شىمكەنتتەگى چاپاەۆ كەنتىندە تۋعان-تۋىستارى مەن پوليتسەيلەر ليليا احمەتوۆا دەگەن 14 جاسار قىزدى ىزدەستىرىپ جاتىر.
وڭتۇستىك قازاقستان وبلىسى ىشكى ىستەر دەپارتامەنتىنىڭ حابارلاۋىنشا, 8-سىنىپتا وقيتىن قىز 14 ماۋسىم كۇنى ۇيدەن شىعىپ كەتكەننەن قايتاپ ورالماعان.
كورگەندەر ماۋسىمنىڭ 14-ىنەن 15-نە قاراعان ءتۇنى تەمىر جول ۆوكزالىندا كورگەن.
تۋعان-تىستارى ليليانى الدىمەن وزدەرى ىزدەيدى. تابىلماعاسىن 17 ماۋسىم كۇنى ءال-فارابي پوليتسيا بولىمىنە كەلىپ حابارلايدى. 36 جاستاعى قالا تۇرعىنىنىڭ ايتۋىنشا,
15 ماۋسىمعا قاراعان ءتۇنى 2002 جىلى تۋعان قىزى ليليا احمەتوۆا قۇربىسىنىڭ ۇيىنە كەتىپ, قايتىپ ورالماعان. ونىڭ قالتاسىندا ەشقانداي قۇجات بولماعان.
قازىرگى تاڭدا بۇل جايت پوليتسيادا تىركەلىپ, جەكە قۇرام قىزمەتكەرلەرى №34 مەكتەپتىڭ 14 جاسار وقۋشىسىن ىزدەستىرۋگە كىرىسكەن. ءبىر انىقتالعانى, ءجاسوسپىرىم قىز بۇعان دەيىن دە ۇيىنەن كەتىپ جۇرگەن ەكەن.
ليليا احمەتوۆانىڭ بەلگىلەرى: بويى — 155 سم, قاسى-كوزى — قارا, شاشى يىعىنان ازداپ تۇسكەن, قوڭىرقاي تۇستەس, ورتاشا دەنەلى. سول كۇنى وقۋشى قىز ۇستىنە جاسىل شورتى, اشىق-سارى ءتۇستى فۋتبولكا مەن اشىق-قوڭىر ءتۇستى تۋفلي كيگەن. قولىندا شاعىن قارا سومكەسى بار.
باقتيار تايجان.
دەرەك, فوتو: Otyrar.kz.