2016 جىلعى 20 ماۋسىم, استانا قالاسى
«قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ اقپارات كوميتەتى» رەسپۋبليكالىق مەملەكەتتىك مەكەمەسىنىڭ ەرەجەسىن بەكىتۋ تۋرالى
«قۇقىقتىق اكتىلەر تۋرالى» 2016 جىلعى 6 ساۋىردەگى قازاقستان رەسپۋبليكاسى زاڭىنىڭ 35-بابى 1-تارماعىنىڭ 6) تارماقشاسىنا جانە «قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ كەيبىر ماسەلەلەرى» قازاقستان رەسپۋبليكاسى ۇكىمەتىنىڭ 2016 جىلعى 16 ماۋسىمداعى № 353 قاۋلىسىنا سايكەس بۇيىرامىن:
1. وسى بۇيرىققا قوسىمشاعا سايكەس «قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ اقپارات كوميتەتى» رەسپۋبليكالىق مەملەكەتتىك مەكەمەسىنىڭ ەرەجەسى بەكىتىلسىن.
2. قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ اقپارات كوميتەتى:
1) وسى بۇيرىق بەكىتىلگەننەن كەيىن ونىڭ كوشىرمەلەرىن باسپا جانە ەلەكتروندىق تۇردە كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق بۇيرىقتى بەكىتكەن كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى;
2) وسى بۇيرىقتى قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت پورتالىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ اقپارات جانە كوممۋنيكاتسيالار ۆيتسە-مينيسترىنە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
ءمينيستردىڭ مىندەتىن اتقارۋشى س. سارسەنوۆ
قازاقستان رەسپۋبليكاسى اقپارات جانە كوممۋنيكاتسيالار ءمينيسترىنىڭ مىندەتىن اتقارۋشى 2016 جىلعى 20 ماۋسىمداعى №5 بۇيرىعىمەن بەكىتىلگەن
قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ اقپارات كوميتەتى تۋرالى ەرەجە
1. جالپى ەرەجەلەر
1. قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ اقپارات كوميتەتى (بۇدان ءارى – كوميتەت) قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ رەتتەۋشىلىك, ىسكە اسىرۋشىلىق, باقىلاۋ فۋنكتسيالاردى جۇزەگە اسىراتىن, سونداي-اق اقپارات سالاسىنداعى مينيسترلىكتىڭ ستراتەگيالىق فۋنكتسيالارىن ورىنداۋعا قاتىساتىن ۆەدومستۆوسى بولىپ تابىلادى.
2. كوميتەت ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, قازاقستان رەسپۋبليكاسىنىڭ زاڭدارىن, قازاقستان رەسپۋبليكاسى پرەزيدەنتىنىڭ جانە ۇكىمەتىنىڭ اكتىلەرىن, وزگە دە نورماتيۆتىك قۇقىقتىق اكتىلەردى, سونداي-اق وسى ەرەجەنى باسشىلىققا الادى.
3. كوميتەت مەملەكەتتىك مەكەمەنىڭ ۇيىمداستىرۋشىلىق-قۇقىقتىق نىسانىنداعى زاڭدى تۇلعا بولىپ تابىلادى, وقشاۋلانعان مۇلكى, مەملەكەتتىك تىلدە ءوز اتاۋى جازىلعان ءمورى مەن ءمورتاباندارى, بەلگىلەنگەن ۇلگىدەگى بلانكىلەرى, سونداي-اق زاڭناماعا سايكەس قازىناشىلىق ورگاندارىندا ەسەپ شوتتارى بار.
4. كوميتەت ءوز اتىنان ازاماتتىق-قۇقىقتىق قاتىناستارعا تۇسەدi.
5. كوميتەت ءوز قۇزىرەتى شەڭبەرىندە بەلگىلەنگەن زاڭنامالىق تارتىپتە توراعانىڭ بۇيرىعىمەن راسىمدەلەتىن شەشىمدەر قابىلدايدى.
6. كوميتەتتىڭ قۇرىلىمى مەن شتات سانى قازاقستان رەسپۋبليكاسى اقپارات جانە كوممۋنيكاتسيالار ءمينيسترىنىڭ كەلىسۋى بويىنشا مينيسترلىكتىڭ جاۋاپتى حاتشىسىمەن بەكىتىلەدى.
7. مەكەمەنىڭ تولىق اتاۋى – «قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ اقپارات كوميتەتى» رەسپۋبليكالىق مەملەكەتتiك مەكەمەسi.
