2015 جىلعى 30 قاراشا, استانا قالاسى
جۇمىس بەرۋشىنىڭ ەڭبەك قاۋىپسىزدىگى جانە ەڭبەكتى قورعاۋ جونىندەگى نۇسقاۋلىقتى ازىرلەۋ, بەكىتۋ جانە قايتا قاراۋ قاعيدالارىن بەكىتۋ تۋرالى
قازاقستان رەسپۋبليكاسىنىڭ 2015 جىلعى 23 قاراشاداعى ەڭبەك كودەكسىنىڭ 16-بابىنىڭ 31) تارماقشاسىنا سايكەس بۇيىرامىن:
1. قوسا بەرىلىپ وتىرعان جۇمىس بەرۋشىنىڭ ەڭبەك قاۋىپسىزدىگى جانە ەڭبەكتى قورعاۋ جونىندەگى نۇسقاۋلىقتى ازىرلەۋ, بەكىتۋ جانە قايتا قاراۋ قاعيدالارى بەكiتiلسiن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك جانە الەۋمەتتىك ارىپتەستىك دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ب.ب. نۇرىمبەتوۆكە جۇكتەلسىن.
4. وسى بۇيرىق 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتiك دامۋ مينيسترiنiڭ
2015 جىلعى 30 قاراشاداعى №927 بۇيرىعىمەن بەكىتىلگەن
جۇمىس بەرۋشىنىڭ ەڭبەك قاۋىپسىزدىگى جانە ەڭبەكتى قورعاۋ جونىندەگى نۇسقاۋلىقتى ازىرلەۋ,
بەكىتۋ جانە قايتا قاراۋ قاعيدالارىن بەكىتۋ تۋرالى
1. جالپى ەرەجەلەر
1. وسى جۇمىس بەرۋشىنىڭ ەڭبەك قاۋىپسىزدىگى جانە ەڭبەكتى قورعاۋ جونىندەگى نۇسقاۋلىقتى ازىرلەۋ, بەكىتۋ جانە قايتا قاراۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ 2015 جىلعى 23 قاراشاداعى ەڭبەك كودەكسىنىڭ (بۇدان ءارى – كودەكس) 16-بابىنىڭ 31) تارماقشاسىنا سايكەس ازىرلەنگەن جانە جۇمىس بەرۋشىنىڭ ەڭبەك قاۋىپسىزدىگى جانە ەڭبەكتى قورعاۋ جونىندەگى نۇسقاۋلىقتى ازىرلەۋ, بەكىتۋ جانە قايتا قاراۋ ءتارتىبىن بەلگىلەيدى.
2. جۇمىس بەرۋشىنىڭ ەڭبەك قاۋىپسىزدىگى مەن ەڭبەكتى قورعاۋ جونىندەگى نۇسقاۋلىعى (بۇدان ءارى – نۇسقاۋلىق) وندىرىستىك ءۇي-جايلاردا, كاسىپورىن اۋماعىندا, قۇرىلىس الاڭدارىندا, كولىك قۇرالدارىندا جانە وسى جۇمىستار جۇرگىزىلەتىن نە قىزمەتتىك مىندەتتەر ورىندالاتىن ۇيىمنىڭ باسقا جەرىندە جۇمىستاردى ورىنداۋ كەزىندە ەڭبەك قاۋىپسىزدىگى جانە ەڭبەكتى قورعاۋ سالاسىنداعى زاڭنامانىڭ قولدانىلۋىن ناقتىلايتىن جۇمىس بەرۋشىنىڭ اكتىسى بولىپ تابىلادى.
2.ەڭبەك قاۋىپسىزدىگى جانە ەڭبەكتى قورعاۋ جونىندەگى نۇسقاۋلىقتى ازىرلەۋ
3. نۇسقاۋلىقتى جۇمىس بەرۋشى جۇمىس بەرۋشىنىڭ مۇددەلى قۇرىلىمدىق بولىمشەلەرىنىڭ باسشىلارى مەن جۇمىسكەرلەر وكىلدەرىنىڭ قاتىسۋىمەن ەڭبەك قاۋىپسىزدىگى جانە ەڭبەكتى قورعاۋ قىزمەتى نەمەسە ەڭبەك قاۋىپسىزدىگى جانە ەڭبەكتى قورعاۋ جونىندەگى مامان (بۇدان ءارى – جاۋاپتى تۇلعا) جاساعان تىزبەگە سايكەس, ۋچاسكەدەگى, تسەحتاعى, قىزمەتتەگى, زەرتحاناداعى جانە جالپى ۇيىمداعى ءاربىر كاسىپ ءۇشىن, سونداي-اق جەكە جۇمىس تۇرلەرى (بيىكتەگى جۇمىس, سىناقتار) مەن جۇمىس ورىندارىنا دا ازىرلەيدى.
