2015 جىلعى 11 جەلتوقسان, استانا قالاسى
مەملەكەتتىك ورمان قورى ۋچاسكەلەرىندە اعاش كەسۋدىڭ بارلىق تۇرىنە تىيىم سالۋ تۋرالى
«قازاقستان رەسپۋبليكاسى اۋىل شارۋاشىلىعى مينيسترلىگىنىڭ كەيبىر ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2005 جىلعى 6 ساۋىردەگى № 310 قاۋلىسىنىڭ 17-تارماعىنىڭ 376) تارماقشاسىنا سايكەس بۇيىرامىن:
1. «ەرتىس ورمانى» مەملەكەتتىك ورمان تابيعي رەزەرۆاتى رەسپۋبليكالىق مەملەكەتتىك مەكەمەسىنىڭ مەملەكەتتىك ورمان قورى ۋچاسكەلەرىندە اعاش كەسۋدىڭ بارلىق تۇرىنە, وسى بۇيرىق قولدانىسقا ەنگىزىلگەن كۇننەن باستاپ 2018 جىلعى
1 قاڭتارعا دەيىن تىيىم سالىنسىن.
2. «ەرتىس ورمانى» مەملەكەتتىك ورمان تابيعي رەزەرۆاتى رەسپۋبليكالىق مەملەكەتتىك مەكەمەسىنىڭ ءبىرىنشى باسشىسى زاڭنامادا بەلگiلەنگەن تارتiپپەن:
1) وسى بۇيرىقتىڭ 1-تارماعىن iسكە اسىرۋ جونiندە قاجەتتi شارالار قابىلداسىن;
2) جىل سايىن 10 ماۋسىمعا جانە 10 قاڭتارعا قازاقستان رەسپۋبليكاسى اۋىل شارۋاشىلىعى مينيسترلiگiنiڭ ورمان شارۋاشىلىعى جانە جانۋارلار دۇنيەسى كوميتەتiنە ورمانداردى اعاشتىڭ زاڭسىز كەسىلۋىنەن قورعاۋ جونiندە قابىلدانعان شارالارى تۋرالى اقپارات بەرىپ تۇرسىن.
3. قازاقستان رەسپۋبليكاسىنىڭ اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ ورمان جانە ەرەكشە قورعالاتىن تابيعي اۋماقتار باسقارماسى بەلگىلەنگەن تارتىپپەن:
1) وسى بۇيرىقتى مەملەكەتتىك تىركەلۋگە قازاقستان رەسپۋبليكاسى ادىلەت مينيسترلىگىنە جىبەرسىن;
2) وسى بۇيرىق مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن قامتاماسىز ەتسىن;
3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
4. وسى بۇيرىق العاش رەت رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ورمان شارۋاشىلىعى جانە جانۋارلار دۇنيەسى كوميتەتى
توراعاسىنىڭ مىندەتىن اتقارۋشى ق.ۇستەمىروۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 12 قاڭتارداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12858 بولىپ ەنگىزىلدى.