليكاسى ىشكى ىستەر مينيسترلىگىنىڭ كادر جۇمىسى دەپارتامەنتى (ا.ءۇ. ابدىعاليەۆ) زاڭنامادا بەكىتىلگەن تارتىپتە:
1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى;
3) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە قوسۋ ءۇشىن «زاڭ» دەرەكتەر بازاسى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىنعا جولداۋدى;
4) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى;
5) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىنە مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونى وسى تارماقتىڭ 1), 2), 3), 4) تارماقشاسىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ىشكى ىستەر مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. قازاقستان رەسپۋبليكاسى ىشكى ىستەر مينيسترلىگىنىڭ كوميتەتتەرىنىڭ توراعالارى, دەپارتامەنتتەرى مەن دەربەس باسقارمالارىنىڭ باستىقتارى, ىشكى ىستەر دەپارتامەنتتەرىنىڭ, توتەنشە جاعدايلار, قىلمىستىق-اتقارۋ جۇيەسى دەپارتامەنتتەرىنىڭ, ءىىم ءبىلىم بەرۋ ۇيىمدارىنىڭ باستىقتارى قوسا بەرىلىپ وتىرعان قاعيدالاردىڭ تالاپتارىن زەردەلەۋدى جانە ورىنداۋدى قامتاماسىز ەتۋدى ۇيىمداستىرسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ءبىرىنشى ورىنباسارى پوليتسيا گەنەرال-لەيتەنانتى م.ع. دەمەۋوۆكە, قازاقستان رەسپۋبليكاسى ىشكى ىستەر مينيسترلىگىنىڭ كادر جۇمىسى دەپارتامەنتىنە (ا.ءۇ. ابدىعاليەۆ) جۇكتەلسىن.
5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ىشكى ىستەر ءمينيسترى
پوليتسيا گەنەرال-پولكوۆنيگى ق.قاسىموۆ
قازاقستان رەسپۋبليكاسى ىشكى ىستەر ءمينيسترىنىڭ
2015 جىلعى 29 جەلتوقسانداعى № 1094 بۇيرىعىمەن بەكىتىلگەن
ىشكى ىستەر ورگاندارىنىڭ بولىمشەلەرىندەگى مورالدىق-پسيحولوگيالىق احۋالدىڭ جاي-كۇيىنە جىل سايىنعى سوتسيولوگيالىق مونيتورينگ جۇرگىزۋ قاعيدالارى مەن ادىستەمەلەرى
1. جالپى ەرەجەلەر
1. وسى قاعيدالار «قازاقستان رەسپۋبليكاسىنىڭ قۇقىق قورعاۋ قىزمەتى تۋرالى» قازاقستان رەسپۋبليكاسىنىڭ 2011 جىلعى 06 قاڭتارداعى زاڭى 54-1-بابىنىڭ 1-تارماعىنا سايكەس ازىرلەنگەن جانە ىشكى ىستەر ورگاندارى بولىمشەلەرىندەگى مورالدىق-پسيحولوگيالىق احۋالدىڭ جاي-كۇيىنە جىل سايىنعى سوتسيولوگيالىق مونيتورينگ جۇرگىزۋدىڭ ءتارتىبى مەن ادىستەمەسىن (بۇدان ءارى - قاعيدالار).
2. مونيتورينگ مىناداي ماقساتتا جۇرگىزىلەدى:
1) ءىىو قىزمەتكەرلەرى قىزمەتىنىڭ تيىمدىلىگىن ارتتىرۋ;
2) ءىىو قىزمەتكەرلەرىنىڭ كاسىبي جانە باسقارۋشىلىق تاجىريبەسىن ءتيىمدى پايدالانۋ;
3) ءىىو قىزمەتكەرلەرىنىڭ باسقارۋشىلىق قۇزىرەتتەرىن كاسىبي دامىتۋ جانە جەتىلدىرۋ;
4) قىزمەتكەرلەردىڭ ەڭبەك موتيۆاتسياسىن ارتتىرۋ, قىزمەتتىك جۇمىستى ۇيىمداستىرۋ, باسقارۋ پروتسەسىن وڭتايلاندىرۋ, بولىمشەلەردىڭ ۇيىمشىلدىعىن ارتتىرۋ;
5) پروبلەمالىق بولىمشەلەردى انىقتاۋ, قارىم-قاتىناستار قۇرىلىمىن انىقتاۋ;
6) ءىىو بولىمشەلەرىندەگى پسيحولوگيالىق احۋالدى جاقسارتۋ جونىندەگى ءىس-شارالاردى ازىرلەۋ.
