2015 جىلعى 24 شىلدە, استانا قالاسى
ۇزاق مەرزىمدى ورمان پايدالانۋ كەزىندە ورمان پايدالانۋشىلار ازىرلەيتىن ورتكە قارسى ءىس-شارالار جوسپارلارىنا قويىلاتىن تالاپتاردى بەكىتۋ تۋرالى
«قازاقستان رەسپۋبليكاسى اۋىل شارۋاشىلىعى مينيسترلىگىنiڭ كەيبiر ماسەلەلەرi تۋرالى» قازاقستان رەسپۋبليكاسى ۇكىمەتىنىڭ 2005 جىلعى 6 ساۋىردەگى 310 قاۋلىسى 17 تارماعى 375) تارماقشاسىنا سايكەس, بۇيىرامىن:
1. قوسا بەرىلىپ وتىرعان ۇزاق مەرزىمدى ورمان پايدالانۋ كەزىندە ورمان پايدالانۋشىلار ازىرلەيتىن ورتكە قارسى ءىس-شارالار جوسپارلارىنا قويىلاتىن تالاپتار بەكىتىلسىن.
2. ورمان جانە ەرەكشە قورعالاتىن تابيعي اۋماقتار باسقارماسى بەلگىلەنگەن تارتىپپەن وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىنە مەملەكەتتىك تىركەۋدەن وتكىزۋگە جىبەرسىن.
1) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن;
2) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن;
3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ورمان شارۋاشىلىعى جانە جانۋارلار دۇنيەسى كوميتەتى
توراعاسىنىڭ مىندەتىن اتقارۋشى ق.ۇستەمىروۆ
«كەلىسىلگەن»
قازاقستان رەسپۋبليكاسى ىشكى ىستەر مينيسترلىگى
توتەنشە جاعداي كوميتەتى توراعاسىنىڭ مىندەتىن اتقارۋشى
_____________ س. اۋباكىروۆ
2015 جىلعى « __» _________
قازاقستان رەسپۋبليكاسى اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتى توراعاسىنىڭ مىندەتىن اتقارۋشى 2015 جىلعى 24 شىلدەدەگى № 189 بۇيرىعىمەن بەكىتىلگەن
ۇزاق مەرزىمدى ورمان پايدالانۋ كەزىندە ورمان پايدالانۋشىلار ازىرلەيتىن
ورتكە قارسى ءىس-شارالار جوسپارلارىنا قويىلاتىن تالاپتار
1. ورمان قورى ۋچاسكەلەرى ۇزاق مەرزىمدى ورمان پايدالانۋعا بەرىلگەن ورمان پايدالانۋشىلار جىل سايىن ورتكە قارسى ءىس-شارالار جوسپارلارىن (بۇدان ءارى - جوسپار) ازىرلەيدى جانە ونى ىسكە اسىرادى.
جوسپار:
1) ورتكە قارسى الدىن الۋ ءىس-شارالارىن;
2) ورمان ورتتەرىن ءسوندىرۋ ءىس-شارالارىن قامتيدى.
2. ورتكە قارسى الدىن الۋ ءىس-شارالارىندا شەكاراسىندا ورمان پايدالانۋعا بەرىلگەن ورمان قورى ۋچاسكەسى (ۋچاسكەلەرى) ورنالاسقان مەملەكەتتىك ورمان يەلەنۋشىنىڭ ورمان ورنالاستىرۋ ماتەريالدارىنا جانە ورمانداردى ورتكە قارسى جايلاستىرۋ جوسپارلارىنا نەگىزدەلگەن جۇمىستاردىڭ ناقتى كولەمدەرى مەن ولاردى وتكىزۋ ورىندارى كوزدەلەدى. جوسپارلاناتىن ءىس-شارالار ءىس-ارەكەتتىڭ دايەكتىلىگىن, بۇدان بۇرىن ورىندالعان جۇمىستاردىڭ جالعاستىرىلۋىن كوزدەيدى جانە ورمان يەلەنۋشىلەر مەن ورمان پايدالانۋشىلاردىڭ ورمان قورىنىڭ كورشىلەس ۋچاسكەلەردە اتقارىپ جاتقان جۇمىستارىمەن بايلانىستىرىلادى.
