2015 جىلعى 27 مامىر,استانا قالاسى
پاتسيەنتتەر قۇقىقتارىنىڭ قورعالۋىن قامتاماسىز ەتۋ ماقساتتارىندا مەديتسينالىق ۇيىمداردا قولدانىلاتىن تەحنيكالىق باقىلاۋ قۇرالدارىن, بايقاۋ جانە تىركەپ-بەلگىلەۋ اسپاپتارىن, فوتو-, بەينەاپپاراتۋرالاردى قولدانۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1- تارماعىنىڭ 6-1) تارماقشاسىنا سايكەس بۇيىرامىن:
1. قوسا بەرىلىپ وتىرعان پاتسيەنتتەر قۇقىقتارىنىڭ قورعالۋىن قامتاماسىز ەتۋ ماقساتتارىندا مەديتسينالىق ۇيىمداردا قولدانىلاتىن تەحنيكالىق باقىلاۋ قۇرالدارىن, بايقاۋ جانە تىركەپ-بەلگىلەۋ اسپاپتارىن, فوتو-, بەينەاپپاراتۋرالاردى قولدانۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە ونىڭ كوشىرمەلەرىن مەرزىمدى ءباسپاسوز باسىلىمدارىندا جانە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2), 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن.
4. وسى بۇيرىق ونى العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 27 مامىرداعى №390 بۇيرىعىمەن بەكىتىلگەن
پاتسيەنتتەر قۇقىقتارىنىڭ قورعالۋىن قامتاماسىز ەتۋ ماقساتتارىندا مەديتسينالىق ۇيىمداردا قولدانىلاتىن تەحنيكالىق باقىلاۋ قۇرالدارىن, بايقاۋ جانە تىركەپ-بەلگىلەۋ اسپاپتارىن,
فوتو-, بەينەاپپاراتۋرالاردى قولدانۋ قاعيدالارى
1. جالپى ەرەجەلەر
1. وسى پاتسيەنتتەر قۇقىقتارىنىڭ قورعالۋىن قامتاماسىز ەتۋ ماقساتتارىندا مەديتسينالىق ۇيىمداردا قولدانىلاتىن تەحنيكالىق باقىلاۋ قۇرالدارىن, بايقاۋ جانە تىركەپ-بەلگىلەۋ اسپاپتارىن, فوتو-, بەينەاپپاراتۋرالاردى قولدانۋ قاعيدالارى (بۇدان ءارى – قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابىنىڭ 1 - تارماعىنىڭ 6-1) تارماقشاسىنا (بۇدان ءارى – كودەكس) سايكەس ولاردى قولدانۋ ءتارتىبىن ايقىندايدى.
2. وسى قاعيدالاردا مىناداي ۇعىمدار پايدالانىلادى:
1) انىقتاما-اقپاراتتىق ءۇي-جايلار – ادىستەمەلىك اقپارات كابينەتتەرى, انىقتاما بەرۋ ءبولىمى;
2) جەكە گيگيەنا ءۇي-جايى – اجەتحانالار, ۆاننالار, دۋش بولمەلەرى;
3) مامانداندىرىلعان مەديتسينالىق ۇيىمدار – ناركولوگيالىق, پسيحياتريالىق جانە تۋبەركۋلەزگە قارسى ۇيىمدار;
4) تەحنيكالىق قۇرالدار (تق) – تەحنيكالىق باقىلاۋ قۇرالدارى, بايقاۋ جانە تىركەپ-بەلگىلەۋ اسپاپتارى, فوتو-, بەينەاپپاراتۋرالار;
5) ءۇي-جايلاردىڭ اۋماعى – دالىزدەر, تىركەۋ ورنىمەن ۆەستيبيۋل, ءدارىحانا دۇڭگىرشەگى, اربا قوياتىن جەر, كەلۋشىلەر مەن قىزمەتكەرلەر ءۇشىن كيىم ىلەتىن جەر, انىقتاما-اقپاراتتىق ءۇي-جايلار, قابىلداۋ بولىمشەسىندە امبۋلاتوريالىق-ەمحانالىق ۇيىمنىڭ اقىلى قىزمەتتەرگە اقشانى قابىلداۋ كاسساسىنىڭ ءۇي-جايى جانە ستاتسيونارلىق كومەك كورسەتەتىن ۇيىمنىڭ شىعارۋ ءۇي-جايى.
3. تق قولدانۋ بۇل وبەكتيۆتى شىندىقتى ءبىلۋ ءۇشىن بولىپ جاتقان ءىس-قيمىلداردى, وقيعالاردى, فاكتىلەردى بەلگىلەۋ ماقساتىندا تق پايدالانۋدى بىلدىرەدى.
4. تق ىشكى جانە سىرتقى بولىپ بولىنەدى:
1) ىشكى تق مەديتسينالىق ۇيىمداردىڭ ءۇي-جايلارىنا ورناتىلادى;
2) سىرتقى تق باقىلاناتىن اۋماقتى تولىق قامتۋعا مۇمكىندىك بەرەتىن قاشىقتىقتاعى اۋماقتىڭ پەريمەترى بويىنشا ورناتىلادى.
5. باقىلاۋ وبەكتىلەرى:
1) مەديتسينالىق ۇيىم اۋماعىنداعى ءۇي-جايداعى ازاماتتار;
2) مەديتسينالىق ۇيىمدا ەمدەلۋدە جۇرگەن پاتسيەنتتەر;
3) مەديتسينالىق ۇيىمنىڭ اۋماعى مەن ءۇي-جايى بولىپ تابىلادى.
6. تق ورنالاسقان جەرلەردە «وبەكتى بەينەباقىلانادى» دەگەن جازۋمەن ماڭدايشا ورناتىلادى.
2. دەنساۋلىق ساقتاۋ ۇيىمدارىندا تەحنيكالىق باقىلاۋ قۇرالدارىنىڭ, بايقاۋ جانە
تىركەپ-بەلگىلەۋ اسپاپتارىنىڭ, فوتو-, بەينەاپپاراتۋرالاردىڭ ورنالاسۋى
7. تق ورنالاسۋى ء(بىر نەمەسە بىرنەشە جەردە) بەلگىلەنگەن اۋماقتى باقىلاۋمەن مۇمكىن بولاتىن قامتۋدىڭ جانە ءىس-قيمىلدى بەلگىلەۋدىڭ قاجەتتىلىگىمەن ايقىندالادى.
8. تق امبۋلاتوريالىق-ەمحانالىق كومەك كورسەتەتىن ۇيىمداردا ورناتىلادى:
1) جالپى ءۇي-جايدىڭ اۋماعىندا;
2) ەمدەۋ-دياگنوستيكالىق بولىمشە, تراۆماتولوگيالىق پۋنكت, جەدەل مەديتسينالىق جاردەم بولىمشەسى, ايەلدەر كونسۋلتاتسياسى, ءدارىحانا, ستوماتولوگيالىق بولىمشە, كۇندىزگى ستاتسيونار ورنالاسقان مەديتسينالىق ۇيىمداردىڭ دالىزدەرىندە ورناتىلادى.
9. تق ستاتسيونارلىق كومەك كورسەتەتىن ۇيىمداردا:
1) جالپى ءۇي-جايدىڭ اۋماعىندا;
2) پاتولوگواناتوميالىق بولىمشەنى, ءدارىحانالاردى, اس دايىنداۋ قىزمەتىن, قىزمەتتىك ءۇي-جايلاردى, كلينيكالىق كافەدرالاردىڭ ءۇي-جايلارىن قوسا العاندا باسقا قۇرىلىمدىق بولىمشەلەردىڭ دالىزدەرىندە ورناتىلادى.
10. تق پەريناتالدىق ورتالىقتاردا, پەرزەتحانالاردا, بوساندىرۋ بولىمشەلەرىندە, جۇكتى ايەلدەردى, بوساناتىن جانە بوسانعان ايەلدەردى قابىلداۋ ءۇي-جايلارىنا, جاڭا تۋعان نارەستەلەردىڭ پاتولوگياسى جانە تۋا بىتكەن دامۋ اقاۋلارى بار بالالار ءۇشىن بولىمشەلەردىڭ ءۇي-جايلارىندا ورناتىلادى.
11. تق مامانداندىرىلعان مەديتسينالىق ۇيىمداردا:
1) جالپى ءۇي-جايدىڭ اۋماعىندا;
2) مەديتسينالىق ۇيىمنىڭ قابىلداۋ بولىمشەسىندە;
3) ناركولوگيالىق ۇيىمداردا الكوگولدەن ماس بولۋ ساراپتاماسىن, پسيحياتريالىق ۇيىمداردا امبۋلاتوريالىق جانە ستاتسيونارلىق ساراپتاما جۇرگىزۋ ءۇشىن ءۇي-جايلاردى قوسا العاندا ەمدەۋ-دياگنوستيكالىق بولىمشەلەر ورنالاسقان ءۇي-جايلاردىڭ دالىزدەرىندە ورناتىلادى.
12. جەكە گيگيەنا ءۇي-جايلارىندا, ەم-شارا جانە مانيپۋلياتسيالىق كابينەتتەردە, وپەراتسيالىق بلوكتاردا تق ورناتۋعا رۇقسات ەتىلمەيدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 25 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11439 بولىپ ەنگىزىلدى.