ۇيلەرىنىڭ قابىرعالارىنا ارناۋلى تاقتالار ىلىنەدى
استانا قالاسىنىڭ سارىارقا اۋدانى ارداگەرلەر كەڭەسىنىڭ وكىلدەرى ۇلى وتان سوعىسىنىڭ ارداگەرلەرى تۇراتىن ۇيلەرگە ەسىمدەرى جازىلعان تاقتالاردى ورناتا باستادى. ولار جەڭىستىڭ 71 جىلدىعىن تويلاۋ قارساڭىندا وسىنداي شەشىم قابىلداعان بولاتىن. قازىرگى تاڭدا اۋداندا 67 سوعىس ارداگەرى تۇرىپ جاتىر.
– ءوتىپ بارا جاتقانداردىڭ مۇندا كىمنىڭ تۇراتىنىن ءبىلىپ ءجۇرسىن دەگەن نيەتپەن تاقتالار ورناتىپ جاتىرمىز. بۇل ارداگەرلەردىڭ ەرلىگىن ۇمىتپاۋ ماقساتىندا جاسالىپ وتىر. مۇنداي ءىس-شارالار جاستاردىڭ بويىنداعى پاتريوتتىق سەزىمىن وياتۋىنا سەپتىگىن تيگىزەدى, – دەدى اۋداندىق ارداگەرلەر كەڭەسىنىڭ توراعاسى ەبەنعاپپاس احمەتوۆ.
قالالىق جانە اۋداندىق ارداگەرلەر كەڭەستەرى ۇلى وتان سوعىسى ارداگەرلەرىنە قولداۋ كورسەتۋدە. العاش بولىپ اتاۋلى بەلگى ارداگەر فرولوۆ الەكسەي فەدوروۆيچتىڭ ۇيىنە ورناتىلدى.
– ەڭ ءبىرىنشى اكىمدىكتەرگە, ءماسليحات مۇشەلەرىنە جانە ارداگەرلەر كەڭەسىنە جاساعان سىيلىقتارى ءۇشىن العىسىمدى ءبىلدىرەمىن. وسكەلەڭ ۇرپاققا پاتريوتتىق تاربيە بەرۋ باستى نازارعا الىنىپ جاتىر. جاستارعا اسكەري ءبىلىم الۋدى تىلەيمىن! ەشقاشان دا ساعىمىز سىنباسىن! – دەدى الەكسەي فرولوۆ.
مۇنداي بەلگىلەر الداعى ۋاقىتتا سوعىس زۇلماتىن كورگەن ءاربىر جاننىڭ ۇيىنە ورناتىلادى. ەلى-جەرى ءۇشىن قاسىق قانى قالعانشا سوعىسقان جانداردىڭ ەرەن ەرلىگى ەل ەسىندە ماڭگى قالادى.
ايان ءابدۋالي,
«ەگەمەن قازاقستان»