قاراعاندى. 2 ماۋسىم. قاراعاندى وبلىستىق ىشكى ىستەر دەپارتامەنتىنىڭ ۇيىمداسقان قىلمىسپەن كۇرەس جونىندەگى باسقارما قىزمەتكەرلەرى بالاسىن ساتپاق بولعان بالقاش قالاسىنىڭ تۇرعىنىن قاماۋعا الدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
بالقاش قالاسىندا 22 جاستاعى ايەلدىڭ بالاسىن ساتپاقشى بولىپ جۇرگەنى تۋرالى حابار ىشكى ىستەر ورگاندارىنا تۇسكەن بولاتىن. جەدەل-ىزدەستىرۋ شارالارى بارىسىندا ءتارتىپ ساقشىلارى 30 مىڭ تەڭگەگە ەكى جاسار ءسابيىن ساتپاقشى بولىپ جاتقان كەزىندە كۇدىكتىنى ايعاقپەن قولعا ءتۇسىردى.
قازىرگى تاڭدا وسى وقيعا بويىنشا قىلمىستىق ءىس قوزعالىپ, سوتقا دەيىنگى تەرگەۋ امالدارى جۇرگىزىلىپ جاتىر.
قايرات ءابىلدينوۆ.
دەرەك: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
فوتو: aif.ua.