[caption id="attachment_48078" align="aligncenter" width="560"] فوتو: rian.com.ua[/caption]
ءۇندىستاندا نايزاعاي ءتۇسىپ, قازا تاپقاندار سانى 93 ادامعا جەتتى. ريا «نوۆوستي» اگەنتتىگى وسىعان دەيىن 56 ادامنىڭ وپات بولعانىن حابارلاعان.
مالىمەتتەر بويىنشا, تابيعات اپاتىنان بيحار شتاتىندا 56 ادام, دجاركحاند, مادحيا-پرادەش جانە ۋتتار-پرادەش شتاتتارىندا بارلىعى 37 تۇرعىن قازا تاپتى. ولاردىڭ باسىم بولىگى قولايسىز اۋا رايى كەزىندە فەرمالاردا قىزمەت ەتىپ جۇرگەن.
قازىرگى تاڭدا مەملەكەتتىڭ باتىس بولىگىندە كۇن كۇركىرەپ, نايزاعاي ويناپ, تولاسسىز جاڭبىر جاۋىپ تۇر. مامانداردىڭ ايتۋىنشا, مۇنداي اۋا رايى الداعى بىرنەشە كۇن جالعاسادى.
ايتا كەتەيىك, ءۇندىستاندا 2014 جىلى وسىعان ۇقساس وقىس وقيعالاردان بارلىعى 2,5 مىڭ ادام قازا تاپقان.
ايان ءابدۋالي.