سونداي-اق نۇسقاۋلىقتى ازىرلەۋدى جۇمىس بەرۋشىنىڭ (ۇيىم) تاپسىرىسى بويىنشا كەلىسىمشارتتىق نەگىزدە ەڭبەك قاۋىپسىزدىگى جانە ەڭبەكتى قورعاۋ سالاسىنداعى عىلىمي مەكەمەلەردىڭ ماماندارى دا جۇزەگە اسىرۋى مۇمكىن.
4. تىزبە قولدانىستاعى زاڭناماعا سايكەس بەكىتىلگەن جۇمىستار مەن جۇمىسشى كاسىپتەرىنىڭ بىرىڭعاي تاريفتىك-بىلىكتىلىك انىقتامالىعى مەن قىزمەتشىلەر لاۋازىمدارىنىڭ بىلىكتىلىك انىقتامالىعىن ەسەپكە الا وتىرىپ بەكىتىلگەن جۇمىس بەرۋشىنىڭ شتات كەستەسىنىڭ نەگىزىندە جاسالادى. جاسالعان تىزبەنى جۇمىس بەرۋشى نەمەسە وزگە ۋاكىلەتتى ادام بەكىتەدى جانە ول بارلىق قۇرىلىمدىق بولىمشەلەرگە جىبەرىلەدى.
5. نۇسقاۋلىق جابدىقتى ءوندىرۋشى زاۋىتتاردىڭ پايدالانۋ جانە جوندەۋ قۇجاتتاماسىندا, سونداي-اق جۇمىس بەرۋشىنىڭ تەحنولوگيالىق قۇجاتتاماسىندا باياندالعان قاۋىپسىزدىك تالاپتارى مەن ءوندىرىس جاعدايلارىن ەسكەرە وتىرىپ, ەڭبەك قاۋىپسىزدىگى جانە ەڭبەكتى قورعاۋ جونىندەگى نورماتيۆتەردىڭ نەگىزىندە ازىرلەنەدى.
6. نۇسقاۋلىقتى ازىرلەۋگە قاجەتتى دايىندىق جۇمىسى:
1) تەحنولوگيالىق پروتسەستى زەردەلەۋ, ونىڭ قالىپتى اعىمى مەن قالىپتى رەجيمنەن اۋىتقىعان كەزىندە پايدا بولاتىن قاۋىپتى جانە زياندى وندىرىستىك فاكتورلاردى انىقتاۋ, سونداي-اق اتالعان فاكتورلاردان قورعانۋ شارالارى مەن قۇرالدارىن انىقتاۋدان;
2) قولدانىستاعى جابدىقتاردىڭ, قۇرال-سايماندار مەن قۇرىلعىلاردىڭ قاۋىپسىزدىك تالاپتارىنا سايكەستىلىگىن ايقىنداۋدان;
3) نۇسقاۋلىقتى ازىرلەۋ بارىسىندا قولدانىلاتىن ەڭبەك قاۋىپسىزدىگى مەن ەڭبەكتى قورعاۋ ماسەلەسى جونىندەگى ماتەريالداردى جيناۋدان;
4) ءتيىستى جۇمىستاردى ورىنداۋ بارىسىندا پايدالانىلاتىن قورعانىش قۇرالدارىنىڭ كونسترۋكتيۆتى ەرەكشەلىكتەرى مەن تيىمدىلىگىن زەردەلەۋدەن;
5) اقپاراتتىق حاتتاردى زەردەلەۋدەن;
6) وندىرىستىك جاراقاتتانۋدىڭ, اۆاريالىق جاعدايلاردىڭ جانە وسى كاسىپ (جۇمىس تۇرلەرى) ءۇشىن كاسىپتىك اۋرۋلاردىڭ سەبەپتەرىنە تالداۋ جۇرگىزۋدەن;
7) جۇمىستىڭ قاۋىپسىز ءادىس-تاسىلدەرىن, ولاردىڭ رەتتەلىگىن, سونداي-اق نۇسقاۋلىققا ەنگىزىلۋگە ءتيىس تەحنيكالىق جانە ۇيىمداستىرۋشىلىق ءىس-شارالاردى ايقىنداۋدان;
8) كودەكستىڭ 6 جانە 7-تاراۋلارىنا سايكەس جۇمىس ۋاقىتى مەن تىنىعۋ ۋاقىتىنىڭ رەجيمىن ايقىنداۋدان تۇرادى.
