جارقايىڭ اۋدانىنىڭ ورتالىعىندا 70 ورىندىق جاڭا ەمحانا پايدالانۋعا بەرىلدى.
بۇل مەكەمە «وڭىرلەردى دامىتۋ» مەملەكەتتىك باعدارلاماسىنىڭ «دارiگەرلiك امبۋلاتوريا, فەلدشەرلiك-اكۋشەرلiك پۋنكت جانە ەمحانا قۇرىلىسى» جوباسى شەڭبەرىندە تۇرعىزىلدى. جوبانىڭ جالپى قۇنى 2 ملرد. 916 ملن. تەڭگەنى قۇرايدى. دەنساۋلىق كەشەنى تاۋلiگiنە 70 ادامعا قىزمەت كورسەتە الادى.
جۇرتشىلىقتى قۇتتىقتاۋ سوزىندە اۋدان اكىمى اسقاربەك ۇيسىنباەۆ استانا كۇنى مەرەكەسى قارساڭىندا اشىلعان الەۋمەتتىك نىساننىڭ ماڭىزى وراسان ەكەندىگىن ايتا كەلىپ, قۇرىلىستى ساپالى جۇرگىزگەن «ۋرالسكستروينۆەست» جشس ۇجىمىنا العىس سەزىمىن جەتكىزدى.
زامانالىق مەديتسينالىق جابدىقتارمەن قامتاماسىز ەتىلگەن ەمحانانىڭ كوپسالالى دارىگەرلەرى كومەككە جۇگىنگەن كىسىلەردى قابىلداي باستادى.
باقبەرگەن امالبەك,
«ەگەمەن قازاقستان»
اقمولا وبلىسى,
جارقايىڭ اۋدانى