2015 جىلعى 30 قاراشا, استانا قالاسى
ەڭبەك كىتاپشالارىنىڭ نىسانىن, ولاردى جۇرگىزۋ جانە
ساقتاۋ قاعيدالارىن بەكىتۋ تۋرالى
قازاقستان رەسپۋبليكاسىنىڭ 2015 جىلعى 23 قاراشاداعى ەڭبەك كودەكسىنىڭ 16-بابىنىڭ 25) تارماقشاسىنا سايكەس بۇيىرامىن:
1. مىنالار:
1) وسى بۇيرىققا 1-قوسىمشاعا سايكەس ەڭبەك كىتاپشاسىنىڭ نىسانى;
2) وسى بۇيرىققا 2-قوسىمشاعا سايكەس ەڭبەك كىتاپشالارىن جۇرگىزۋ جانە ساقتاۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك جانە الەۋمەتتىك ارىپتەستىك دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-مينيسترi ب.ب. نۇرىمبەتوۆقا جۇكتەلسiن.
4. وسى بۇيرىق 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتiك دامۋ مينيسترiنiڭ
2015 جىلعى 30 قاراشاداعى № 929 بۇيرىعىنا 1-قوسىمشا
ەڭبەك كىتاپشاسىنىڭ نىسانى
قازاقستان رەسپۋبليكاسىنىڭ مەملەكەتتىك ەلتاڭباسى
ەڭبەك كىتاپشاسى
ترۋدوۆايا كنيجكا
تەگى ___________________________________________________________________________________________
فاميليا
اتى __________________________________________________________________________________________
يميا
اكەسىنىڭ اتى (ول بولعان كەزدە)_____________________________________________________________________
وتچەستۆو (پري ەگو ناليچي)
تۋعان كۇنى ______________________________________________________________________________________
داتا روجدەنيا
ءبىلىمى _________________________________________________________________________________________
وبرازوۆانيە
ماماندىعى, بىلىكتىلىگى ___________________________________________________________________________
سپەتسيالنوست, كۆاليفيكاتسيا
تولتىرىلعان كۇنى 20__ جىلعى «__» ________________________________________________________________
داتا زاپولنەنيا
قىزمەتكەردىڭ قولى _____________________________________________________________________________
پودپيس رابوتنيكا
جۇمىس بەرۋشى ۋاكىلەتتىك بەرگەن ادامنىڭ قولى _____________________________________________________
پودپيس ۋپولنوموچەننوگو رابوتوداتەلەم ليتسا
جۇمىسى تۋرالى مالىمەتتەر سۆەدەنيا و رابوتە
№ كۇنى چيسلو ايى مەسياتس جىلى گود جۇمىسقا قابىلداۋ تۋرالى, باسقا جۇمىسقا اۋىستىرۋ تۋرالى (لاۋازىمى كورسەتىلەدى) جانە ەڭبەك شارتىنىڭ توقتاتىلۋى (سەبەپتەرى مەن زاڭنامالىق اكتىلەرگە سىلتەمەلەر كورسەتىلەدى) تۋرالى مالىمەتتەر
سۆەدەنيا و پريەمە نا رابوتۋ, و پەرەۆوداح نا درۋگۋيۋ رابوتۋ (س ۋكازانيەم دولجنوستي) ي پرەكراششەني ترۋدوۆوگو دوگوۆورا (س ۋكازانيەم پريچين ي سسىلوك نا زاكونوداتەلنىە اكتى) جازبانى ەنگىزۋ نەگىزدەمەسى (قۇجات, ونىڭ كۇنى مەن ءنومىرى)
