2016 جىلعى 28 ءساۋىر, استانا قالاسى
«قازاقستاننىڭ تۇرعىن ءۇي قۇرىلىس جيناق بانكى» اكتسيونەرلىك قوعامىنىڭ تۇرعىن ءۇي قۇرىلىس جيناقتارى بويىنشا وتەماقى تولەۋ قاعيدالارىن بەكىتۋ تۋرالى
«2016-2018 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 8 جەلتوقسانداعى № 972 قاۋلىسىنىڭ
10-1-تارماعىنا سايكەس بۇيىرامىن:
1. قوسا بەرىلىپ وتىرعان «قازاقستاننىڭ تۇرعىن ءۇي قۇرىلىس جيناق بانكى» اكتسيونەرلىك قوعامىنىڭ تۇرعىن ءۇي قۇرىلىس جيناقتارى بويىنشا وتەماقى تولەۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اكتيۆتەردى باسقارۋ دەپارتامەنتى (ا. زاكيريانوۆا):
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن باسپا جانە ەلەكتروندىق تۇردە كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك-قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق العاش رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ
«كەلىسىلگەن» «كەلىسىلگەن»
قازاقستان رەسپۋبليكاسىنىڭ قازاقستان رەسپۋبليكاسىنىڭ
قارجى ءمينيسترى ۇلتتىق ەكونوميكا ءمينيسترى
___________ ب. سۇلتانوۆ ___________ ە. دوساەۆ
2016 جىلعى 29 ءساۋىر 2016 جىلعى 29 ءساۋىر
قازاقستان رەسپۋبليكاسى ينۆەستيتسيالار جانە دامۋ ءمينيسترىنiڭ
2016 جىلعى 28 ساۋىردەگى № 403 بۇيرىعىمەن بەكiتiلگەن
«قازاقستاننىڭ تۇرعىن ءۇي قۇرىلىس جيناق بانكى» اكتسيونەرلىك قوعامىنىڭ
تۇرعىن ءۇي قۇرىلىس جيناقتارى بويىنشا وتەماقى تولەۋ قاعيدالارى
1-تاراۋ. جالپى ەرەجەلەر
1. وسى «قازاقستاننىڭ تۇرعىن ءۇي قۇرىلىس جيناق بانكى» اكتسيونەرلىك قوعامىنىڭ تۇرعىن ءۇي قۇرىلىس جيناقتارى بويىنشا وتەماقى تولەۋ قاعيدالارى (بۇدان ءارى – قاعيدالار) «2016-2018 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 8 جەلتوقسانداعى № 972 قاۋلىسىنىڭ 10-1-تارماعىنا سايكەس ازىرلەندى جانە «قازاقستاننىڭ تۇرعىن ءۇي قۇرىلىس جيناق بانكى» اكتسيونەرلىك قوعامىنىڭ (بۇدان ءارى – بانك) تۇرعىن ءۇي قۇرىلىس جيناقتارىنا سالىمدار بويىنشا وتەماقى تولەۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار قولدانىلادى:
1) تۇرعىن ءۇي قۇرىلىس جيناقتارى تۋرالى شارت – «قازاقستان رەسپۋبليكاسىنداعى تۇرعىن ءۇي قۇرىلىس جيناق تۋرالى» 2000 جىلعى 7 جەلتوقسانداعى قازاقستان رەسپۋبليكاسىنىڭ زاڭىنا (بۇدان ءارى – زاڭ) جانە تۇرعىن ءۇي قۇرىلىس جيناق بانكىنىڭ ىشكى قۇجاتتارىنا سايكەس سالىمشى مەن تۇرعىن ءۇي قۇرىلىس جيناق بانكى اراسىنداعى جانە (نەمەسە) سالىمشى, تۇرعىن ءۇي قۇرىلىس جيناق بانكى جانە ءۇشىنشى تۇلعالار اراسىنداعى, ونىڭ ىشىندە بانكتىڭ اگەنتى (اگەنتتەرى) ارقىلى جاسالاتىن شارت;
2) تۇرعىن ءۇي قۇرىلىس جيناقتارىنا سالىم (دەپوزيت) – تۇرعىن ءۇي قۇرىلىس جيناقتارى تۋرالى شارتتىڭ تالاپتارىنا سايكەس سالىمشىنىڭ تۇرعىن ءۇي قۇرىلىس جيناق بانكىندە اشىلعان شوتىنا سالىمشى نەمەسە ءۇشىنشى تۇلعالار سالاتىن اقشا;
3) تۇرعىن ءۇي قۇرىلىس جيناقتارىنىڭ سالىمشىسى (سالىمشى) – تۇرعىن ءۇي قۇرىلىس جيناق بانكىمەن تۇرعىن ءۇي قۇرىلىس جيناقتارى تۋرالى شارت جاساسقان جەكە تۇلعا;
4) وتەماقى – ەركىن قۇبىلمالى ايىرباس باعامى رەجيمىنە وتۋگە بايلانىستى سالىمشىنىڭ ءتيىستى جيناق شوتىنا/شوتتارىنا نەمەسە قارىز الۋشىنىڭ اعىمداعى شوتىنا/شوتتارىنا اۋدارىلۋعا جاتاتىن تۇرعىن ءۇي قۇرىلىس جيناقتارىنا سالىمدار (دەپوزيتتەر) بويىنشا سالىمشىلارعا جانە قارىز الۋشىلارعا 2016-2017 جىلدار ىشىندە بانك تولەيتىن اقشا;
5) قوسىمشا كەلىسىم – وتەماقى الۋ ماقساتتارى ءۇشىن سالىمشى مەن بانك اراسىندا جاسالاتىن تۇرعىن ءۇي قۇرىلىس جيناقتارى تۋرالى شارتقا قوسىمشا كەلىسىم;
6) قارىز الۋشى – 2015 جىلعى 19 تامىزدان باستاپ - 2016 جىلعى 30 ماۋسىمعا دەيىنگى ارالىقتا بانكپەن بانكتىك تۇرعىن ءۇي قارىزى شارتىن جاساعان جەكە تۇلعانىڭ ءوتىنىشى.
وسى قاعيدالاردا كورسەتىلگەن باسقا دا ۇعىمدار مەن تەرميندەر زاڭعا سايكەس ايقىندالعان ماندەردە قولدانىلادى.
2-تاراۋ. «قازاقستاننىڭ تۇرعىن ءۇي قۇرىلىس جيناق بانكى» اكتسيونەرلىك قوعامىنىڭ
تۇرعىن ءۇي قۇرىلىس جيناقتارىنا سالىمدار بويىنشا وتەماقى تولەۋ ءتارتىبى
3. بانك وتەماقى تولەۋدى رەسپۋبليكالىق بيۋدجەت قاراجاتى جانە بانكتىڭ مەنشىك قاراجاتى ەسەبىنەن جۇزەگە اسىرادى. رەسپۋبليكالىق بيۋدجەت ەسەبىنەن قاراجات 2008 جىلعى 4 جەلتوقسانداعى قازاقستان رەسپۋبليكاسىنىڭ بيۋدجەت كودەكسىندە (بۇدان ءارى – كودەكس) كوزدەلگەن تارتىپتە بولىنەدى.
4. وتەماقىنى ەسەپتەۋ 2015 جىلعى 8 تامىزداعى وپەراتسيالىق كۇننىڭ سوڭىندا شوتىندا اقشا بولعان كەزدە تۇرعىن ءۇي قۇرىلىس جيناقتارىنا سالىم سوماسىنا جۇزەگە اسىرىلادى. ەسەپتەۋ سالىمشىنىڭ جيناق شوتىنا/شوتتارىنا جانە (نەمەسە) كەيىننەن تۇرعىن ءۇي قارىزىن العان تۇلعانىڭ اعىمداعى شوتىنا/شوتتارىنا جۇرگىزىلەدى.
5. وتەماقى الۋ ءۇشىن 2016 جىلعى 1 شىلدەگە دەيىنگى مەرزىمدە:
1) سالىمشى قوسىمشا كەلىسىمدى جاساۋى;
2) قارىز الۋشى ەركىن نىساندا ءوتىنىشتى بەرۋى قاجەت.
6. قازاقستان رەسپۋبليكاسىنىڭ زاڭنامالىق اكتىلەرىندە كوزدەلگەن نەگىزدەمەلەر بويىنشا سالىمشىنىڭ اقشاسىن الۋ تۋرالى بانكتىڭ جانە (نەمەسە) ءۇشىنشى تۇلعالاردىڭ وكىمدەرىن ورىنداۋ شەڭبەرىندە وتەماقى اۋدارىلعان كۇنگە دەيىن اقشا ەسەپتەن شىعارىلعان جاعدايدا, وتەماقى تولەۋ اۋدارۋ كۇنى تۇرعىن ءۇي قۇرىلىس جيناقتارىنا سالىمنىڭ قالدىق سوماسىنا, بىراق 2015 جىلعى 18 تامىزداعى قالدىقتان ارتىق ەمەس مولشەردە جۇرگىزىلەدى.
7. سالىمشىنىڭ 2 (ەكى) جانە ودان ارتىق تۇرعىن ءۇي قۇرىلىس جيناقتارىنا سالىمى بولعان جاعدايدا, وتەماقى تولەۋ تۇرعىن ءۇي قۇرىلىس جيناقتارىنا ءاربىر سالىمى بويىنشا جۇزەگە اسىرىلادى.
8. وتەماقى تولەۋ وسى قاعيدالاردىڭ 13-تارماعىنا سايكەس 2016 جانە 2017 جىلدارى تيىسىنشە ەكى كەزەڭدە جۇزەگە اسىرىلادى.
9. 2016 جىلى وتەماقىنى ەسەپتەۋ 2016 جىلعى 1 تامىزعا دەيىن:
1) سالىمشىدا قول قويىلعان قوسىمشا كەلىسىمى;
2) قارىز الۋشىدا بەرىلگەن ءوتىنىشى بولعان كەزدە جۇزەگە اسىرىلادى.