7. ىسكە قوسىلىپ جاتقان جاڭا وندىرىستەر, تەحنولوگيالار نەمەسە جابدىق ءۇشىن وبەكتىنى مەملەكەتتىك قابىلداۋ كوميسسياسى پايدالانۋعا قابىلداعانعا دەيىنگى مەرزىمگە ازىرلەنگەن نۇسقاۋلىقتار قولدانىلادى.
3. نۇسقاۋلىقتىڭ مازمۇنى
8. نۇسقاۋلىقتىڭ ارقايسىسىنا ءتيىستى اتاۋ بەرىلەدى. اتاۋدا ونىڭ قانداي كاسىپكە نەمەسە جۇمىس تۇرىنە ارنالعاندىعى قىسقاشا كورسەتىلۋگە ءتيىس.
9. نۇسقاۋلىق تەحنولوگيالىق پروتسەستىڭ قىسقاشا سيپاتتاماسىنان تۇرادى جانە ەڭبەك قاۋىپسىزدىگىن ۇيىمداستىرۋ ماسەلەلەرىن جان-جاقتى قامتيدى.
10. نۇسقاۋلىقتىڭ تالاپتارى تەحنولوگيالىق پروتسەستىڭ رەتتىلىگىنە سايكەس, وسى جۇمىستىڭ ورىندالۋ جاعدايلارىن ەسەپكە الا وتىرىپ كورسەتىلۋگە ءتيىس:
1) ەڭبەك قاۋىپسىزدىگى جانە ەڭبەكتى قورعاۋدىڭ جالپى تالاپتارى;
2) جۇمىس باستالار الدىنداعى ەڭبەك قاۋىپسىزدىگى جانە ەڭبەكتى قورعاۋ تالاپتارى;
3) جۇمىس ۋاقىتىنداعى ەڭبەك قاۋىپسىزدىگى جانە ەڭبەكتى قورعاۋ تالاپتارى;
4) اۆاريالىق جاعدايلارداعى ەڭبەك قاۋىپسىزدىگى جانە ەڭبەكتى قورعاۋ تالاپتارى;
5) جۇمىس اياقتالعانداعى ەڭبەك قاۋىپسىزدىگى جانە ەڭبەكتى قورعاۋ تالاپتارى.
11. «ەڭبەك قاۋىپسىزدىگى جانە ەڭبەكتى قورعاۋدىڭ جالپى تالاپتارى» دەگەن بولىمدە:
1) تۇلعالارعا كاسىبى بويىنشا جۇمىستارىن وزدىگىنەن ورىنداۋعا نەمەسە ءتيىستى جۇمىستى ورىنداۋعا رۇقسات بەرۋدىڭ شارتتارى (جاس, جىنىس, دەنساۋلىق جاعدايى, نۇسقاما جۇرگىزۋ);
2) ەڭبەك تارتىپتەمەسىنىڭ قاعيدالارىن ساقتاۋ قاجەتتىگى تۋرالى نۇسقاۋلار;
3) ەڭبەك جانە تىنىعۋ رەجيمىن ورىنداۋ جونىندەگى تالاپتار;
4) جۇمىسكەرگە اسەر ەتەتىن قاۋىپتى جانە زياندى وندىرىستىك فاكتورلاردىڭ سيپاتتاماسى;
5) ولاردا مەملەكەتتىك, سالالىق ستاندارتتار بەلگىلەرى مەن ولارعا تەحنيكالىق شارتتاردى كورسەتە وتىرىپ, وسى كاسىپ ءۇشىن ارنايى كيىم جانە باسقا دا جەكە قورعانىش قۇرالدارىن بەرۋدىڭ نورمالارى;
6) ءورت جانە جارىلىس قاۋىپسىزدىگىن قامتاماسىز ەتۋ جونىندەگى تالاپتار;
7) جۇمىسكەر جۇمىستى ورىنداۋ بارىسىندا ساقتاۋعا ءتيىس جەكە باس گيگيەناسى تالاپتارى كورسەتىلەدى.
