14 ماۋسىم كۇنى تۇنگە قاراي وڭتۇستىك قازاقستان وبلىسىنىڭ وتىرار, بايدىبەك اۋداندارى مەن تۇركىستان قالاسىندا سەكۋندىنا 25-30 مەتر جىلدامدىقپەن جەل تۇرىپ, 300-دەن استام عيماراتتىڭ شاتىرىن ج ۇلىپ اكەتتى.
داۋىل سالدارىنان ەلەكتر جەلىلەرىنە دە زاقىم كەلىپ, وتىرار اۋدانىندا ونى سوندىرۋگە تۋرا كەلدى. قازىرگى ۋاقىتتا وقيعا ورنىندا ارنايى كوميسسيا جۇمىس جۇرگىزىپ جاتىر, ولار ءار ءۇيدى ارالاپ, كەلتىرىلگەن شىعىن كولەمىن انىقتاۋدا.
تابيعاتتىڭ وسىنداي توسىن مىنەزىنەن زارداپ شەككەن اۋداندارداعى حال-احۋالدى وبلىس اكىمى بەيبىت اتامقۇلوۆ ءوزى كورىپ-ءبىلىپ, جاعدايدىڭ باقىلاۋدا بولاتىندىعىن جەتكىزدى.
كوميسسيا مۇشەلەرىنىڭ ايتۋىنا قاراعاندا, داۋىلدان زارداپ شەككەندەر جوق, تەك ءۇش ادام جەڭىل جاراقاتپەن مەديتسينالىق قىزمەتتىڭ كومەگىنە جۇگىنگەن.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى