استانا. 3 ماۋسىم. سەنبى, 4 ماۋسىم كۇنى قاراعاندى وبلىسىنىڭ بۇرىنعى اكىمى باۋىرجان ابدىشەۆتى شارتتى-مەرزىمىنەن بۇرىن بوساتۋ تۋرالى قاۋلى كۇشىنە ەنەدى. بۇل تۋرالى «نوۆىي ۆەستنيك» اقپارىنا سۇيەنگەن egemen.kz ءتىلشىسى حابارلادى.
«وسى ماسەلەنى قاراعان سوت وتىرىسىنىڭ وتكەنىنە 15 كۇن بولدى», - دەلىنگەن حابارلامادا.
ءمالىم بولعانداي, بۇگىن باۋىرجان تۇيتەي ۇلى ءوزىنىڭ تۋعان كۇنىن اتاپ ءوتىپ جاتىر. ول 48 جاسقا تولىپ, كەزەكتى مۇشەلىن باستادى.
ايتا كەتۋىمىز كەرەك, باۋىرجان ابدىشەۆ 2014 جىلعى 23 قىركۇيەك كۇنى ۇستالعان بولاتىن. ال 26 قىركۇيەكتە قاماۋعا الىندى. سول ۋاقىتتان بەرى بۇرىنعى اكىم ق ۇلىپ استىندا 1 جىل, 8 اي جانە 12 كۇن وتىردى. بۇل ۋاقىتتاردى ول ۋاقىتشا ۇستاۋ وقشاۋلاعىشىندا جانە ۇكىم شىققاننان كەيىن اك 159/1 كولونياسىندا وتكىزدى.
قاراعاندى وبلىسىنىڭ ەكس-اكىمىنە قاتىستى ۇكىم 2015 جىلدىڭ جەلتوقسان ايىندا شىقتى. وعان جەمقورلىق سيپاتىنداعى قىلمىستار جاسادى دەگەن ايىپ تاعىلدى. سونىڭ ىشىندە بيزنەسكە زاڭسىز قاتىسقانى, كاسىپكەرلىككە كەدەرگى كەلتىرگەنى, قىزمەت جاعدايىن اسىرا پايدالانعانى ايتىلدى. سوتتالۋشى مۇنىڭ ءبارىن مويىندادى.
وسى قىلمىستارى ءۇشىن ەكس-اكىمگە دۇنيە-م ۇلىكتەرىن تاركىلەپ, جالپى رەجىمدەگى كولونيادا 5 جىل وتىرۋ جازاسى كەسىلدى. ناۋرىز ايىندا اپپەلياتسيالىق القا بۇل ۆەرديكتتى وزگەرتتى. ونىڭ جازاسى 3 جىل تۇرمەدە وتىرۋعا كەمىتىلدى. سونىڭ سوڭىنان مەرزىمىنەن بۇرىن تۇرمەدەن بوساتىپ, جازاسىن شارتتى نەگىزگە الماستىرۋعا شەشىم قابىلداندى.
تالعات رايىمبەك.
دەرەك, فوتو: نوۆىي ۆەستنيك.