12. «جۇمىس باستالار الدىنداعى ەڭبەك قاۋىپسىزدىگى جانە ەڭبەكتى قورعاۋ تالاپتارى» دەگەن بولىمدە:
1) جۇمىس ورنىن, جەكە قورعانىش قۇرالدارىن دايىنداۋ ءتارتىبى;
2) جابدىقتىڭ, قۇرىلعىلار مەن قۇرال-سايمانداردىڭ, قورشاۋ, دابىلداعىشتىڭ, بلوكتالعان جانە باسقا دا قۇرىلعىلاردىڭ, قورعاۋشى جەرگە تۇيىقتاۋدىڭ, جەلدەتۋدىڭ جانە جەرگىلىكتى جارىقتاندىرۋدىڭ جارامدىلىعىن تەكسەرۋ ءتارتىبى;
3) باستاپقى ماتەريالداردىڭ (جارتىلاي فابريكاتتار, دايىندامالار) بار بولۋىن جانە جاي-كۇيىن تەكسەرۋ ءتارتىبى;
4) ۇزدىكسىز جۇمىس جاعدايىندا اۋىسىمدى قابىلداۋ ءتارتىبى;
5) وندىرىستىك سانيتاريا تالاپتارى كورسەتىلەدى.
13. «جۇمىس ۋاقىتىنداعى ەڭبەك قاۋىپسىزدىگى جانە ەڭبەكتى قورعاۋ تالاپتارى» دەگەن بولىمدە:
1) جۇمىستى قاۋىپسىز ورىنداۋ ادىستەرى مەن تاسىلدەرى, تەحنولوگيالىق جابدىقتى, قۇرىلعىلار مەن قۇرال-سايمانداردى پايدالانۋدىڭ تالاپتارى;
2) باستاپقى ماتەريالداردى (شيكىزات, دايىندامالار, جارتىلاي فابريكاتتار) ۇستاۋ قاۋىپسىزدىگىنىڭ تالاپتارى;
3) كولىك قۇرالدارىن, تەحنيكالىق قۇرىلعىلار, ىدىستى جانە جۇك كوتەرگىش مەحانيزمدەردى قاۋىپسىز پايدالانۋ تالاپتارى;
4) جۇمىس ورنىن قاۋىپسىز ۇستاۋ جونىندەگى نۇسقاۋلار;
5) نورماتيۆتىك تەحنولوگيالىق رەجيمنەن اۋىتقۋدىڭ نەگىزگى تۇرلەرى جانە ولاردى جويۋ ادىستەرى;
6) اۆاريالىق جاعدايلاردى بولدىرماۋعا باعىتتالعان ارەكەتتەر;
7) جۇمىسكەرلەردىڭ قورعانىش قۇرالدارىن پايدالانۋ تالاپتارى كورسەتىلەدى.
14. «اۆاريالىق جاعدايلارداعى ەڭبەك قاۋىپسىزدىگى جانە ەڭبەكتى قورعاۋ تالاپتارى» دەگەن بولىمدە:
1) اۆاريالىق نەمەسە جاعىمسىز سالدارعا اكەلۋى مۇمكىن جاعدايلار پايدا بولعان كەزدەگى جۇمىسكەرلەردىڭ ارەكەتتەرى;
2) جاراقاتتانعان, ۋلانعان جانە كەنەتتەن اۋىرعا كەزدە زارداپ شەگۋشىلەرگە مەديتسينالىق كومەك كورسەتۋ بويىنشا ارەكەتتەر;
3) جۇمىس بەرۋشىنى جۇمىسكەردىڭ جاراقاتتانۋ وقيعالارى جانە جابدىقتىڭ, قۇرىلعى مەن قۇرال-سايماننىڭ جارامسىزدىعى تۋرالى حاباردار ەتۋ ءتارتىبى كورسەتىلەدى.
15. «جۇمىس اياقتالعانداعى ەڭبەك قاۋىپسىزدىگى جانە ەڭبەكتى قورعاۋ تالاپتارى» دەگەن بولىمدە:
1) جابدىق, قۇرىلعىلار, ماشينالار, مەحانيزمدەر جانە اپپاراتۋرالاردى قاۋىپسىز ءسوندىرۋ, توقتاتۋ, بولشەكتەۋ, تازالاۋ جانە مايلاۋدىڭ ءتارتىبى, ال ۇزدىكسىز پروتسەسس كەزىندە – ولاردى اۋىسىم بويىنشا بەرۋ ءتارتىبى;
2) جۇمىس ورنىن تاپسىرۋ ءتارتىبى;
3) ءوندىرىس قالدىقتارىن تازالاۋ ءتارتىبى;
4) جەكە باس گيگيەناسى مەن وندىرىستىك سانيتاريانى ساقتاۋ تالاپتارى;
5) جۇمىس ۋاقىتىندا انىقتالعان بارلىق كەمشىلىكتەر تۋرالى جۇمىس بەرۋشىنى حاباردار ەتۋ ءتارتىبى كورسەتىلەدى.
16. نورماتيۆتىك قۇقىقتىق اكتىلەرگە سىلتەمەلەردى قولدانۋ قاجەت بولعان كەزدە, بۇل نورماتيۆتىك قۇقىقتىق اكتىلەردىڭ تالاپتارى نۇسقاۋلىقتاردا باياندالادى.
4. نۇسقاۋلىقتى بەكىتۋ جانە قايتا قاراۋ
17. نۇسقاۋلىقتاردى ەڭبەك قاۋىپسىزدىگى جانە ەڭبەكتى قورعاۋ قىزمەتى نەمەسە جاۋاپتى تۇلعا جانە باسقا مۇددەلى قۇرىلىمدىق بولىمشەلەر, لاۋازىمدى تۇلعالار مەن جۇمىسكەرلەر وكىلدەرى كەلىسكەننەن كەيىن جۇمىس بەرۋشى بەكىتەدى.
18. بەكىتىلگەن نۇسقاۋلىقتاردى ەڭبەك قاۋىپسىزدىگى جانە ەڭبەكتى قورعاۋ قىزمەتى نەمەسە جۇمىس بەرۋشىنىڭ جاۋاپتى ادامى نۇسقاۋلىقتاردى ەسەپكە الۋ جۋرنالىندا ەسەپكە الادى.
19. ماماندىقتار مەن جۇمىس تۇرلەرى بويىنشا نۇسقاۋلىقتى قايتا قاراۋ 3 جىلدا ءبىر رەتتەن سيرەك ەمەس جۇرگىزىلىپ تۇرادى.
نۇسقاۋلىقتار مىناداي جاعدايلاردا مەرزىمىنەن بۇرىن قايتا قاراۋعا جاتادى:
1) قازاقستان رەسپۋبليكاسىنىڭ زاڭنامالىق اكتىلەرى, مەملەكەتتىك ستاندارتتارى جانە نورماتيۆتىك قۇقىقتىق اكتىلەرى وزگەرتىلگەندە;
2) جاڭا تەحنيكا مەن تەحنولوگيا ەنگىزىلگەندە;
3) وندىرىستەگى جازاتايىم وقيعالار, اۆاريالار مەن اپاتتاردى تەرگەپ-تەكسەرۋدىڭ ناتيجەلەرى بويىنشا.
قايتا قاراۋ ناتيجەلەرى بويىنشا نۇسقاۋلىقتارعا وزگەرىستەر مەن تولىقتىرۋلار ەنگىزۋ قاجەتتىگى انىقتالادى.
20. ەگەر وسى قاعيدالاردىڭ 19-تارماعىندا بەلگىلەنگەن مەرزىم ىشىندە جۇمىسكەرلەردىڭ ەڭبەك جاعدايلارى وزگەرمەسە, نۇسقاۋلىقتىڭ قولدانىلۋى كەلەسى مەرزىمگە ۇزارتىلادى, بۇل تۋرالى نۇسقاۋلىقتىڭ ءبىرىنشى بەتىندە جازىلادى («قايتا قارالدى» ءمورتابانى, ت.ا.ءا (بار بولسا), كۇنى جانە نۇسقاۋلىقتى قايتا قاراۋعا جاۋاپتى ادامنىڭ قولى قويىلادى).
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12534 بولىپ ەنگىزىلدى.