قازاقستان پرەزيدەنتى نۇرسۇلتان نازارباەۆ «ەكسون موبيل» كورپوراتسياسى ديرەكتورلار كەڭەسىنىڭ توراعاسى رەكس تيللەرسونمەن كەزدەستى.
كەزدەسۋ بارىسىندا قازاقستاننىڭ مۇناي-گاز سالاسىن دامىتۋعا كومپانيانىڭ قاتىسۋى جونىندەگى ماسەلەلەر, سونداي-اق, بىرقاتار ينۆەستيتسيالىق جوبالاردىڭ ىسكە اسىرىلۋ بارىسى تالقىلاندى.
مەملەكەت باسشىسى بىرلەسىپ جۇرگىزگەن جۇمىستار كەزەڭىندە قول جەتكىزىلگەن تابىستى ىنتىماقتاستىققا نازار اۋداردى.
رەكس تيللەرسون نۇرسۇلتان نازارباەۆتى قازاقستان تاۋەلسىزدىگىنىڭ 25 جىلدىعىمەن قۇتتىقتاپ, وسى جىلدارى ەلىمىزدىڭ زور جەتىستىكتەرگە قول جەتكىزگەنىن اتاپ ءوتتى.
سونداي-اق, «ەكسون موبيل» كورپوراتسياسى ديرەكتورلار كەڭەسىنىڭ توراعاسى ەلىمىزبەن سەرىكتەستىك قارىم-قاتىناستاردىڭ ودان ءارى دامي بەرەتىنىنە سەنىم ءبىلدىردى.
تالعات رايىمبەك.
دەرەك, فوتو: akorda.kz.