اقتاۋدا قارا سومكە ادامداردى ابىگەرگە سالدى

اقتوبەدەگى وقيعادان سوڭ ەل ءىشى ەلەڭدەۋلى, اۋىل-ايماق الاڭداۋلى. بىراق, قيىن كەزدەردىڭ ءوزىنىڭ دە ەزۋگە كۇلكى ۇيالاتاتىن كەزدەرى بولىپ جاتادى. اقتاۋ قالاسىنداعى «ماندارين» ساۋىقتىرۋ ورتالىعىنىڭ اۋماعىنان تابىلعان ءتورت بۇرىشتى قارا سومكە ورتالىق قىزمەتكەرلەرىن ابىگەرگە سالدى. كىرەبەرىستە ءشوپ ۇستىندە جاتقان يەسىز سومكەدەن كۇدىكتەنگەن قىزمەتكەرلەر, قالادا ءالى تەررورعا قارسى رەجيم ورناعاندىقتان, ونى ءوز بەتتەرىنشە اشىپ قاراپ, تەكسەرۋ جۇرگىزۋگە جۇرەكسىنگەن. سوندىقتان, ولار شاقىرتقان پوليتسيا قىزمەتكەرلەرى دەرەۋ ىسكە كىرىسىپ, سومكەنى تەكسەرەدى. سويتسە... سومكە ىشىنەن باسسەيندە دەمالعان ءجوسوسپىرىمنىڭ ۇمىت قالدىرعان بۇيىمدارى شىعادى. پوليتسيا قىزمەتكەرلەرى «مانداريننەن» تۇسكەن شاقىرتۋدى «جالعان دابىل», دەپ ەسەپتەيدى. وسىلايشا, كوپتى قورقىتقان, جاساقتى ابىگەرلەگەن قارا سومكەنىڭ سىرى اشىلدى. لايىم, قورقىنىشتىڭ سوڭى جاقسىلىققا جالعاسىپ, كوڭىلدى كۇلكىمەن اياقتالا بەرسىن دەيمىز. گۇلايىم شىنتەمىرقىزى. فوتو: egemen.kz ماڭعىستاۋ وبلىسى // o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e