كوكشەتاۋ. 3 ماۋسىم. بۇگىن قازاقستان رەسپۋبليكاسى ىشكى ىستەر ءمينيسترىنىڭ بۇيرىعىمەن پوليتسيا پولكوۆنيگى سادەنوۆ ەرجان ساپاربەك ۇلى اقمولا وبلىستىق ىشكى ىستەر دەپارتامەنتىنىڭ باستىعى بولىپ تاعايىندالدى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى.
وبلىستىڭ جاڭا باس پوليتسەيىن دەپارتامەنت ۇجىمىنا ىشكى ىستەر ءمينيسترىنىڭ ءبىرىنشى ورىنباسارى, پوليتسيا گەنەرال-مايورى مارات دەمەۋوۆ تانىستىردى.
ە. سادەنوۆ شىعىس قازاقستان وبلىسىندا تۋعان. شىعىس قازاقستان مەملەكەتتىك ۋنيۆەرسيتەتىن, قر قاۋىپسىزدىك كوميتەتى قاراعاندى مەكتەبىن بىتىرگەن. شىعىس قازاقستان وبلىستىق ىشكى ىستەر دەپارتامەنتىندە ءارتۇرلى باسشىلىق لاۋازىمداردى اتقارعان, ماڭعىستاۋ وبلىستىق ىشكى ىستەر دەپارتامەنتى باستىعىنىڭ ءبىرىنشى ورىنباسارى, ىشكى ىستەر مينيسترلىگى قىزمەتتەرىنىڭ بىرىندە باسشى بولعان. ول جاڭا تاعايىنداۋعا دەيىن ىشكى ىستەر مينيسترلىگىنە قاراستى كولىك ىشكى ىستەر دەپارتامەنتىنىڭ باستىعى بولىپ كەلگەن.
باقبەرگەن امالبەك.
دەرەك, فوتو: اقمولا وبلىستىق ىشكى ىستەر دەپارتامەنتىنىڭ باستىعى.