ەلباسىنىڭ كىتاپحاناسى مەن قورى جۋرناليستەرگە ارناپ
«قازاقستان تاۋەلسىزدىگى جانە ەلباسى» كونكۋرسىن جاريالادى
قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى مەن قورى قازاقستان رەسپۋبليكاسى تاۋەلسىزدىگىنىڭ 25 جىلدىعىن قۇرمەتپەن اتاپ ءوتۋ ماقساتىندا, باسپا جانە ەلەكتروندىق بۇقارالىق اقپارات قۇرالدارى قىزمەتكەرلەرى اراسىندا «قازاقستان تاۋەلسىزدىگى جانە ەلباسى» تاقىرىبى بويىنشا, الداعى تاريحي وقيعاعا ارنالعان تاڭداۋلى ماتەريالدارعا اشىق كونكۋرس جاريالايدى. كونكۋرستىڭ ماقساتى – ەلدىڭ تاۋەلسىزدىك جىلدارىنداعى جەتىستىكتەرىن كورسەتۋ, قازاقستان مەملەكەتتىلىگىنىڭ نەگىزى رەتىندە «نازارباەۆ مودەلىن», ەلباسىنىڭ يدەيالارى مەن باستامالارىن تانىمال ەتۋ. كونكۋرس ءتورت نوميناتسيا بويىنشا وتكىزىلەدى: 1) «ۇزدىك تەلەديدار ماتەريالى»; 2) «ۇزدىك راديوماتەريال»; 3) «گازەتتەر مەن جۋرنالدارداعى ۇزدىك ماقالا»; 4) «عالامتور-باق-تاعى ۇزدىك جاريالانىم». نوميناتسيالاردىڭ ارقايسىسى بويىنشا جەڭىمپازدارعا 1 ميلليون تەڭگە ءمولشەرىندە اقشالاي جۇلدە بەرىلەدى, ال ەكىنشى جانە ءۇشىنشى ورىندار ءۇشىن تيىسىنشە – 500 مىڭ جانە 200 مىڭ تەڭگە بەرىلەدى. ودان باسقا, بارلىق جۇلدەگەرلەرگە ديپلومدار مەن ومىراۋعا تاعاتىن بەلگىلەر تاپسىرىلادى. كونكۋرسقا كاسىپقوي جۋرناليستەر جەكە دە جانە ۇجىمدىق نەگىزدە دە قاتىسا الادى. كونكۋرسقا 2016 جىلعى 1 ماۋسىمنان باستاپ 31 قازان مەرزىمى بويىنشا مەملەكەتتىك جانە ورىس تىلدەرىندە رەسمي جاريالانعان (باسىلعان, ەفيرگە شىعارىلعان, عالامتوردا ورنالاستىرىلعان) بىرەگەي ماتەريالدار قابىلدانادى. كونكۋرستىڭ قورىتىندىسىن قۇرامىنا بەلگىلى جۋرناليستەر, قازاقستاننىڭ كورنەكتى مەملەكەت جانە قوعام قايراتكەرلەرى ەنگەن كونكۋرس كوميسسياسى شىعارادى. جەڭىمپازداردى ماراپاتتاۋدىڭ سالتاناتتى ءراسىمى تاۋەلسىزدىك كۇنى قارساڭىندا وتكىزىلەدى. كونكۋرسقا قاتىسۋعا وتىنىمدەر 2016 جىلعى 1 قاراشاعا دەيىنگى مەرزىمدە اكەلىپ بەرۋ تارتىبىمەن نەمەسە پوشتامەن جونەلتۋ ارقىلى مىنا مەكەنجايدا: Z05S5X1, قازاقستان رەسپۋبليكاسى, استانا قالاسى, ەڭبەكشىلەر كوشەسى, 10, 213-كاب., «قازاقستان تاۋەلسىزدىگى جانە ەلباسى» كونكۋرسىنا» دەگەن بەلگىسىمەن قابىلدانادى (بايلانىس تەل.: (7172) 69-30-57, 69-30-52, 69-30-50). كونكۋرستى وتكىزۋدىڭ شارتتارى مەن ۋاقىتى تۋرالى بارلىق اقپاراتپەن www.presidentlibrary.kz, www.presidentfoundation.kz/