[caption id="attachment_47900" align="aligncenter" width="560"] فوتو: altaynews.kz[/caption]
قىزىلوردا قالالىق پروكۋراتۋراسى ازامات ا.جاكەباەۆتىڭ بورىشكەر ە.ناعىمانوۆادان اليمەنت ءوندىرۋ جونىندەگى اتقارۋشىلىق قۇجاتى بويىنشا اليمەنت تولەمى 2013 جىلدان باستاپ ەسەپ-شوتىنا تۇسپەي جاتقاندىعى جونىندە ارىزى نەگىزىندە تەكسەرۋ جۇرگىزىلىپ, ورەسكەل زاڭ بۇزۋشىلىقتار انىقتالدى.
اتاپ ايتقاندا, قىزىلوردا قالالىق سوتىنىڭ 29.03.2013 جىلعى شەشىمى نەگىزىندە ا.جاكەباەۆتىڭ پايداسىنا بورىشكەر ە.ناعمانوۆادان ¼ مولشەردە اليمەنت ءوندىرىلىپ, اتقارۋ پاراعى «قىزىلوردا قالاسىنىڭ اليمەنت تولەمدەرىن ءوندىرۋ بويىنشا» مەملەكەتتىك سوت ورىنداۋشىلارىنىڭ اۋماقتىق بولىمىنە 05.04.2013 جىلى ورىنداۋعا ءتۇسىپ, مەملەكەتتىك سوت ورىنداۋشىلارىمەن اتقارۋشىلىق ءوندىرىس قوزعالعان.
ءوز كەزەگىندە, اتالعان اتقارۋ پاراعى 2013 جىلدىڭ قازان ايىندا بورىشكەردىڭ جۇمىس ورنى قىزىلوردا قالالىق ءبىلىم ءبولىمى مەملەكەتتىك مەكەمەسىنە جالاقىسىنان ۇستاپ وتىرۋ ءۇشىن جولدانعان.
اتقارۋشىلىق ءوندىرىستى زەردەلەۋ بارىسىندا, مەملەكەتتىك سوت ورىنداۋشىلارى تاراپىنان اتقارۋشىلىق ارەكەتتەرى ۋاقتىلى جۇرگىزىلمەي, اتقارۋ قۇجاتىنىڭ ورىندالۋى نەگىزسىز سوزبالاڭعا سالىنعانى انىقتالدى.
قازاقستان رەسپۋبليكاسى كونستيتۋتسياسىنىڭ 76-بابىنىڭ 3-بولىگىنە سايكەس, سوتتار شەشiمدەرiنiڭ, ۇكiمدەرi جانە وزگە دە قاۋلىلارىنىڭ رەسپۋبليكانىڭ بۇكiل اۋماعىندا مiندەتتi كۇشi بولادى دەلىنگەن.
«اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» قازاقستان رەسپۋبليكاسى زاڭىنىڭ 2-بابىندا اتقارۋشىلىق iس جۇرگiزۋ مiندەتتەرi ازاماتتىق جانە اكiمشiلiك iستەر بويىنشا سوت شەشiمدەرiنىڭ, ۇيعارىمدارى مەن قاۋلىلارىنىڭ, مۇلiكتi ءوندiرiپ الۋ بولiگiندە قىلمىستىق iستەر بويىنشا ۇكiمدەرى مەن قاۋلىلارىنىڭ, سونداي-اق وزگە دە ورگاندار قاۋلىلارىنىڭ نەگىزىندە وسى زاڭعا سايكەس بەرىلەتىن اتقارۋشىلىق قۇجاتتاردى مiندەتتi تۇردە جانە ۋاقتىلى ورىنداۋ بولىپ تابىلادى دەلىنگەن.
وبلىستىق ادىلەت دەپارتامەنتىنىڭ دەرەكتەرىنە سايكەس, 05.04.2013 جىلى قوزعالعان اتقارۋ ءوندىرىسى بويىنشا 2013 جىلدىڭ قازان ايىنان 2014 جىلدىڭ تامىز ايىنا دەيىن بارلىعى 51890 تەڭگە اقشا قاراجاتى بورىشكەردىڭ جۇمىس ورنى قالالىق ءبىلىم ءبولىمى مەملەكەتتىك مەكەمەسى ارقىلى تولەنىپ, بۇدان ءارى بورىشكەردىڭ جالاقىسىنان وندىرىلۋگە ءتيىس اقشا قاراجاتى دەپارتامەنتتىڭ ەسەپ-شوتىنا كەلىپ تۇسپەگەن.
سونىمەن بىرگە, قالالىق پروكۋراتۋرامەن قالالىق ءبىلىم بولىمىنەن 2013-2015 جىل ارالىعىندا تولەم تۇبىرتەكتەرى الىنىپ, اۋدارىمدار سوت اكتىلەرىن ورىنداۋ دەپارتامەنتىنە تۇسكەن-تۇسپەگەندىگىن انىقتاۋ ماقساتىندا قىزىلوردا وبلىسى بويىنشا قازىناشىلىق دەپارتامەنتى ارقىلى سالىستىرۋ جۇمىستارى جۇرگىزىلدى.
قازاقستان رەسپۋبليكاسىنىڭ قارجى مينيسترلىگىنىڭ 04.12.2014 جىلعى №540 بۇيرىعىمەن بەكىتىلگەن «بيۋدجەتتىڭ اتقارىلۋى جانە وعان كاسسالىق قىزمەت كورسەتۋ» ەرەجەنىڭ 267 تارماعىنا سايكەس اعىمداعى جىلدىڭ دەرەكتەمەلەرى دۇرىس كورسەتىلمەگەن تولەمدەرى نەمەسە وتكەن جىلداردىڭ تولەمدەرىن قايتارعان جاعدايدا, تولەمدەردى 902 «ءوزارا ەسەپ ايىرىسۋلار بويىنشا ايقىندالعانعا دەيىنگى سومالار» شوتىنا ەسەپتەيدى. تولەم قاتە اۋدارىلعان جاعدايدا, سوما اقشا جونەلتۋشىگە كەرى قايتارىلادى دەپ كورسەتىلگەن.