10. 2017 جىلى وتەماقىنى ەسەپتەۋ 2017 جىلعى 1 شىلدەگە دەيىن:
1) سالىمشىدا قول قويىلعان قوسىمشا كەلىسىمى;
2) قارىز الۋشىدا بەرىلگەن ءوتىنىشى بولعان كەزدە جۇزەگە اسىرىلادى.
11. مۇراگەرلەرگە وتەماقى تولەۋ, قوسىمشا كەلىسىم جاساماعان نەمەسە ءوتىنىش بەرمەگەن سالىمشى جانە (نەمەسە) قارىز الۋشى قايتىس بولعان جاعدايدا, مۇراگەر بانككە جازباشا ءوتىنىش بەرگەن جانە قوسىمشا كەلىسىم جاساعان كەزدە جۇرگىزىلەدى.
12. وتەماقى تولەۋ:
1) تۇرعىن ءۇي قۇرىلىس جيناقتارى سالىمدارى سالىمشىسىنا 2015 جىلعى 18 تامىزدى قوسا العاندا بەرىلگەن تۇرعىن ءۇي, الدىن الا تۇرعىن ءۇي جانە ارالىق تۇرعىن ءۇي قارىزدارى بويىنشا قامتاماسىز ەتۋدە تۇرعان تۇرعىن ءۇي قۇرىلىس جيناقتارىنا سالىمدار بويىنشا;
2) اقشا سالۋ كۇنىنە تۇرعىن ءۇيدى ساتىپ الۋ-ساتۋ شارتتارى نەمەسە قازاقستان رەسپۋبليكاسى پرەزيدەنتىنىڭ 2007 جىلعى 20 تامىزداعى № 383 جارلىعىمەن بەكىتىلگەن قازاقستان رەسپۋبليكاسىنداعى تۇرعىن ءۇي قۇرىلىسىنىڭ 2008-2010 جىلدارعا ارنالعان مەملەكەتتىك باعدارلاماسى, قازاقستان رەسپۋبليكاسى ۇكىمەتىنىڭ 2014 جىلعى 28 ماۋسىمداعى № 728 قاۋلىسىمەن بەكىتىلگەن وڭىرلەردى دامىتۋدىڭ 2020 جىلعا دەيىنگى باعدارلاماسى, وڭىرلىك تۇرعىن ءۇي باعدارلامالارى شەڭبەرىندە كەيىننەن ساتىپ الا وتىرىپ, جالعا الۋ شارتتارى جاسالعان تۇرعىن ءۇي قۇرىلىسى جيناقتارىنا سالىمدار بويىنشا جۇرگىزىلمەيدى.
13. وتەماقى مولشەرىن ەسەپتەۋ ءۇشىن 2015 جىلعى 18 تامىزداعى جانە 2015 جىلعى 20 تامىزداعى استانا ۋاقىتىمەن ساعات 11-00-دەگى جاي-كۇيى بويىنشا «قازاقستان قور بيرجاسى» اكتسيونەرلىك قوعامىنىڭ تاڭعى (نەگىزگى) سەسسياسىندا قالىپتاسقان امەريكا قۇراما شتاتتارى دوللارىنا شاققانداعى ۇلتتىق ۆاليۋتانىڭ (تەڭگە) ورتاشا الىنعان بيرجالىق باعامى پايدالاندى.
وتەماقى كوەففيتسيەنتى تۇرعىن ءۇي قۇرىلىس جيناقتارىنا سالىم سوماسىنان 35,5%-دى قۇرايدى, ونىڭ ىشىندە: 2016 جىلى 19,2 %, ونىڭ 12,2 %-ى رەسپۋبليكالىق بيۋدجەتتەن جانە 7 %-ى بانك قاراجاتىنان; 2017 جىلى 16,3 %, ونىڭ 9,35 %-ى رەسپۋبليكالىق بيۋدجەتتەن جانە 7 %-ى بانك قاراجاتىنان.
3-تاراۋ. قورىتىندى ەرەجەلەر
14. پايدالانىلماعان رەسپۋبليكالىق بيۋدجەت قاراجاتىن قايتارۋ كودەكسكە سايكەس جۇزەگە اسىرىلادى.
15. بانك 2016 جىلدىڭ 15 تامىزىنا جانە 2017 جىلدىڭ 15 شىلدەسىنە قاراي قازاقستان رەسپۋبليكاسى ينۆەستيتسيالار جانە دامۋ مينيسترلىگىنە سالىمشىعا جانە قارىز الۋشىعا وتەماقى تولەۋ ءۇشىن الىنعان قاراجاتتاردى نىسانالى پايدالانۋ تۋرالى راستاۋشى قۇجاتتاردى قوسا بەرە وتىرىپ, ەسەپتى ۇسىنادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 3 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13764 بولىپ ەنگىزىلدى.