يمامتاكسي

مەشىتتەگى تاراۋيح نامازىنان كەيىن ەلدى تەگىن تاسىمالدايدى شىعىس قازاقستان وبلىستىق «حاليفا التاي» مەشىتىنىڭ ۇيىمداستىرۋى بويىنشا قاشىق تۇراتىن اعايىندى ۇيلەرىنە امان-ەسەن جەتكىزۋدى ماقسات ەتكەن تەگىن تاكسي رامازان ايىنىڭ سوڭىنا دەيىن قىزمەت كورسەتپەك. قازىرگى كەزدە وسكەمەن قالاسى مەشىتتەرىنىڭ يمامدارىنان قۇ­رالعان ون كولىك جاماعاتتى تەگىن تاسىمالداپ ءجۇر. – بۇل – قاسيەتتى رامازان ايىندا حالىققا ءسال دە بولسا كومەك بولسىن دەگەن نيەتتەن تۋعان يگى باس­تامامىز ەدى. ويتكەنى, قۇلشىلىق ۇيىنە قاريالار دا, جاعدايى تومەن ادامدار دا, مۇمكىندىگى شەكتەۋلى جاندار دا كەلەدى. اتالعان قىزمەتتى «رامازان تاكسي», «تەگىن تاكسي» دەپ اتاۋ تۋرالى ۇسىنىستار بولدى. اقىلداسا كەلە «يمامتاكسي» دەپ اتاۋدى ۇيعاردىق. ويتكەنى, قاراپايىم حالىق اراسىندا يمامدار ساداقاشىل, جانازاشىل دەگەن ىسپەتتى قاساڭ تۇسىنىك كەزدەسەدى. حالىقتى وسى ويدان ارىلتۋ ءۇشىن يمامداردىڭ جاماعاتتى تەگىن تاسىمالداۋعا ءازىر, ساۋاپتى ىسكە قۇمبىل ەكەنىن كورسەتۋدى ماقسات تۇتتىق, – دەدى شىعىس قازاقستان وبلىسىنىڭ وسكەمەن وكرۋگى بويىن­شا وكىل يمامى, «حاليفا التاي» مەشىتىنىڭ باس يمامى ەرمەك قاجى مۇقاتاي. «يمامتاكسي» يمامداردىڭ يمان­دىلىق شارتتارى تۋرالى ۋاعىز اي­تۋىمەن دە ەرەكشەلەنەدى.  دۋمان اناش, «ەگەمەن قازاقستان» وسكەمەن