استانا. 3 ماۋسىم. اقش-تىڭ وڭتۇستىك-باتىسىنداعى اريزون شتاتىندا استەرويد قۇلادى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
كۋاگەرلەردىڭ ايتۋىنشا, ديامەترى 3 مەتر بولاتىن استەرويد جەر اتموسفەراسىنا بەيسەنبى كۇنى جەرگىلىكتى ۋاقىت بويىنشا ساعات 04:00 كەزىندە كىرگەن. ولار سوڭعى رەت اسپان دەنەسىن تونتو ۇلتتىق ساياباعىندا جۇرگەندە كورگەن. شتات تۇرعىندارى جارق ەتكەن وتتى جارىقتىڭ جانە بىرنەشە قاتتى داۋىستىڭ كۋاسى بولدى.
اەروناۆتيكا جانە عارىش كەڭىستىگىن زەرتتەۋ جونىندەگى ۇلتتىق باسقارمانىڭ قىزمەتكەرى بيلل كۋكتىڭ ايتۋىنشا وقىس وقيعادان زارداپ شەككەندەر جايلى حابارلاما كەلىپ تۇسپەگەن.
اتالعان باسقارمانىڭ ەسەپتەۋى بويىنشا, استەرويد ساعاتىنا 64,7 مىڭ شاقىرىم جىلدامدىقپەن ۇشقان. ال ونىڭ كينەتيكالىق ەنەرگياسى 10 كيلوتوننانى قۇراعان.
ايان ءابدۋالي.
دەرەك, فوتو: ريا «نوۆوستي».