حالىقارالىق وليمپيالىق كوميتەت (حوك) بۇگىن لوزاننادا وتكەن سامميتتە حالىقارالىق جەڭىل اتلەتيكا كوميتەتىنىڭ (IAAF) رەسەي قۇراماسىن ريو-دە-جانەيرودا وتەتىن وليمپيالىق ويىنداردان شەتتەتۋ تۋرالى شەشىمىنە قولداۋ كورسەتتى.
حوك-ءتىڭ شەشىمى ۇسىنىستىق سيپاتتا ايتىلادى. وسى ەكى ارالىقتا بۇكىلرەسەيلىك جەڭىل اتلەتيكا فەدەراتسياسى IAAF شەشىمىن قايتارتىپ الۋ ءۇشىن لوزانناداعى سپورت اربيتراجدىق سوتىنا (CAS) تالاپ-ارىز بەرمەكشى بولىپ وتىر. مۇنداي اپپەلياتسيانى كەز كەلگەن سپورتشى بەرە الادى.
حوك باسشىسى توماس باح رەسەي وليمپيالىق قۇراماسىنىڭ ويىندارعا قاتىسۋدان شەتتەتىلمەيتىنىن جەتكىزدى. بۇعان قوسا, ول رەسەي جەڭىل اتلەتتەرىنىڭ ريودا ونەر كورسەتىپ قالۋىن جوققا شىعارعان جوق.
«رەسەيدىڭ ءاربىر اتلەتى وليمپيالىق ويىندارعا قاتىسۋعا رۇقساتتى تەك حالىقارالىق سپورت فەدەراتسيالارىنان الا الادى. ويىندارعا جىبەرىلگەن رەسەيلىك سپورتشىلار وعان رەسەي كومانداسىنىڭ, رەسەي وليمپيالىق كوميتەتىنىڭ مۇشەسى رەتىندە قاتىسادى», دەدى ول.
وسى ارالىقتا رەسەي مەملەكەتتىك دۋماسىندا ەلدىڭ سپورت ءمينيسترى ۆيتالي مۋتكونى قىزمەتىنەن بوساتۋ تۋرالى ماسەلە كوتەرىلىپ جاتىر. وعان وليمپيالىق قۇرامانى دوپينگ داۋىنان ساقتاپ قالا الماۋ مەن رەسەي قۇراماسىنىڭ ەۋروپا چەمپيوناتىندا ناشار ونەر كورسەتۋى سەكىلدى ايىپتار تاعىلىپ جاتىر.
تالعات رايىمبەك.
دەرەك, فوتو: Lenta.ru.