جەر ماسەلەسى جونىندەگى سۇراقتارعا ارنالدى
شىعىس وڭىرىندە «جەر كودەكسىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىن تەرەڭ ءتۇسىندىرۋ ماقساتىندا وبلىستىق «ديدار», «رۋدنىي التاي» گازەتتەرىنىڭ 500 مىڭ دانا ارنايى شىعارىلىمى جارىق كوردى. اتالعان باسىلىم وڭىردەگى ءار قالا مەن اۋداندا كەڭىنەن تاراتىلۋدا.
بۇل ارنايى شىعارىلىمدا باسپاگەرلەر جەر رەفورماسىنىڭ ەرەجەلەرىن تۇسىندىرىلەدى. وقىرمانداردىڭ نازارىنا مەملەكەت باسشىسى ن.نازارباەۆتىڭ جارلىعىمەن 2016 جىلدىڭ 31 جەلتوقسانىنا دەيىن ەنگىزىلگەن موراتوري ۇسىنىلعان. سونداي-اق, جالعا بەرىلگەن جەر تەلىمدەرىن ساتىپ الۋ, اۋىل شارۋاشىلىعىنا پايدالانىلاتىن جەرلەردەگى شەكتەۋلەردى الۋ, شەتەلدىك ازاماتتاردىڭ جەردى پايدالانۋى تۋرالى جاعدايلار جان-جاقتى جازىلعان. بارلىق جاريالانىمدارمەن بىرگە شىعىس ءوڭىرىنىڭ جەر رەسۋرسى تۋرالى ينفوگرافيكالار, سىزبالار, ستاتيستيكالىق ساراپتامالار بەرىلگەن.
ارنايى شىعارىلىم بارلىق قوعامدىق ورىنداردا, ءبىلىم بەرۋ, دەنساۋلىق ساقتاۋ مەكەمەلەرىندە تەگىن تاراتىلىپ جاتىر. بۇدان وزگە, جەر رەفورماسى ماسەلەلەرى ءجونىندەگى Call-ورتالىققا كەلىپ ءتۇسكەن ساۋالدار مەن وعان بەرىلگەن جاۋاپتار دا كورىنىس تاپقان. ايتا كەتكەن ءلازىم, جەر ماسەلەسى جونىندەگى Call-ورتالىققا العاشقى ون كۇننىڭ وزىندە 17 ساۋال كەلىپ تۇسكەن بولاتىن. شىعىسقازاقستاندىقتاردىڭ باسىم بولىگىن جەكە تۇرعىن ءۇي سالۋعا ارنالعان جەر تەلىمىن الۋ ءتارتىبى مازالايدى. حالىققا جەر زاڭناماسىنىڭ نورمالارىن ءتۇسىندىرۋدى كوزدەيتىن Call-ورتالىق وبلىستىق جەر قاتىناستارى باسقارماسىنىڭ بازاسىندا قۇرىلدى. باسقارما باسشىسى ەرنار بەكسۇلتانوۆتىڭ ايتۋىنشا, ءتۇسىپ جاتقان ساۋالدارمەن بىرگە ۇسىنىستار دا بار. تۇرعىندار اتالعان تاقىرىپتاعى ساۋالدارىن 8(7232)701-657, 702-391, 701-805 تەلەفون نومەرلەرىنە حابارلاسىپ, قويا الادى. ورتالىق ماماندارى سۇراقتارعا كۇندەلىكتى ساعات 8.00-دەن 20.00-گە دەيىن جەتكىلىكتى دارەجەدە جاۋاپ بەرەدى.
دۋمان اناش,
«ەگەمەن قازاقستان»