8. كوميتەتتىڭ ورنالاسقان جەرى: 010000, استانا قالاسى, ەسىل اۋدانى, ورىنبور كوشەسى, 8, «مينيسترلىكتەر ءۇيى» عيماراتى, 14 كىرەبەرىس.
9. وسى ەرەجە كوميتەتتىڭ قۇرىلتاي قۇجاتى بولىپ تابىلادى.
10. كوميتەتتىڭ قىزمەتىن قارجىلاندىرۋ رەسپۋبليكالىق بيۋدجەتتەن جۇزەگە اسىرىلادى.
11. كوميتەتكە ءوزىنىڭ فۋنكتسياسى بولىپ تابىلاتىن مىندەتتەردى ورىنداۋ تۇرعىسىندا كاسىپكەرلىك سۋبەكتىلەرىمەن شارتتىق قاتىناستارعا تۇسۋگە جول بەرىلمەيدى.
ەگەر كوميتەتكە قازاقستان رەسپۋبليكاسىنىڭ زاڭنامالىق اكتىلەرىمەن كىرىستەر اكەلەتىن قىزمەتتى جۇزەگە اسىرۋ قۇقىعى بەرىلسە, وندا مۇنداي قىزمەتتەن تۇسكەن كىرىستەر بيۋدجەتتىڭ كىرىسىنە جولدانادى.
2. ميسسيا, نەگiزگi مiندەتتەر, فۋنكتسيالار, قۇقىقتار مەن مىندەتتەمەلەر
12. ميسسياسى:
اقپاراتتىق كوممۋنيكاتسيالىق كەشەندى دامىتۋ ماقساتىندا اقپارات سالاسىنداعى ءتيىمدى مەملەكەتتىك ساياساتتى قالىپتاستىرۋ جانە جۇرگىزۋ.
13. مىندەتى:
1) بۇقارالىق اقپارات قۇرالدارى جانە تەلەراديو حابار تاراتۋ سالاسىنداعى مەملەكەتتىك ساياساتتى ىسكە اسىرۋعا قاتىسۋ;
2) تەلەراديو حابار تاراتۋ جانە بۇقارالىق اقپارات قۇرالدارى سالاسىنداعى مەملەكەتتىك رەتتەۋدى جۇزەگە اسىرۋ;
3) قازاقستان رەسپۋبليكاسىنىڭ زاڭناماسىنا سايكەس ءوز قۇزىرەتى شەگىندە بۇقارالىق اقپارات قۇرالدارى سالاسىنداعى حالىقارالىق ىنتىماقتاستىق;
4) مەملەكەتتىك باسقارۋدىڭ ءتيىستى سالاسىنا باسشىلىقتى جۇزەگە اسىرۋ;
5) قىزمەتكەرلەردى جۇمىسقا قابىلداۋ جانە جوعارىلاتۋ كەزىندە گەندەرلىك تەڭگەرىمدى ساقتاۋ;
6) ءوز قۇزىرەتi شەگiندە كوميتەتكە جۇكتەلگەن وزگە دە مiندەتتەردi جۇزەگە اسىرۋ.
فۋنكتسيالارى:
1) ءوز قۇزىرەتى شەگىندە مەملەكەتتىك ساياساتتى ىسكە اسىرۋدى قامتاماسىز ەتۋ;
2) ءوز قۇزىرەتi شەگiندە حالىقارالىق ىنتىماقتاستىقتى جۇزەگە اسىرۋ;
3) ۇلتتىق قاۋiپسiزدiك سالاسىنداعى زاڭدار مەن وزگە دە نورماتيۆتiك قۇقىقتىق اكتiلەردiڭ ساقتالۋىن قامتاماسىز ەتۋ;
4) بىلىكتىلىك تالاپتارى مەن ولارعا سايكەستىكتى راستايتىن قۇجاتتار تىزبەسىن قازاقستان رەسپۋبليكاسىنىڭ زاڭناماسىنا سايكەس ازىرلەۋ;
5) ادام مەن ازاماتتىڭ قۇقىقتارى مەن بوستاندىقتارىن قوزعايتىن نورماتيۆتىك قۇقىقتىق اكتىلەردى قوسپاعاندا, ۆەدومستۆونىڭ قۇزىرەتىنە كىرەتىن ماسەلەلەر بويىنشا جانە ءمينيستردىڭ بۇيرىقتارىندا ولاردى بەكىتۋ بويىنشا تىكەلەي قۇزىرەتى بولعان كەزدە نورماتيۆتىك قۇقىقتىق اكتىلەردى كەلىسۋ, ازىرلەۋ جانە بەكىتۋ;
6) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن رەسپۋبليكالىق دەڭگەيدە مەملەكەتتىك اقپارات ساياساتىن جۇرگىزۋ جونىندەگى مەملەكەتتىك تاپسىرىستى قالىپتاستىرۋ جانە ونىڭ جۇزەگە اسىرىلۋىن باقىلاۋ;