3. وسى قاعيدالاردا پايدالانىلاتىن نەگىزگى ۇعىمدار مەن تەرميندەر:
1) باسقارۋ ءستيلى – باسقارۋ فۋنكتسيالارىن ءتيىمدى جانە ساپالى ورىنداۋ ماقساتىندا باسشىلىقتىڭ ۇجىمعا اسەر ەتۋ تاسىلدەرىنىڭ, ادىستەرىنىڭ, تۇتاس, سالىستىرمالى تۇردە تۇراقتى جۇيەسىنىڭ جەكە-تيپتىك ەرەكشەلىكتەرى;
2) كاسىبي قىزمەت – ەڭبەك ءتۇرى, ونى سارالاۋ سالدارى. كاسىبي قىزمەت تابىسى ونىڭ وپەراتسيالىق, ۇيىمداستىرۋشىلىق, پسيحولوگيالىق جانە مورالدىق جاقتارىن, سونداي-اق پسيحولوگيالىق تاراپتاردىڭ يەلىگىن, سونداي-اق جيناقتالعان كاسىبي ءبىلىمىن يگەرۋدى جانە ەڭبەك مىندەتتەرىن ورىنداۋدىڭ وڭتايلى تاسىلدەرىن ىسكە اسىرۋعا دايىندىعىن كوزدەيدى;
3) قاداعالاۋ – تابيعي جاعدايلاردا زەرتتەلىنەتىن وبەكتىنىڭ مىنەز-قۇلقىن ماقساتتى جانە ۇيىمداستىرۋشىلىق قابىلداۋ مەن تىركەۋدەن تۇراتىن سيپاتتاۋ, پسيحولوگيالىق, زەرتتەۋ ءادىسى;
4) قاناعاتتانۋشىلىق – اينالاداعى شىندىقتى, ادامداردى, ءومىر سالتىن, جەكە قاتىناستاردى, جەتىستىكتەردى جانە ادامداردىڭ جەكە ماقساتىنا قول جەتكىزگەننەن كەيىنگى ەموتسيونالدىق جاي-كۇيىن سۋبەكتيۆتى (وڭ) باعالاۋ;
5) مورالدىق-پسيحولوگيالىق احۋال – تۇلعاارالىق قاتىناستىڭ ساپالى جاعى, جەمىستى بىرلەسكەن قىزمەتكە جانە جەكە تۇلعانىڭ توپتا جان-جاقتى دامۋىنا ىقپال ەتەتىن نەمەسە كەدەرگى كەلتىرەتىن پسيحولوگيالىق جاعدايلار جيىنتىعى;
6) مورالدىق-پسيحولوگيالىق احۋال مونيتورينگى – بۇل ىشكى ىستەر ورگاندارى ۇجىمدارىنداعى الەۋمەتتىك-پسيحولوگيالىق قۇبىلىستاردى انىقتاۋدىڭ, تالداۋدىڭ جانە باعالاۋدىڭ, ونىڭ ىشىندە ءوزارا دەسترۋكتيۆتى قارىم-قاتىناستاردى بولجاۋ مەن الدىن الۋدىڭ كەشەندى جۇيەسى;
7) ساۋالناما جۇرگىزۋ – رەسپوندەنتتەردەن مالىمەتتەردى جيناۋ قۇرالى رەتىندە ارنايى رەسىمدەلگەن كوممۋنيكاتيۆتى ءادىس, وندا سۇراقتار ءتىزىمى - ساۋالناما قولدانىلادى;
8) ۇجىم – بىرلەسكەن الەۋمەتتىك-ماقساتتى قىزمەت پروتسەسىندە دامۋدىڭ جوعارى دەڭگەيىنە قول جەتكىزگەن, ورتاق ماقساتتارىمەن جانە مىندەتتەرىمەن بىرلەسكەن ادامدار توبى.