نا وسنوۆاني چەگو ۆنەسەنا زاپيس (دوكۋمەنت, ەگو داتا ي نومەر)
1 2 3 4
ماراپاتتاۋلار مەن كوتەرمەلەۋلەر تۋرالى مالىمەتتەر
سۆەدەنيا و ناگراجدەنياح ي پووششرەنياح
№ كۇنى چيسلو ايى مەسياتس جىلى گود ۇيىمداعى جۇمىسقا بايلانىستى وردەندەرمەن, مەدالدارمەن جانە گراموتالارمەن ماراپاتتاۋلار, قۇرمەتتى اتاقتار بەرۋ جانە كوتەرمەلەۋلەر تۋرالى مالىمەتتەر
سۆەدەنيا و ناگراجدەنياح وردەنامي, مەداليامي ي گراموتامي, پريسۆوەني پوچەتنىح زۆاني ي پووششرەنياح, سۆيازاننىح س رابوتوي ۆ ورگانيزاتسي جازبانى ەنگىزۋ نەگىزدەمەسى (قۇجات, ونىڭ كۇنى مەن ءنومىرى)
نا وسنوۆاني چەگو ۆنەسەنا زاپيس (دوكۋمەنت, ەگو داتا ي نومەر)
1 2 3 4
قازاقستان رەسپۋبليكاسى دەنساۋلىق ساقتاۋ جانە الەۋمەتتiك دامۋ مينيسترiنiڭ
2015 جىلعى 30 قاراشاداعى №929 بۇيرىعىنا 2-قوسىمشا
ەڭبەك كىتاپشالارىن جۇرگىزۋ جانە ساقتاۋ قاعيدالارى
1. جالپى ەرەجەلەر
1. وسى ەڭبەك كىتاپشالارىن جۇرگىزۋ جانە ساقتاۋ قاعيدالارى (بۇدان ءارى – قاعيدالار) 2015 جىلعى 23 قاراشاداعى قازاقستان رەسپۋبليكاسىنىڭ ەڭبەك كودەكسىنىڭ (بۇدان ءارى – كودەكس) 16-بابىنىڭ 25) تارماقشاسىنا سايكەس ازىرلەندى جانە ەڭبەك كىتاپشالارىن جۇرگىزۋ جانە ساقتاۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) ەڭبەك كىتاپشاسى – قىزمەتكەردىڭ ەڭبەك قىزمەششتى تۋرالى مالىمەتتەردى قامتيتىن قۇجات;
2) جۇمىس بەرۋشىنىڭ اكتىلەرى – جۇمىس بەرۋشى شىعاراتىن بۇيرىقتار, وكىمدەر, نۇسقاۋلىقتار, ەرەجەلەر, ەڭبەك ءتارتىبىنىڭ قاعيدالارى;
3) جۇمىس بەرۋشى – قىزمەتكەر ەڭبەك قاتىناستارىندا تۇراتىن زاڭدى نەمەسە جەكە تۇلعا;
4) قوسىمشا پاراق – جۇمىس بەرۋشى ەڭبەك كىتاپشاسى سياقتى تارتىپپەن رەسىمدەيتىن جانە جۇرگىزەتىن ەڭبەك كىتاپشاسىنىڭ اجىراماس بولىگى.
2. ەڭبەك كىتاپشالارىن جۇرگىزۋدىڭ جانە ساقتاۋدىڭ ءتارتىبى
3. ەڭبەك كىتاپشاسىن (ول بولعان كەزدە) جۇمىس بەرۋشى قىزمەتكەردىڭ ەڭبەك قىزمەتىن راستاۋ ءۇشىن جۇرگىزەدى جانە «جۇمىسى تۋرالى مالىمەتتەر» مەن «ماراپاتتاۋلار مەن كوتەرمەلەۋلەر تۋرالى مالىمەتتەر» دەگەن ەكى بولىمنەن تۇرادى.
4. ەڭبەك كىتاپشاسىنا:
1) قىزمەتكەر تۋرالى مالىمەتتەر: تەگى, اتى, اكەسىنىڭ اتى (ول بولعان كەزدە), تۋعان كۇنى, ءبىلىمى, بىلىكتىلىگى, ماماندىعى;
2) جۇمىسى تۋرالى مالىمەتتەر: جۇمىسقا قابىلداۋ, باسقا جۇمىسقا اۋىستىرۋ, ەڭبەك شارتىنىڭ توقتاتىلۋى;
3) ماراپاتتاۋلار مەن كوتەرمەلەۋلەر تۋرالى مالىمەتتەر ەنگىزىلەدى.
قىزمەتكەرگە قاتىستى تارتىپتىك جازا قولدانۋ تۋرالى جازبالار ەڭبەك كىتاپشاسىنا ەنگىزىلمەيدى.
5. ەڭبەك كىتاپشاسىنداعى ەڭبەك شارتىن جاساۋ نە ونى توقتاتۋ, باسقا جۇمىسقا اۋىستىرۋ, سونداي-اق ماراپاتتاۋلار مەن كوتەرمەلەۋلەر تۋرالى بارلىق جازبالار اراب ساندارىمەن جازىلادى (كۇنى مەن ايى ەكى تاڭبالى سانمەن, جىلى تولىق كورسەتىلەدى) جانە ولاردى ءبىرىنشى باسشى نە ول ۋاكىلەتتىك بەرگەن لاۋازىمدى ادام جۇمىس بەرۋشىنىڭ ءتيىستى اكتىسى جاريالانعاننان كەيىن ەنگىزەدى جانە جازبالار ونىڭ ماتىنىنە سايكەس كەلۋگە ءتيىس. ەڭبەك شارتى توقتاتىلعان كەزدە, ەڭبەك كىتاپشاسىنا جازبا ەڭبەك شارتى توقتاتىلعان كۇننەن كەشىكتىرمەي ەنگىزىلەدى.
6. قىزمەتكەر تۋرالى مالىمەتتەر ەڭبەك كىتاپشاسىنىڭ ءبىرىنشى بەتىنە جازىلادى جانە ءبىرىنشى باسشىنىڭ نە ول ۋاكىلەتتىك بەرگەن لاۋازىمدى ادامنىڭ قولىمەن, ۇيىمنىڭ مورىمەن (ول بولعان كەزدە) راستالادى.
تەگى, اتى, اكەسىنىڭ اتى (ول بولعان كەزدە) (قىسقارتىلماي تولىق) مەن تۋعان جىلى جەكە باسىن كۋالاندىراتىن قۇجاتتاردىڭ نەگىزىندە كورسەتىلەدى.
ءبىلىمى, ماماندىعى مەن بىلىكتىلىگى تۋرالى قۇجاتتاردىڭ نەگىزىندە كورسەتىلەدى.
7. «جۇمىسى تۋرالى مالىمەتتەر» دەگەن بولىمدە جۇمىس بەرۋشىنىڭ تولىق اتاۋى جەكە جولدا تاقىرىپ تۇرىندە كورسەتىلەدى.
8. قىزمەتكەر قابىلدانعان لاۋازىمنىڭ اتاۋى تۋرالى جازبالار ەڭبەك شارتىنىڭ, جۇمىس بەرۋشى اكتىسىنىڭ, ۇيىمنىڭ شتات كەستەسىنىڭ نەگىزىندە جۇرگىزىلەدى.
9. ەگەر قىزمەتكەر جۇمىس ىستەپ جۇرگەن كەزدە جۇمىس بەرۋشىنىڭ اتاۋى وزگەرسە, وندا «جۇمىسى تۋرالى مالىمەتتەر» دەگەن ءبولىمنىڭ 3-باعانىندا جەكە جولعا ءتيىستى جازبا جازىلادى, ال «جۇمىسى تۋرالى مالىمەتتەر» دەگەن ءبولىمنىڭ 4-باعانىندا اتاۋىن وزگەرتۋ نەگىزدەمەسى (زاڭدى تۇلعانى مەملەكەتتىك تىركەۋ (قايتا تىركەۋ) تۋرالى انىقتامانىڭ كۇنى مەن ءنومىرى نەمەسە جەكە تۇلعانىڭ – جۇمىس بەرۋشىنىڭ جەكە كۋالىگى) كورسەتىلەدى.
10. «ماراپاتتاۋلار مەن كوتەرمەلەۋلەر تۋرالى مالىمەتتەر» دەگەن بولىمگە مىناداي:
1) قازاقستان رەسپۋبليكاسىنىڭ مەملەكەتتىك ناگرادالارىمەن ماراپاتتالۋى جانە قۇرمەتتى اتاقتار بەرىلگەنى تۋرالى;
2) قۇرمەت گراموتالارىمەن, ءتوس بەلگىلەرىمەن, ديپلومدارمەن ماراپاتتالۋى تۋرالى;
3) ەڭبەكتەگى جەتىستىكتەرى ءۇشىن ەڭبەك, ۇجىمدىق شارتتار مەن جۇمىس بەرۋشىنىڭ اكتىلەرىنە سايكەس كوتەرمەلەۋلەر تۋرالى مالىمەتتەر ەنگىزىلەدى.