7) مەرزiمدi ءباسپاسوز باسىلىمدارىنىڭ مىندەتتى تەگىن دانالارىنىڭ قاعاز جانە ەلەكتروندىق ارحيۆتەرىن قالىپتاستىرۋ;
8) بۇقارالىق اقپارات قۇرالدارى جانە تەلەراديو حابار تاراتۋ ماسەلەلەرى بويىنشا ورتالىق جانە جەرگىلىكتى اتقارۋشى ورگانداردىڭ قىزمەتىن ۇيلەستىرۋ;
9) ءوز قۇزىرەتى شەگىندە مەملەكەتتىك جاستار ساياساتىن ىسكە اسىرۋ;
10) جاستار ۇيىمدارىمەن بۇقارالىق اقپارات قۇرالدارى ماسەلەلەرى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرۋ;
11) مەملەكەتتىك جاستار ساياساتى ماسەلەلەرى بويىنشا مەملەكەتتىك اقپاراتتىق ساياساتتى جۇرگىزۋ جونىندەگى مەملەكەتتىك تاپسىرىستى ورنالاستىرۋ;
12) مەملەكەتتىك جاستار ساياساتى ماسەلەلەرى بويىنشا مەملەكەتتىك اقپاراتتىق ساياساتتى جۇرگىزۋ جونىندەگى مەملەكەتتىك تاپسىرىستى ورنالاستىرۋ; مەملەكەتتىك قۇپيانى قورعاۋ سالاسىنداعى زاڭنامانى ساقتاي وتىرىپ, ۇلتتىق قاۋىپسىزدىكتىڭ جاي-كۇيى جانە ونى قامتاماسىز ەتۋ بويىنشا قابىلداناتىن شارالار تۋرالى حالىقتى حاباردار ەتۋ, ناسيحاتتاۋ جانە قارسى ناسيحاتتاۋ قىزمەتىن جۇرگىزۋ;
13) ءىس-ارەكەتتەرi (نەمەسە ارەكەتسiزدiگi) قازاقستان رەسپۋبليكاسىنىڭ ۇلتتىق مۇددەلەرىنiڭ بۇزىلۋىنا, ۇلتتىق قاۋiپسiزدiگiنە قاۋىپ تونۋىنە اكەپ سوعاتىن لاۋازىمدى ادامداردى, مەملەكەتتiك قىزمەتشiلەردi ءتيiستى جاۋاپتىلىققا تارتۋ;
14) قازاقستان رەسپۋبليكاسىنىڭ زاڭدارىندا, قازاقستان رەسپۋبليكاسى پرەزيدەنتىنىڭ جانە ۇكىمەتىنىڭ اكتىلەرىندە جانە وزگە نورماتيۆتىك قۇقىقتىق اكتىلەردە كوزدەلگەن وزگە دە وكىلەتتىكتەردى جۇزەگە اسىرۋ.
14. كوميتەتتىڭ قۇقىقتارى مەن مىندەتتەرى:
كوميتەت:
1) ءوز قۇزىرەتى شەڭبەرىندە قۇقىقتىق اكتىلەردى شىعارۋ;
2) مينيسترلىكتىڭ قۇرىلىمدىق بولىمشەلەرىنەن, مەملەكەتتىك ورگانداردان, ۇيىمداردان, ولاردىڭ لاۋازىمدى تۇلعالارىنان بەلگىلەنگەن زاڭنامالىق تارتىپتە قاجەتتى اقپارات پەن ماتەريالداردى سۇراتۋعا جانە الۋعا;
3) قازاقستان رەسپۋبليكاسىنىڭ زاڭناماسىن جەتىلدىرۋ بويىنشا ۇسىنىستار ەنگىزۋگە;
4) كوميتەتتىڭ قۇزىرەتىنە كىرەتىن ماسەلەلەر بويىنشا سەمينارلار, كونفەرەنتسيالار, دوڭگەلەك ۇستەلدەر, بايقاۋلار جانە وزگە دە ءىس-شارالار وتكىزۋگە;
5) جەتەكشىلىك ەتەتىن قىزمەت باعىتتارى بويىنشا كونسۋلتاتيۆتىك-كەڭەسشى ورگاندار (جۇمىس توپتارىن, كوميسسيالار, كەڭەستەر) قۇرۋ جونىندە ۇسىنىس ەنگىزۋ;
6) ءوز قۇزىرەتىنە قاتىستى ماسەلەلەر بويىنشا ساراپتامالارعا قاتىسۋ ءۇشىن ءتيىستى مامانداردى تارتۋعا;
7) قازاقستان رەسپۋبليكاسىنىڭ قولدانىستاعى زاڭناماسىندا كوزدەلگەن وزگە دە قۇقىقتاردى جۇزەگە اسىرۋعا قۇقىعى بار.
كوميتەتتىڭ مىندەتتەمەلەرىنە:
1) كوميتەتكە جۇكتەلگەن مىندەتتەر مەن فۋنكتسيالاردى ىسكە اسىرۋدى قامتاماسىز ەتۋ;
2) قازاقستان رەسپۋبليكاسى زاڭناماسىن ساقتاۋ, جەكە جانە زاڭدى تۇلعالاردىڭ زاڭدى مۇددەلەرى مەن قۇقىقتارىن ساقتاۋ;
3) كوميتەتتىڭ قۇزىرەتىنە كىرەتىن ماسەلەلەر بويىنشا ءتۇسىندىرمەلەر دايىنداۋ;
4) مينيسترلىكتىڭ قۇرىلىمدىق بولىمشەلەرى مەن مەملەكەتتىك ورگاندارىنا بۇل تۋرالى رەسمي ساۋال جولداعان جاعدايدا ءوز قۇزىرەتى شەگىندە جانە زاڭناما شەڭبەرىندە قاجەتتى ماتەريالدار مەن انىقتامالاردى ۇسىنۋ;
5) كوميتەتتىڭ تەڭگەرىمىندەگى مەملەكەتتىك مەنشىكتىڭ ساقتالۋىن قامتاماسىز ەتۋ;
6) كوميتەتكە بولىنگەن بيۋدجەتتىك قاراجاتتاردى تولىق, ۋاقىتىلى جانە ءتيىمدى پايدالانۋدى قامتاماسىز ەتۋ;
7) قازاقستان رەسپۋبليكاسىنىڭ زاڭناماسىنا سايكەس مەملەكەتتىك ساتىپ الۋ راسىمدەرىن جۇرگىزۋ.
3. كوميتەتتىڭ قىزمەتىن ۇيىمداستىرۋ
16. كوميتەتتى قازاقستان رەسپۋبليكاسىنىڭ بەلگىلەنگەن زاڭنامالىق تارتىبىندە لاۋازىمعا تاعايىندالاتىن جانە لاۋازىمنان بوساتىلاتىن توراعا باسقارادى.
17. كوميتەت توراعاسىنىڭ بەلگىلەنگەن زاڭنامالىق تارتىپپەن لاۋازىمعا تاعايىندالاتىن جانە لاۋازىمنان بوساتىلاتىن ورىنباسارلارى بولادى.
18. كوميتەت توراعاسى كوميتەتتىڭ جۇمىسىنا جالپى باسشىلىق ەتۋدى جۇزەگە اسىرادى.
19. كوميتەتتىڭ توراعاسى مىناداي:
1) ءمينيستردىڭ, مينيسترلىكتىڭ, جاۋاپتى حاتشىنىڭ جانە جەتەكشىلىك ەتەتىن ۆيتسە-ءمينيستردىڭ تاپسىرمالارىن مىندەتتى تۇردە ورىندايدى;
2) ءوزىنىڭ ورىنباسارلارى مەن كوميتەتتىڭ قۇرىلىمدىق بولىمشەلەرى باسشىلارىنىڭ وكىلەتتىكتەرىن جانە مىندەتتەرىن ايقىندايدى;
3) ءوز قۇزىرەتى شەگىندە بۇيرىقتار شىعارادى;
4) ەڭبەك قاتىناستارى ماسەلەلەرى جوعارى تۇرعان مەملەكەتتىك ورگاندار مەن لاۋازىمدىق تۇلعالاردىڭ قۇزىرەتىنە جاتقىزىلعان قىزمەتكەرلەردەن باسقا, كوميتەت قىزمەتكەرلەرىن قىزمەتكە تاعايىندايدى جانە قىزمەتتەن بوساتادى;
5) ەڭبەك قاتىناستارى ماسەلەلەرى جوعارى تۇرعان مەملەكەتتىك ورگاندار مەن لاۋازىمدىق تۇلعالاردىڭ قۇزىرەتىنە جاتقىزىلعان قىزمەتكەرلەردەن باسقا, كوميتەت قىزمەتكەرلەرىنىڭ ءىسساپار, ەڭبەك دەمالىسىن بەرۋ, ماتەريالدىق كومەك كورسەتۋ, دايارلاۋ (قايتا دايارلاۋ), بىلىكتىلىگىن ارتتىرۋ, ىنتالاندىرۋ, ۇستەمەاقىلار تولەۋ جانە سىياقى بەرۋ, سونداي-اق تارتىپتىك جاۋاپكەرشىلىگى ماسەلەلەرىن شەشەدى;
6) مەملەكەتتىك ورگانداردا جانە وزگە دە ۇيىمداردا قولدانىستاعى زاڭنامالارعا سايكەس كوميتەتتىڭ مۇددەسىن قورعايدى;
7) كوميتەتتىڭ قۇرىلىمدىق بولىمشەلەرى تۋرالى ەرەجەلەرىن بەكىتەدى;
8) مەملەكەتتىك ساتىپ الۋلاردىڭ قورىتىندىلارى بويىنشا تاۋارلاردى, جۇمىستاردى, قىزمەتتەردى, مەملەكەتتىك ساتىپ الۋ تۋرالى شارتتارعا, ورىندالعان جۇمىستاردىڭ اكتىلەرىنە, سونداي-اق جەتەكشىلىك ەتەتىن سالالار شەڭبەرىندەگى شارتتارعا قول قويادى.