2. ىشكى ىستەر ورگاندارىنىڭ بولىمشەلەرىندەگى مورالدىق-پسيحولوگيالىق احۋالدىڭ
جاي-كۇيىنە جىل سايىنعى سوتسيولوگيالىق مونيتورينگ جۇرگىزۋدىڭ ءتارتىبى
4. سوتسيولوگيالىق مونيتورينگتى ىشكى ىستەر ورگاندارىنىڭ بولىنىستەرىندە كۇنتىزبەلىك جىلدىڭ ءتورتىنشى توقسانىندا كادر ءبولىنىسىنىڭ پسيحولوگى جىل سايىن, ەرىكتى نەگىزدە, قۇپيا تۇردە, زەرتتەۋدى جۇرگىزۋدىڭ ءتارتىبىن قاتاڭ ساقتاي وتىرىپ, زەرتتەلەتىن ادامعا زەرتتەۋدىڭ ماقساتى مەن قۇپيالىعىن الدىن الا ءتۇسىندىرۋ ارقىلى, قىزمەتكەردىڭ قالاۋى بويىنشا مەملەكەتتىك جانە ورىس تىلدەرىندە, نەگىزىنەن كۇننىڭ ءبىرىنشى جارتىسىندا وتكىزىلەدى, بۇل رەتتە ساۋالنامانى وتكىزۋ ۇزاقتىعى جيىرما مينۋتتان الپىس مينۋتقا دەيىنگى ۋاقىتتى قۇرايدى.
زەرتتەۋدىڭ ناتيجەلەرىن وڭتايلى باعالاۋ ءۇشىن قىزمەتكەرلەردىڭ ناقتى سانىنىڭ كەمىندە 70% قاتىسۋى قاجەت.
سوتسيولوگيالىق مونيتورينگتى اشۋ, وڭدەۋ جانە تالداۋ جاساۋدى كادر بولىمشەلەرىنىڭ پسيحولوگتارى نەمەسە ۋاكىلەتتى تۇلعالار جۇرگىزەدى.
3. ىشكى ىستەر ورگاندارىنىڭ بولىمشەلەرىندەگى مورالدىق-پسيحولوگيالىق احۋالدىڭ
جاي-كۇيىنە جىل سايىنعى سوتسيولوگيالىق مونيتورينگ جۇرگىزۋدىڭ ادىستەمەسى
5. مونيتورينگ مىناداي كەزەڭدەردەن تۇرادى:
1) مونيتورينگتى دايىنداۋ مەن ۇيىمداستىرۋ;
2) زەرتتەۋ مىندەتتەرىن قويۋ جانە ءمانىن تاڭداۋ;
3) ۇيىمداستىرۋشىلىق جۇمىس (جەكە قۇرامدى جيناۋ);
4) ساۋالنامالاردى تاڭداۋ;
5) زەرتتەۋ دەرەكتەرىن جيناۋ;
6) جينالعان اقپاراتتىڭ ساپاسىن باقىلاۋ;
7) الىنعان دەرەكتەردى وڭدەۋ. الىنعان دەرەكتەردى ساندىق جانە ساپالىق تالداۋ;
8) تالداۋ جانە جالپىلاۋ. تەوريالىق ءتۇسىنۋ. انىقتامالار مەن ۇسىنىستاردى دايىنداۋ.
6. ساۋالنامانى جۇرگىزۋ كەزىندە سوتسيولوگيالىق مونيتورينگتى وتكىزۋ ۋاقىتى مەن ورنى مونيتورينگ جۇرگىزىلەتىن ىشكى ىستەر ورگانى بولىمشەلەرىنىڭ باسشىسىمەن كەلىسىلەدى.
7. سوتسيولوگيالىق مونيتورينگ ستاندارتتالعان ادىستەمەلەردىڭ بىرەۋىن قولدانا وتىرىپ قىزمەتكەرلەردەن جاۋاپ الۋ نىسانىندا جۇرگىزىلەدى.
8. رەسپوندەنت وزدىگىنەن جاۋاپتاردىڭ نۇسقالارىن وقيدى, ونىڭ ىشىنەن ونىڭ ۇستانىمىنا باسقالارىنا قاراعاندا اناعۇرلىم سايكەس كەلەتىنىن تاڭدايدى.
9. مونيتورينگ ناتيەجەلەرىن پايىمداۋ قىزمەتكەردىڭ ونىڭ قىزمەتىندەگى جاعدايعا:
1) ارىپتەستەرىنە دەگەن قارىم-قاتىناسىنا;
2) ەڭبەك قىزمەتىمەن قاناعاتتانۋىنا;
3) باسقارۋ ستيلىنە;
4) توپتىق نورمالار مەن جەكە قابىلداۋ جانە باعالاۋ, ءوزارا پىكىر الماسۋ نەگىزىندەگى قۇندىلىقتارعا قاتىناسى مەن سۋبەكتيۆتى پىكىرىنىڭ نەگىزىندە قالىپتاسادى.
10. جاعىمدى احۋالدىڭ نەگىزگى ولشەمشارتتارى:
1) كاسىبي ءىس-ارەكەتكە جوعارى جانە ورتادان جوعارى قاناعاتتانۋى;
2) پىكىرلەر ۇيلەسىمدىگىنىڭ جوعارى جانە ورتادان جوعارى دەڭگەيى;
3) باسشى مەن قىزمەتكەردىڭ جاعىمدى قارىم-قاتىناسى بولىپ تابىلادى.
11. جاعىمسىز احۋالدىڭ جاناما ولشەمشارتتارى:
1) مامانداردىڭ تۇراقتاماۋى, كاسىبي ءىس-ارەكەتىنە دەگەن قۇلشىنىسىنىڭ وزگەرۋى, كاسىبي باعالانباۋ (سونىڭ ىشىندە جەكە جەتىستىكتەر رەدۋكتسياسى), كاسىبي دەنساۋلىقتىڭ تومەندەۋى, كاسىبي جۇمىسىمەن قاناعاتتانۋدىڭ تومەن باعالانۋى, جۇمىستاعى دامۋدىڭ بولماۋى, ەڭبەكتىڭ قيىن شارتتارى, ەڭبەك اقىنىڭ تومەن دەڭگەيى, الەۋمەتتىك قورعاۋدىڭ تومەندىگىنە بايلانىستى;
2) ۇجىمنىڭ قىزمەتتىك ءىس-ارەكەتىنىڭ تيىمسىزدىگى, قىزمەتكەرلەردىڭ كاسىبي دايىنداۋدىڭ تومەن دەڭگەيى, ۇجىمدى باسقارۋداعى اۆتوريتارلىق ستيل, ورىنداۋشىلىق ءتارتىبىنىڭ تومەن دەڭگەيى;
3) قىزمەتكەرلەردىڭ تولەرانتتىلىعىنىڭ تومەن دەڭگەيى مەن قاقتىعىستىق جاعدايلار بولىپ تابىلادى.
12. تولتىرىلعان ساۋالنامالاردى جيناۋ ارنايى كونتەينەرلەردە جۇرگىزىلەدى. كونتەينەر كادر بولىمشەسى باسشىلىعىنىڭ قاتىسۋىمەن مورلەنەدى جانە اشىلادى, ساۋالنامالار سانالادى جانە بولىمشەنىڭ پسيحولوگىنا وڭدەلۋ ءۇشىن بەرىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 31 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 12713 بولىپ ەنگىزىلدى.