الماتىدا قازاق تاعامتانۋ اكادەمياسىنىڭ قاسىنان قىمىزدان ءتۇرلى تاعامدار جاسايتىن زاۋىت ىسكە قوسىلدى. عالىمداردىڭ ايتۋىنشا, الەمدە مۇنداي ءوندىرىس ورنى العاش بولىپ قازاقستاندا اشىلىپ وتىر ەكەن.
اكادەميك, مەديتسينا عىلىمدارىنىڭ دوكتورى تورەگەلدى شارمانوۆ قازاق تاعامتانۋ اكادەمياسىنىڭ بىرنەشە جىلعى عىلىمي جۇمىستارىنىڭ ارقاسىندا وسىنداي جەتىستىكتەرگە جەتىپ جاتقانىن ايتتى.
– سيىر سۇتىندەگى ماي قىشقىلىنىڭ قۇرامىندا ترانسمايقىشقىلى دەگەن ۋلى زات بار. ال بيەدە ول جوق. وسىعان بايلانىستى ءبىز مۇنداي سۋسىننان وزگە دە تاعام تۇرلەرىن دايىنداۋ قاجەت دەگەن ويعا كەلدىك. سودان ءمان بەرىپ قاراساق, تورتتى, ءتاتتى بالىشتەردى, كامپيتتى, شوكولادتى, بالمۇزداقتى جاساۋعا بولادى ەكەن.
قىمىزدان جاسالعان بالمۇزداقتىڭ ەرەكشەلىگى, قۇرامىندا ادام دەنساۋلىعىنا قاۋىپتى حيميالىق قوسپالار جوق. ونىڭ باعاسى دا قىمبات ەمەس كورىنەدى. ماماندار الداعى ۋاقىتتا بۇدان بولەك ءبىرنەشە تاعام ءتۇرىن شىعارۋدى جوسپارلاپ وتىر.
ايان ءابدۋالي,
«ەگەمەن قازاقستان»