9) سىبايلاس جەمقورلىق ارەكەتتەرىنىڭ تۋىنداۋىنا اكەپ سوعاتىن سىبايلاس جەمقورلىق قۇقىق بۇزۋشىلىق نەمەسە ارەكەتتەرى بەلگىلى بولعان كەزدە, ول تۋرالى, مينيسترلىكتىڭ باسشىلىعىن حاباردار ەتەدى;
10) مەملەكەتتىك قىزمەتشىلەردىڭ قىزمەتتىك ەتيكا نورمالارىن كوميتەتتىڭ قىزمەتكەرلەرىنەن ساقتاۋدى قامتاماسىز ەتۋ;
11) كوميتەتكە سىبايلاس جەمقورلىققا قارسى ارەكەت جاساۋعا باعىتتالعان شارالار قابىلدايدى جانە سىبايلاس جەمقورلىققا قارسى شارالار قابىلداۋ ءۇشىن جەكە جاۋاپتىلىقتا بولادى;
12) ءوز قۇزىرەتىنە جاتاتىن وزگە دە ماسەلەلەر بويىنشا شەشىمدەر قابىلدايدى;
كوميتەت توراعاسىنىڭ وكىلەتتىگىن ورىنداۋ ول بولماعان كەزدە, قولدانىستاعى زاڭناماعا سايكەس ونى اۋىستىراتىن تۇلعا جۇزەگە اسىرادى.
20. كوميتەت توراعاسىنىڭ ورىنباسارلارى:
1) ءوز وكىلەتتىگى شەگىندە كوميتەتتىڭ قۇرىلىمدىق بولىمشەلەرىنىڭ قىزمەتىن ۇيلەستىرەدى;
2) ءمينيستردىڭ, مينيسترلىكتىڭ جاۋاپتى حاتشىنىڭ, جەتەكشىلىك ەتەتىن ۆيتسە-ءمينيستردىڭ جانە كوميتەت توراعاسىنىڭ تاپسىرمالارىن مىندەتتە تۇردە ورىندايدى;
3) وزگە دە فۋنكتسيالاردى جۇزەگە اسىرادى.
4. كوميتەتتىڭ مۇلكى
21. كوميتەتتىڭ جەدەل باسقارۋ قۇقىعىنداعى وقشاۋلانعان مۇلكى بار. كوميتەت مۇلكى وعان مەملەكەت بەرگەن م ۇلىكتىڭ ەسەبىنەن, سونداي-اق قۇنى كوميتەتتىڭ تەڭگەرىمىندە كورسەتىلەتىن وزگە دە م ۇلىكتەردەن قالىپتاسادى.
22. كوميتەتكە بەكىتىلىپ بەرىلگەن م ۇلىك رەسپۋبليكالىق مەنشىككە جاتادى.
23. كوميتەتتىڭ وزىنە بەكىتىلگەن م ۇلىكتى, قازاقستان رەسپۋبليكاسى زاڭدارىندا وزگەشە بەلگىلەنبەسە, ءوز بەتىمەن يەلىكتەن شىعارۋعا نەمەسە وعان وزگە دە جولمەن بيلىك ەتۋگە جول بەرىلمەيدى.
5. كوميتەتتى قايتا ۇيىمداستىرۋ جانە تاراتۋ
24. كوميتەتتى قايتا ۇيىمداستىرۋ جانە تاراتۋ قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى.