2016 جىلعى 3 ماۋسىم ,استانا, ۇكىمەت ءۇيى
قازاقستان رەسپۋبليكاسى ۇكىمەتىنىڭ «ءبىلىم بەرۋ ۇيىمدارىندا ءبىلىم الۋشىلارعا مەملەكەتتىك ستيپەنديالاردى تاعايىنداۋ, تولەۋ قاعيدالارىن جانە ولاردىڭ مولشەرلەرىن بەكىتۋ تۋرالى» 2008 جىلعى 7 اقپانداعى №116 جانە «ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» 2015 جىلعى 31 جەلتوقسانداعى № 1193 قاۋلىلارىنا تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. قازاقستان رەسپۋبليكاسى ۇكىمەتىنىڭ كەيبىر شەشىمدەرىنە مىناداي تولىقتىرۋلار ەنگىزىلسىن:
1) «ءبىلىم بەرۋ ۇيىمدارىندا ءبىلىم الۋشىلارعا مەملەكەتتىك ستيپەنديالاردى تاعايىنداۋ, تولەۋ قاعيدالارىن جانە ولاردىڭ مولشەرلەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 7 اقپانداعى №116 قاۋلىسىندا (قازاقستان رەسپۋبليكاسىنىڭ ءپۇاج-ى, 2008 ج., №7, 67-قۇجات):
كورسەتىلگەن قاۋلىمەن بەكىتىلگەن ءبىلىم بەرۋ ۇيىمدارىندا ءبىلىم الۋشىلارعا مەملەكەتتىك ستيپەنديالاردى تاعايىنداۋ, تولەۋ قاعيدالارى مەن ولاردىڭ مولشەرلەرىندە:
17-تارماقتىڭ 6) تارماقشاسىنداعى «مولشەرىندە بەلگىلەنەدى.» دەگەن سوزدەر «مولشەرىندە;» دەپ جازىلىپ, مىناداي مازمۇنداعى 7) تارماقشامەن تولىقتىرىلسىن:
«7) مەملەكەتتىك ورگانداردان وقۋعا جىبەرىلگەن قازاقستان رەسپۋبليكاسى جوعارعى سوتىنىڭ جانىنداعى سوت تورەلىگى اكادەمياسىنىڭ ماگيسترانتتارىنا سوڭعى جۇمىس ورنى بويىنشا لاۋازىمدىق ايلىقاقى دەڭگەيىندە, بىراق مەملەكەتتىك ءبىلىم بەرۋ تاپسىرىس نەگىزىندە ءبىلىم الىپ جاتقان ماگيسترانتتار ءۇشىن بەلگىلەنگەن ستيپەنديادان تومەن ەمەس مولشەرىندە بەلگىلەنەدى.»;
2) «ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى №1193 قاۋلىسىندا (قازاقستان رەسپۋبليكاسىنىڭ ءپۇاج-ى, 2015 ج., №87-88, 631-قۇجات):
3-تارماق مىناداي مازمۇنداعى 2-2) تارماقشامەن تولىقتىرىلسىن:
«2-2) (قىزمەت بابىندا پايدالانۋ ءۇشىن);».
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