ورتكە قارسى الدىن الۋ ءىس-شارالارىنا سونداي-اق بۇرىننان بار ورتكە قارسى جىرالار مەن جولاقتارعا كۇتىم جاساۋ, ءورت قاداعالاۋ مۇنارالارى مەن ورتكە قارسى قۇرال-جابدىقتار مەن تەحنيكانى, جولداردى جوندەۋ, ۋاقىتشا ءورت كۇزەتشىلەرىن جالداۋ جونىندەگى جۇمىستار ەنگىزىلەدى.
ورتكە قارسى الدىن الۋ ءىس-شارالارى بويىنشا بارلىق جۇمىستار ءۇشىن كۇنتىزبەلىك ورىنداۋ مەرزىمدەرى جانە ورىنداۋعا جاۋاپتى تۇلعالار, سونداي-اق وسى جۇمىستاردىڭ كولەمى كورسەتىلەدى.
3. ورمان ورتتەرىن ءسوندىرۋ ءىس-شارالارى ورتتەردى ءوز كۇشتەرىمەن دە, بۇل ورتتەردى قانداي دا ءبىر سەبەپتەرمەن ءوز كۇشتەرىمەن جانە قۇرالدارىمەن قۇرىقتاۋ مۇمكىن ەمەس جاعدايلاردا ورتتەردى ءسوندىرۋدى ۇيىمداستىرۋ جونىندەگى جۇمىستاردى كوزدەيدى. سوڭعى جاعدايدا مەملەكەتتىك ورمان يەلەنۋشىمەن كەلىسە وتىرىپ ورمان ءورتىن سوندىرۋگە جىبەرىلەتىن كۇشتەر مەن تەحنيكالىق قۇرالدار, سونداي-اق ورمان قورىنىڭ ءتيىستى ۋچاسكەسىندە ورنالاسقان اۋدانداعى ەلدى مەكەندەردە ورنالاسقان وزگە دە ۇيىمداردىڭ كۇشتەرى مەن تەحنيكالىق قۇرالدارى ايقىندالادى. ورمان ورتتەرىن ءسوندىرۋ ءىس-شارالارى ورمان ورتتەرىن ءسوندىرۋ ءۇشىن ەرىكتى قوعامدىق قۇرامالار (كوماندالار) قۇرۋ, ورمان ورتتەرىن سوندىرۋمەن اينالىسىپ جاتقان ادامداردى تاماقتاندىرۋ مەن مەديتسينالىق كومەكتى, بايلانىستى ۇيىمداستىرۋ, سونداي-اق ورمان پايدالانۋشىنىڭ ەسەبىنەن ءورت قاۋىپى بار ماۋسىمعا جانار-جاعار ماي ماتەريالدارىنىڭ قورىن جاساۋ كوزدەلەدى.
4. ورمان قورى ۋچاسكەلەرى ۇزاق مەرزىمدى ورمان پايدالانۋعا بەرىلگەن ورمان پايدالانۋشىلاردىڭ جوسپارى اعىمداعى جىلدىڭ 15 اقپانىنان كەشىكتىرىلمەي كەلىسىمدەۋ ءۇشىن مەملەكەتتىك ورمان يەلەنۋشىلەرگە بەرىلەدى. ورمان كودەكسiنىڭ 38-بابى 6) تارماقشاسىنا سايكەس ورمان پايدالانۋشىنىڭ جوسپارى مەملەكەتتىك ورمان يەلەنۋشىمەن كەلىسىلەدى جانە ونى ورمان پايدالانۋشىنىڭ ءوزى بەكىتەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 28 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11981 بولىپ ەنگىزىلدى.