كوكشەتاۋ. 2 ماۋسىم. اقمولا وبلىسىندا تۇراتىن 78 جاستاعى قاريا ءوزىنىڭ 58 جاستاعى سۇيىكتى ايەلىمەن باس قوستى. بۇل تۋرالى «ەكسپرەسس ك» گازەتىنىڭ دەرەگىنە سىلتەمە جاساعان egemen.kz ءتىلشىسى حابارلادى.
«اقمولا وبلىسىندا 78 جاستاعى اتاي 58 جاستاعى سۇيىكتىسىنە ۇيلەندى. كۇيەۋ جىگىت داستۇرگە ساي توي وتكىزدى», - دەپ جازادى باسىلىم.
وبلىستىق ادىلەت دەپارتامەنتىنىڭ مالىمەتىنە قاراعاندا, اقمولا وڭىرىندە 2016 جىلدىڭ العاشقى ءتورت ايىندا 1 450 جۇپ ءبىر-بىرلەرىمەن تاعدىرلارىن قوسقان. ولاردىڭ 87-ءسى شەتەلدىك ازاماتتارعا تۇرمىسقا شىققان. شاڭىراق قۇرعان جىگىتتەردىڭ ورتا جاسى 30 بولسا, قىزدار 28 شاماسىندا.
«ۇيلەنگەندەر اراسىنداعى ەڭ جاسى 17-گە ەندى تولسا, تۇرمىس قۇرعاندار قاتارىندا 16-داعى ءجاسوسپىرىم قىز بار. ەڭ جاسى ۇلكەن ەر كىسى 78-دە بولسا, ايەل 73-تە», - دەدى ادىلەت دەپارتامەنتىنىڭ ءبولىم جەتەكشىسى بوتا سەيفۋللينا.
ەندىگى ءبىر قۋانىشتى جاعداي, وبلىستا دەموگرافيالىق ءدۇمپۋ بار! وسى ەسەپتى كەزەڭدە 4 926 بوبەك تۋىلعان. وتكەن جىلدىڭ وسى ۋاعىمەن سالىستىرعاندا, بۇل – 296 بۇلدىرشىنگە ارتىق. سول سياقتى اجىراسۋشىلار قاتارى ەداۋىر ازايعان.
باقبەرگەن امالبەك.
دەرەك, فوتو: ەكسپرەسس ك.