2016 جىلعى 27 قاڭتار, استانا قالاسى
«مەملەكەتتىك جالپىعا مىندەتتى ءبىلىم بەرۋ ستاندارتتارىن ازىرلەۋ قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ
2014 جىلعى 25 قاراشاداعى № 484 بۇيرىعىنا وزگەرىستەر ەنگىزۋ تۋرالى
«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 6-2) تارماقشاسىنا سايكەس بۇيىرامىن:
1. «مەملەكەتتىك جالپىعا مىندەتتى ءبىلىم بەرۋ ستاندارتتارىن ازىرلەۋ قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2014 جىلعى 25 قاراشاداعى № 484 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9997 بولىپ تىركەلگەن, «ەگەمەن قازاقستان» گازەتىنىڭ 2015 جىلعى 2 ساۋىردەگى № 59 (28537) سانىندا جاريالانعان) مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن مەملەكەتتىك جالپىعا مىندەتتى ءبىلىم بەرۋ ستاندارتتارىن ازىرلەۋ قاعيدالارىندا:
10-تارماقتا:
5) تارماقشانىڭ ءبىرىنشى ابزاتسى مىناداي رەداكتسيادا جازىلسىن:
«5) تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارى مازمۇنىنا جانە ءبىلىم الۋشىلار دايارلىعىنىڭ بىلىكتىلىك دەڭگەيىنە قاراي ۇلتتىق بىلىكتىلىك شەڭبەرىنە سايكەس تومەندەگىلەردى مەڭگەرۋگە باعىتتالعان:»;
6), 7) جانە 8) تارماقشالار مىناداي رەداكتسيادا جازىلسىن:
«6) ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارى ورتا ءبىلىمى (جالپى ورتا نەمەسە تەحنيكالىق جانە كاسىپتىك) بار ازاماتتار قاتارىنان بىلىكتى جۇمىسشى كادرلاردى, ورتا بۋىن جانە قولدانبالى باكالاۆر ماماندارىن دايارلاۋعا باعىتتالعان;
7) جوعارى ءبىلىمنىڭ ءبىلىم بەرۋ باعدارلامالارى بىلىكتىلىك جانە (نەمەسە) «باكالاۆر» اكادەميالىق دارەجەسىن بەرە وتىرىپ, ماماندار دايارلاۋعا, ولاردىڭ كاسىبي دايارلىق دەڭگەيىن جۇيەلى تۇردە ارتتىرۋعا باعىتتالعان جانە جالپى ءبىلىم بەرەتىن, بازالىق جانە بەيىندەۋشى پاندەر تسيكلدەرىن مەڭگەرۋدى, سونداي-اق ءتيىستى ماماندىقتار بويىنشا كاسىپتىك پراكتيكادان ءوتۋدى كوزدەيدى;
8) جوعارى وقۋ ورنىنان كەيىنگى ءبىلىم بەرۋ باعدارلامالارى جوعارى بىلىكتى عىلىمي جانە پەداگوگ كادرلاردى دايارلاۋعا, ولاردىڭ عىلىمي جانە پەداگوگيكالىق دايارلىق دەڭگەيىن جۇيەلى تۇردە ارتتىرۋعا باعىتتالعان جانە بازالىق جانە بەيىندى پاندەر قامتىلعان تەوريالىق وقىتۋدى; عىلىمي-زەرتتەۋ جۇمىسىن جۇرگىزىپ ديسسەرتاتسيا جازۋدى كوزدەيدى;»;
11-تارماقتا:
ءبىرىنشى بولىك مىناداي رەداكتسيادا جازىلسىن:
«11. «ءبىلىم بەرۋ مازمۇنىنا قويىلاتىن تالاپتار» دەگەن ءبولىم ماقساتتاردى, قۇندىلىقتاردى, ءبىلىم الۋشىلار مەن تاربيەلەنۋشىلەردىڭ تيپتىك جاسىن, ءاربىر دەڭگەيدىڭ ءبىلىم بەرۋ باعدارلامالارىن مەڭگەرۋدىڭ نورماتيۆتىك مەرزىمىن سيپاتتاۋدان تۇرادى.»;
13) تارماقشا مىناداي رەداكتسيادا جازىلسىن:
«13) تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ مازمۇنىن ۇيىمداستىرۋ تاسىلدەرى مەملەكەتتىك جالپىعا مىندەتتى ءبىلىم بەرۋ ستاندارتتارى نەگىزىندە ازىرلەنەتىن ءبىلىم بەرۋ باعدارلامالارىمەن انىقتالادى;»;
15) تارماقشانىڭ ءبىرىنشى ابزاتسى مىناداي رەداكتسيادا جازىلسىن:
«15) ءبىلىم بەرۋ باعدارلامالارىن مەڭگەرۋدىڭ نورماتيۆتىك مەرزىمى:».
2. مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى (ج.ا. جونتاەۆا) زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ كوشىرمەسىن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى;
3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇنى ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ە.ن.يمانعاليەۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ءبىلىم جانە عىلىم ءمينيسترى ا.ءسارىنجىپوۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 23 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13169 بولىپ ەنگىزىلدى.