ۇمىتشاق ۇشقىش

ديۋسسەلدورف اۋەجايىندا ەكيپاج 72 جولاۋشىنى تاستاپ, ۇشىپ كەتكەن الەمدە نەمىستەردى ۋاقىتتى بارىنشا باعالاي بىلەتىن, ساعات تىلىمەن ساناسىپ, ءاربىر ىسكە جاۋاپ­كەرشىلىكپەن قارايتىن ۇلت دەپ جاتامىز. ەندى قاراڭىز, گەرمانيادا ءبىر ۇشقىش ساعات 22:00-دە كوككە كوتەرىلۋ ءۇشىن ۇشاق بورتىنا جايعاسىپ بولماعان 72 جولاۋشىنى تاستاپ كەتكەن. وسىدان-اق, نەمىس ۇلتىنىڭ ۋاقىتپەن ساناساتىنىن اڭعارۋ قيىن ەمەس. وقيعا اتالعان ەلدىڭ ديۋسسەل­دورف قالاسىنداعى اەروپورتتا ورىن العان. مۇندا Eurowings كومپانياسىنا تيەسىلى ۇشاق جولاۋشىلاردىڭ ءبىر بولىگىن تاس­تاپ ۇشىپ كەتكەن. نەگىزى, 100-دەن استام ادام ۇشۋ الاڭىنا ەكى اۆتوبۋسپەن جەتكىزىلگەن. سولاردىڭ بىرىندە وتىرعان 40 كىسى اۋە كە­مەسىنە ءمىنىپ ۇلگەرسە, 70-تەن استامى ايلاقتا قالىپ قويعان. بەلگىلى بولعانداي, ۇشقىش ساعات 22:00-گە دەيىن كوككە كوتەرىلۋگە اسىققان. ويتكەنى, بۇل ۋاقىتتان باستاپ قالادا تۇنگى ۇشۋلارعا تىيى­م سالىنادى. ايتا كەتەيىك, اۋە كەمەسىنە ءمىنىپ ۇلگەرمەگەن جولاۋشىلاردىڭ كەيبىرى دىتتەگەن جەرىنە اۆتوبۋس­پەن جەتكىزىلسە, قالعاندارى تاڭەر­تەڭگى رەيسپەن جەتكىزىلەتىن بولىپ شەشىلگەن. تالعات رايىمبەك, «ەگەمەن قازاقستان»