قىزىلوردا وبلىسى بويىنشا قازىناشىلىق دەپارتامەنتىنىڭ مالىمەتى بويىنشا قالالىق ءبىلىم ءبولىمى مەملەكەتتىك مەكەمەسى ءناپاحا تولەۋشى ە.ناعمانوۆادان 2015 جىلدىڭ قاڭتار-قاراشا ايلارى ارالىعىنداعى تولەمدەر قازىناشىلىق جۇيەسىنە كەلىپ تۇسكەن.
بۇل رەتتە, «قازاقستان رەسپۋبليكاسى ورتالىق اتقارۋشى ورگاندارىنىڭ ۆەدومستۆولارى تۋرالى» قازاقستان رەسپۋبليكاسى ۇكىمەتىنىڭ 14.08.2014 جىلعى №933 قاۋلىسىنىڭ 4-بولىگى 2-تارماعىنا سايكەس, قازاقستان رەسپۋبليكاسى ادىلەت مينيسترلىگى سوت اكتىلەرىن ورىنداۋ كوميتەتى تاراتىلىپ, «قازاقستان رەسپۋبليكاسى ادىلەت مينيسترلىگىنىڭ كەيبىر ماسەلەلەرى تۋرالى» قازاقستان رەسپۋبليكاسى, قىزىلوردا وبلىسىنىڭ سوت اكتىلەرىن ورىنداۋ دەپارتامەنتى قىزىلوردا وبلىسىنىڭ ادىلەت دەپارتامەنتىمەن قوسىلۋىنا بايلانىستى قولما-قول اقشا قاراجاتتارىنىڭ باقىلاۋ ەسەپ-شوتىنىڭ دەرەكتەمەلەرى 14.01.2015 وزگەرتىلگەندىگىن اتاپ كەتكەن ءجون.
سونىمەن قاتار, قىزىلوردا وبلىسىنىڭ سوت اكتىلەرىن ورىنداۋ دەپارتامەنتى قىزىلوردا وبلىسى ادىلەت دەپارتامەنتىمەن قوسىلماس بۇرىن, سوت اكتىلەرىن ورىنداۋ دەپارتامەنتىنە 2014 جىلدىڭ تامىز-جەلتوقسان ايلارى ارالىعىنداعى اۋدارىلعان اقشا ءوندىرىپ الۋشى ا.جاكەباەۆتىڭ ەسەپ-شوتىنا اۋدارىلماعاندىعى انىقتالدى.
دەمەك, جوعارىدا اتالعان مالىمەتتەرگە سايكەس, ارىزدانۋشى ا.جاكەباەۆتىڭ ەسەپ-شوتىنا 2014 جىلدىڭ تامىز ايىنان كەيىن سوماسى 135 354 تەڭگە قۇرايتىن اليمەنت تولەمدەرى تۇسپەگەنى ايقىن.
زاڭنىڭ 102-بابىندا, سوت ورىنداۋشىسى ءوندىرىپ الۋشىنىڭ ءوتىنىشى بويىنشا كەز كەلگەن ۋاقىتتا, بىراق كوپ دەگەندە توقسانىنا ءبىر رەت بورىشكەردىڭ جالاقىسى مەن باسقا دا تابىستارىنان ۇستاپ قالۋدىڭ جانە ۇستالعان سومالاردى ءوندىرىپ الۋشىعا جىبەرۋدىڭ دۇرىستىعى مەن ۋاقتىلى جۇرگىزىلۋىنە باقىلاۋدى جۇزەگە اسىرادى دەلىنگەن.
مەملەكەتتىك سوت ورىنداۋشىلارىمەن بورىشكەردىڭ جۇمىس ورنىنان اليمەنت مولشەرىنىڭ دۇرىس ۇستالىپ وتىرۋ جاعدايىنا باقىلاۋ جۇرگىزىلمەگەن. سول سياقتى, مەملەكەتتىك سوت ورىنداۋشىعا اتالعان دەرەك بەلگىلى بولا تۇرا, قالالىق ءبىلىم بولىمىنە جاڭا بانكتىك رەكۆيزيت بۇگىنگى كۇنگە دەيىن جولدانباعان.
ءوندىرىپ الۋشى ا.جاكەباەۆقا قاتىستى اتقارۋ ءوندىرىسى بىرنەشە سوت ورىنداۋشىلاردىڭ وندىرىسىندە بولعانىمەن, بانكتىك رەكۆيزيت اۋىسقاندىعى جونىندە ءتيىستى مەكەمەگە حابارلانباعان.
وسى ورايدا, زاڭ بۇزۋشىلىقتارعا جول بەرىپ, سوت اكتىسىنىڭ ورىندالۋىن اقىلعا قونىمسىز سەبەپپەن سوزبالاڭعا سالۋىنا بايلانىستى, اتقارۋ ءوندىرىسىن ورىنداۋعا جاۋاپتى مەملەكەتتىك سوت ورىنداۋشىنىڭ قاتاڭ تارتىپتىك جاۋاپكەرشىلىگى شەشۋ جونىندە ۇسىنىس ەنگىزىلىپ, ناتيجەسىمەن كىنالى تۇلعالاردىڭ جاۋاپكەرشىلىكتەرى شەشىلۋمەن زاڭ بۇزۋشىلىقتار جويىلعان.
ايان ءابدۋالي.