كانادالىق اتاقتى حوككەيشى, ستەنلي كۋبوگىنىڭ ءتورت دۇركىن يەگەرى گوردي حوۋ 10 ماۋسىم, جۇما كۇنى 88 جاسىندا دۇنيە سالدى.
«ءالى انىقتالماعان اقپار بويىنشا, وگايودا تاڭەرتەڭگىلىك ساعات 07:58-دە گوردي حوۋ قايتىس بولدى», دەپ جازادى كەمپبەلل.
«دەترويت رەد ۋينگز» كلۋبى كەيىنىرەك Twitter-دەگى ءوز پاراقشاسىندا اتى اڭىزعا اينالعان حوككەيشىنىڭ باقيلىق بولعانىن راستاپ بەردى.
حوۋ 2014 جىلدىڭ كۇزىندە ينسۋلت الىپ, دەنەسىنىڭ ءبىر جاعى جانسىزدانىپ قالعان ەدى. 2015 جىلدىڭ قاڭتارىندا ونىڭ بىرەۋدىڭ كومەگىنسىز ءوز بەتىنشە جۇرە المايتىنى بەلگىلى بولدى.
گوردي حوۋ ستەنلي كۋبوگىن«دەترويت رەد ۋينگز» قۇرامىندا 1950, 1952, 1954, 1955 جىلدارى جەڭىپ الدى. ول ۇلتتىق حوككەي ليگاسىندا (ۇحل) 25 ماۋسىم ونەر كورسەتتى, تاعى 10 جىل باسقا ليگالاردا وينادى. حوككەيشى ۇحل –دا 1767 ماتچ وتكىزدى. ويىنشىلىق مانسابىن تەك 52 جاسىند عانا اياقتادى.
مۇرات ايتقوجا.
فوتو: inoprokhl.ru