11. ەڭبەك كىتاپشاسىندا قىزمەتكەردىڭ ەڭبەك قىزمەتى تۋرالى جاڭساق نەمەسە ناقتى ەمەس جازبالار انىقتالعان جاعدايدا, وزگەرىستەردى ءتيىستى جازبانى ەنگىزگەن جۇمىس بەرۋشى جۇزەگە اسىرادى.
12. ەگەر جاڭساق نەمەسە ناقتى ەمەس جازبالاردى ەنگىزگەن جۇمىس بەرۋشى – زاڭدى تۇلعا قايتا ۇيىمداستىرىلسا, وزگەرىستەردى ونىڭ قۇقىقتىق ميراسقورى ەنگىزەدى.
13. قىزمەتكەردىڭ تەگى, اتى, اكەسىنىڭ اتى (ول بولعان كەزدە) جانە تۋعان كۇنى تۋرالى جازبالاردى وزگەرتۋدى جەكە باسىن راستايتىن قۇجاتتاردىڭ, نەكە تۋرالى, نەكەنى بۇزۋ تۋرالى, تەگىن, اتىن, اكەسىنىڭ اتىن وزگەرتكەنى تۋرالى كۋالىكتەردىڭ نەگىزىندە سوڭعى جۇمىس ورنى بويىنشا جۇمىس بەرۋشى جۇرگىزەدى. كورسەتىلگەن وزگەرىستەر ەڭبەك كىتاپشاسىنىڭ ءبىرىنشى بەتىنە (تيتۋلدىق پاراق) ەنگىزىلەدى. ءبىر سىزىقپەن بۇرىنعى تەگى نەمەسە اتى, اكەسىنىڭ اتى (ول بولعان كەزدە), تۋعان كۇنى سىزىلىپ تاستالادى جانە جاڭا دەرەكتەر جازىلادى. ءتيىستى قۇجاتتارعا سىلتەمەلەر مۇقابانىڭ ىشكى جاعىنا جازىلادى جانە باسشىنىڭ نەمەسە ول ۋاكىلەتتىك بەرگەن ادامنىڭ قولىمەن جانە ۇيىمنىڭ مورىمەن (ول بولعان كەزدە) راستالادى.
14. جۇمىسى تۋرالى مالىمەتتەردى تۇزەتۋ مىناداي تارتىپپەن جۇرگىزىلەدى: «جۇمىسى تۋرالى مالىمەتتەر» دەگەن ءبولىمنىڭ 3-باعانىندا ءتيىستى رەتتىك ءنومىرى, جازبا ەنگىزىلگەن كۇنى كورسەتىلگەننەن كەيىن مىناداي: «№_______جازبانىڭ كۇشى جويىلعان. _______ لاۋازىمىنا قابىلدانعان» دەگەن جازبا جۇرگىزىلەدى جانە «جۇمىسى تۋرالى مالىمەتتەر» دەگەن ءبولىمنىڭ 4-باعانىندا جۇمىس بەرۋشىنىڭ ەڭبەك كىتاپشاسىنا جازباسى قاتە ەنگىزىلگەن بۇيرىعىنىڭ (وكىمىنىڭ) كۇنى جانە ءنومىرى قايتالانادى.
ەڭبەك شارتى زاڭسىز بۇزىلعان, بۇرىنعى جۇمىسىنا اۋىستىرىلعان جانە قايتا قابىلدانعان جاعدايدا مىناداي: «№____ جازبانىڭ كۇشى جويىلعان, بۇرىنعى جۇمىسىنا قايتا قابىلدانعان» دەگەن جازبا جۇرگىزىلەدى.
ەڭبەك شارتىنىڭ بۇزىلۋ سەبەبىنىڭ تۇجىرىمى وزگەرگەن جاعدايدا مىناداي: «№ ____ جازبانىڭ كۇشى جويىلعان, ەڭبەك شارتى توقتاتىلعان (نەمەسە بۇزىلعان)» دەگەن جازبا جۇرگىزىلەدى جانە جاڭا تۇجىرىمى كورسەتىلەدى. بۇل جاعدايدا «جۇمىسى تۋرالى مالىمەتتەر» دەگەن ءبولىمنىڭ 4-باعانىندا جۇمىسقا قايتا قابىلداۋ نەمەسە ەڭبەك شارتىنىڭ توقتاتىلۋ سەبەبىنىڭ تۇجىرىمىن وزگەرتۋ تۋرالى بۇيرىققا سىلتەمە جاسالادى.
15. ەڭبەك قىزمەتى تۋرالى مالىمەتتەر كودەكستىڭ 35-بابىنا سايكەس قىزمەتكەردىڭ ەڭبەك قىزمەتىن راستايتىن قۇجاتتارعا سايكەس تۇزەتىلەدى.
16. ەڭبەك كىتاپشاسىنداعى «جۇمىسى تۋرالى مالىمەتتەر» جانە «ماراپاتتاۋلار مەن كوتەرمەلەۋلەر تۋرالى مالىمەتتەر» دەگەن بولىمدەردە بۇرىن ەنگىزىلگەن قاتە نەمەسە ناقتى ەمەس جازبالاردى سىزىپ تاستاۋعا جول بەرىلمەيدى.
17. قىزمەتكەرمەن ەڭبەك شارتى توقتاتىلعان كەزدە جۇمىس بەرۋشىدە جۇمىس ىستەگەن ۋاقىتىندا ەڭبەك كىتاپشاسىنا ەنگىزىلگەن جۇمىسى, ماراپاتتاۋلار مەن كوتەرمەلەۋلەر تۋرالى بارلىق جازبالار ءبىرىنشى باسشىنىڭ نە ول ۋاكىلەتتىك بەرگەن لاۋازىمدى ادامنىڭ قولىمەن, ۇيىمنىڭ مورىمەن (ول بولعان كەزدە) راستالادى.
18. ەڭبەك كىتاپشاسىنداعى بولىمدەردىڭ بىرەۋىنىڭ بارلىق بەتتەرى تولتىرىلعان جاعدايدا, ەڭبەك كىتاپشاسىنىڭ سوڭعى پاراعى مەن مۇقابا اراسىنا وعان قوسىمشا پاراق قوسىلادى.
قوسىمشا پاراقتاعى جازبالاردىڭ نومىرلەنۋى ەڭبەك كىتاپشاسىنداعى جازبالاردىڭ نومىرلەنۋىن جالعاستىرادى.
ەڭبەك كىتاپشاسى بولماسا, قوسىمشا پاراق جارامسىز.
19. قىزمەتكەردىڭ قالاۋى بويىنشا ەڭبەك قاتىناستارىنىڭ قولدانىلۋ كەزەڭىندە ەڭبەك كىتاپشاسى جۇمىس ورنى بويىنشا جۇمىس بەرۋشىدە ساقتالادى. ەڭبەك كىتاپشالارىن ساقتاۋ ءتىرتىبىن جۇمىس بەرۋشى ءوز بەتىنشە ايقىندايدى.
20. كادر قىزمەتى نە جۇمىس بەرۋشى ۋاكىلەتتىك بەرگەن لاۋازىمدى ادام ەڭبەك كىتاپشالارى مەن ولاردىڭ قوسىمشا پاراقتارىن ەسەپكە الۋ كىتابىن جۇرگىزەدى, وندا قىزمەتكەرلەردەن قابىلداپ الىنعان, سونداي-اق قىزمەتكەرلەرگە بەرىلگەن بارلىق ەڭبەك كىتاپشالارى تىركەلەدى.
ەڭبەك شارتىنىڭ توقتاتىلۋىنا بايلانىستى ەڭبەك كىتاپشاسىن العان كەزدە قىزمەتكەر ەڭبەك كىتاپشالارى مەن ولاردىڭ قوسىمشا پاراقتارىن ەسەپكە الۋ كىتابىنا قولىن قويادى.
21. قىزمەتكەر قايتىس بولعان جاعدايدا ەڭبەك كىتاپشاسى ونىڭ تۋىستارىنا قول قويعىزا وتىرىپ بەرىلەدى نەمەسە ولاردىڭ تالاپتارى بويىنشا پوشتا ارقىلى جىبەرىلەدى.
ەڭبەك شارتى توقتاتىلعان كەزدە قىزمەتكەرلەر نە قىزمەتكەر قايتىس بولعان جاعدايدا ونىڭ جاقىن تۋىستارى الماعان ەڭبەك كىتاپشالارى ۇيىمنىڭ كادر قىزمەتىندە قالعان ەڭبەك كىتاپشالارىنان بولەك ەكى جىل بويى ساقتالادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 12621 بولىپ ەنگىزىلدى.